مىكروسوفت(Microsoft) ئالدىنقى ئايدا بىر قانچە دانە سىننى ئېلان قىلىپ، Windows8 نىڭ بىر دانە كونا سەپلىمىلىك لەپتوپتىكى قوزغىلىش سۈرئىتىنى كۆرسىتىپ ئۆتتى، ئۈنۈمى خېلىلا يامان ئەمەس دېيىشكە بولىدۇ، يېڭى ئېلان قىلىنغان Macbook Air نىڭ Lion سېستىمىسى بىلەن تەڭلىشىپ قالغاندەكمۇ قىلىدۇ، قارىغاندا، ئۇزۇندىن بېرى كۆپچىلىكنى قىيناپ كېلىۋاتقان Windows نىڭ قوزغىلىش سۈرئىتى مەسىلىسى ئاخىرى بىر ئاز ئەلالاشتۇرۇلغان چېغى…

بىراق، بەزى تورداشلار بۇ گەپنىڭ ئازراق تونۇش ھېس قىلغان، شۇنىڭ بىلەن ئېرىنمەي Windows نىڭ ئىلگىرىكى نەشىرلىرىدىكى تەشۋىقات سۆزىنى ئاختۇرۇپ چىققان ھەمدە تۆۋەندىكىدەك بىر قىسىم قىزىقارلىق نەرسىلەرنى بايقىغان:

windows 7:
قوزغىلىش سۈرئىتى راكېتاغا ئوخشاشلا تېز؛
Windows Vista:
قوزغىلىش سۈرئىتى Windows XP غا قارىغاندا %50 تېز!
Windows XP، ئۇ تېخى 2002-يىلى ئىدى، مىكروسوفت مۇنداق بىلدۈرگەن:
ئىستېمالچىلار تەكشۈرۈش دوكلاتىدا كۆرسىتىلىشىچە، كۆپچىلىك ئەڭ ئېھتىياجلىق سېستىما ئالاھىدىلىكىنىڭ بىرى – سېستىمىنىڭ قوزغىلىش سۈرئىتى(سوغۇق قوزغىتىش، ئۇيقۇ ھالىتىدىن ئەسلىگە كەلتۈرۈش) ئىكەن، Windows XP سېستىمىسىدا، Windows ئېچىش گۇرۇپپىسىدىكىلەرنىڭ ئورتاق تىرىشچانلىقى ئارقىسىدا، PC نىڭ تېخىمۇ تېز قوزغىلىشى رېئاللىققا ئايلانغان؛
تونۇش ئاڭلىنىۋاتامدۇ؟ بۇ تېخى ھېساب ئەمەس، 2001-يىلىدىكى Windows me نى ئېلان قىلىش يىغىنىدا، مىكروسوفت تۆۋەندىكىگە ئوخشاپ قالىدىغانراق بىر گەپنى قىلغان:
Windows me سېستىمىسىدا تىرىشچانلىق كۆرسىتىش ئارقىلىق، PC نىڭ تېخىمۇ تېز قوزغىلىشىنى قولغا كەلتۈردۇق؛

بۇ بىر بۆلەك بىلەن XP نىڭ تەشۋىقات سۆزى ئاساسەن دېگۈدەك ئوخشاش. ئارىدىن 10 يىل ئۆتتى، Windows نىڭ قوزغىلىش سۈرئىتىدە گەرچە ھەقىقەتەن ئىلگىرىلەش بولغان بولسىمۇ، ئەمما «راكېتا»غا سېلىشتۇرغاندا يەنىلا خېلى زور پەرق بار. بۇ قېتىم، مىكروسوفتنىڭ قوزغىلىش سۈرئىتى مەسىلىسىنى ھەقىقىي تۈردە ھەل قىلىشىنى ئۈمىد قىلىمەن، چۈنكى ئالما(Apple) بۇ جەھەتتە ھەقىقەتەن خېلى يامان ئەمەس قىلدى دېيىشكە بولىدۇ.