چاۋشيەن تاشقى ئىشلار ۋازارىتىنىڭ باياناتچىسى 1-ئاۋغۇست پيوڭياڭدا: چاۋشيەن ئالتە تەرەپ سۆھبىتىگە شەرتسىز قاتنىشىدۇ، دېدى. خەۋەردە ئېيتىلىشىچە، چاۋشيەن تاشقى ئىشلار ۋازارىتىنىڭ بىرىنچى مۇئاۋىن ۋازىرى كىم كۇيگۈەن يېقىندا ئامېرىكىدا زىيارەتتە بولۇپ ، ئامېرىكىنىڭ چاۋشيەن مەسىلىسى بويىچە پەۋقۇلئاددە ئەلچىسى بوسۋوس بىلەن چاۋشيەن -ئامېرىكا مۇناسىۋىتىنى ياخشىلاش، چاۋشيەن يېرىم ئارىلى ۋەزىيىتىنىڭ مۇقىملىقىغا كاپالەتلىك قىلىش ۋە ئالتە تەرەپ سۆھبىتىنى ئەسلىگە كەلتۈرۈش ئۈستىدە تەپسىلىي مۇزاكىرىلەشكەن. باياناتچى مۇنۇلارنى بىلدۈردى: چاۋشيەن ئۆزىنىڭ «ئالتە تەرەپ سۆھبىتىنى شەرتسىز ئەسلىگە كەلتۈرۈش» ۋە بىرلا ۋاقىتتا ھەرىكەتلىنىش پىرىنسىپى بويىچە 19-سېنتەبىر ئورتاق باياناتىنى ئومۇميۈزلۈك ئادا قىلىش مەيدانىدا چىڭ تۇرىدۇ. ئۇ مۇنداق دېدى: چاۋشيەن -ئامېرىكا ئىككى تەرەپلىك مۇناسىۋەتنى ياخشىلاش جەھەتتە ئورتاق تونۇش ھاسىل قىلدى. چاۋشيەن يېرىم ئارىلىنىڭ يادرو مەسىلىسىنى تىنچ يول ئارقىلىق ھەل قىلىش ئىككى تەرەپنىڭ مەنپەئەتىگە ئۇيغۇن، دەپ ھېسابلايدۇ ھەم داۋاملىق سۆزلىشىشىكە قوشۇلىدۇ.
تەرجىمان: ئابدۇرۇسۇل ئابدۇرېھىم مەنبەسى:جۇڭگو ئۇيغۇرچە رادىيو تورى |
 |
سۆھبەتخانىدا ھازىر ئادەم بار | │ |
