ViPodium ناملىق بۇ ئەڭ يېڭى كىيىم سىناش مەھسۇلاتى مىكروسوفتنىڭ Kinnect تېخنىكىسىنى ئىشلەتكەن بولۇپ، سىز تاللىغان كىيىمنى چوقۇم ئۈستىڭىزگە كىيىپ سىنىشىڭىز ھاجەت ئەمەس، پەقەت ئېكرانغا قاراپ كىيىمنىڭ ئۇچىڭىزغا چىققاندىن كېيىنكى ئۈنىمىنى كۆرگەندىن كېيىن ئاندىن سېتىۋېلىش سېتىۋالماسلىقنى بېكىتسىڭىزمۇ بولىدۇ. تۆۋەندىكى سىندىن ViPodium نىڭ قانداق نەرسىلىكىنى كۆرۈپ باقايلى.

ViPodium نىڭ ئېكرانىدا سىز ئۆزىڭىزنىڭ ئۇدۇلدىن تۇرغان ھالىتىڭىزنى كۆرەلەپلا قالماستىن، يەنە ئورنىڭىزدا تۇرۇپ ئايلانغان ھالەتتىكى ئۈنۈمنىمۇ كۆرگىلى بولىدۇ، ئوخشىمىغان نۇقتىدىن كىيىمنىڭ سىزگە ياراشقان ياراشمىغانلىقىنى بىلەلەيسىز. دىمەك، بۇ تېخنىكا ناۋادا كەلگۈسىدە ئومۇملىشىپلا قالسا، ھەرگىزمۇ ياندىكى دوستلىرىڭىزدىن «كىيمىم يارىشىپتىمۇ؟» دەپ سورىشىڭىزنىڭ ھاجىتى قالمايدۇ!

iPad ،iPhone دا زىيارەت قىلغۇچىلار بۇ يەرنى بېسىپ كۆرۈڭ

ئەلۋەتتە، ناۋادا بۇ تېخنىكا كېڭىيىپ ئائىلىلەرگىچە ئومۇملاشسا، كىيىم-كېچەكلەرگە توردىنلا پۇل تۆلىگىلى بولسا، ئۇ ھالدا ئاتايىتەن بازارغا چىقىپ كىيىم ئېلىشنىڭمۇ ھاجىتى قالماسلىقى مۇمكىن. ھەتتا، بۇ تېخنىكا ئايالى ياكى قىز دوستىغا ھەمرا بولۇپ بازارغا چىقسا ئاسانلا چارچاپ ھېرىپ جۇلىقى چىقىپ كېتىدىغان ئەرلەر ئۈچۈن تەقەززالىق بىلەن كۈتىدىغان مەھسۇلات بولۇپ قېلىشىمۇ مۇمكىن!