نىدائىي يانبىلوگى

يانفوندا كۆرۈش

شەرق مەدەنىيىتىدىكى نۇرلۇق مەرۋايىت ___ دەشتئاتا شەھىرى

توخنىياز ئىسمائىل نىدائىي تەرجىمىسى

دەشتئاتا (دۈنخۇاڭ) گەنسۇ ئۆلكىسى جيۇچۈەن شەھىرىگە قاراشلىق ناھىيە دەرىجىلىك شەھەر بولۇپ، خېشى كارېدورىنىڭ ئەڭ غەربىگە جايلاشقان. جايلاشقان ئورنى گەنسۇ، چىڭخەي، شىنجاڭ ئۈچ ئۆلكىنىڭ كېسىشكەن ئورنىدا. دەشتئاتانىڭ ئومۇمىي كۆلىمى 3.12 كىۋادرات كىلومېتىر كېلىدۇ، ئومۇمىي نوپۇسى 180 مىڭ بولۇپ، پۈتۈن شەھەر دېھقانچىلىقىنى ئاساس، ساياھەت، مۇلازىمەت كەسپىنى قوشۇمچە قىلىدۇ. دەشتئاتا ئىلگىرىكى مول مەزمۇنلۇق مەدەنىيەتلىرى بىلەن جاھانغا مەشھۇر. دەشتئاتا قەدىمكى جۇڭگونىڭ غەربىي يۇرت، ئوتتۇرا ئاسىيا ۋە ياۋروپانى تۇتاشتۇرىدىغان مۇھىم قاتناش لىنىيەسى ___ يىپەك يولىغا جايلاشقان بولۇپ، ئىلگىرى بۇ جايدا سودا پائالىيەتلىرى ئىنتايىن گۈللەنگەنىدى.

دەشتئاتا شەھىرى جيۇچۈەن شەھىرىنىڭ قارىمىقىدا بولۇپ، قارىمىقىدا يەتتە بازار، ئىككى يېزا بار بولۇپ، ئومۇمىي نوپۇسى 200 مىڭ نەپەر ئەتراپىدا بولۇپ، شەھەرلەشتۈرۈش نىسبىتى % 57 كە يېتىدۇ. ئومۇمىي نوپۇسىدا خەنزۇلار كۆپ ساننى ئىگىلەيدۇ، خۇيزۇ، مانجۇ، زاڭزۇ، ئۇيغۇر، مياۋزۇ، موڭغۇل، تۇزۇ، قازاق، دوڭشياڭزۇ، يۇغۇر قاتارلىق 27 ئاز سانلىق مىللەتنىڭ نوپۇسى % 2.2 نى ئىگىلەيدۇ.