مىكروسوفتنىڭ Kinect تېخنىكىسى شۈبھىسىزكى بىر مۇۋاپىقىيەت قازانغان مەھسۇلات بولۇپ ھېسابلىنىدۇ، Wii ۋە Sony Move نىڭ كۈچلۈك خىرىس ئېلىپ كەلگۈچىسى بولۇش سۈپىتى بىلەن، بۇ چىرايلىق تېخنىكا نۆۋەتتە پەقەت Xbox360 ئويۇنچۇقى بىلەنلا چەكلىنىپ قالماقتا، PC ئىشلەتكۈچىلەر قوشۇنىغا تەۋە بىزلەر بولساق، بۇنىڭدىن تولىمۇ مەيۈسلىنىپ تۇرۇپتۇق…

يېقىندا مىكروسوفت تەرەپتىن بۇ توغرىسىدا خۇشخەۋەر كەلدى، Kinect نىڭ يىللىق تۇغۇلغان كۈن ھارپىسىدا، مىكروسوفت تەرەپ Kinect نى Windows قا ئېلىپ كىرىدىغانلىقى توغرىسىدا ئۇچۇر بەردى!!!

ئەمما مىكروسوفتمۇ بىرلا ۋاقىتتا Kinect نىڭ Windows سۇپىسىدىكى ئاساسلىق رولى ئويۇنلاردا ئەمەس، بەلكى قوللىنىشچان پروگراممىلارغا بەكرەك مەركەزلىشىشى مۇمكىنلىكىنى ئەسكەرتتى.. ئەلۋەتتە، كىچىك تىپتىكى ئېلىكترونلۇق ئويۇنلاردا يەنىلا مەسىلە يوق.

سودا كەسپىنىڭ ئېھتىياجى تۈپەيلى، مىكروسوفت نۆۋەتتە ئاللىقاچان Kinect For Windows تىپىدىكى ھەر خىل كىچىك قوللانچى پروگراممىلارنى ئېچىشنى باشلاپ كەتكەن بولۇپ، بۇلارنىڭ چېتىلىدىغان ساھەسى داۋالاش، مائارىپ، سەنئەت قاتارلىق كۆپ ساھەلەرگە بارىدىكەن، نۆۋەتتە تۈزۈپ بولۇنغان قوللانچى پروگراممىلارمۇ 200 دىن ئاشقان.

ئەلۋەتتە، Kinect تېخى ئائىلىلەرگىچە تېخى ھەقىقىي سىڭىپ كىرىشكە باشلىغىنى يوق، بىراق ئىشىنىمەنكى، ئۇزۇن ئارىغا قالماي، دۇنيانى ئۆزگەرتىدىغان يېڭى تېخنىكىلار بىزنىڭ تۇرمۇشىمىزنى يېڭىچە مەنىگە ئىگە قىلىشى مۇمكىن.