مالايشىيانىڭ بىتەلەي ئايروپىلانىنىڭ قالدۇقى تېپىلدى
-
مالايشىيانىڭ بىتەلەي ئايروپىلانىنىڭ قالدۇقى تېپىلدى
ۋاقتى: 2015-08-06 ئاۋاتلىقى: 3872 قېتىميانفوندا كۆرۈش
مالايشىيا رېئۇنىئون ئارىلىدىكى ئايروپىلان پارچىلىرىنىڭ MH370 نىڭ ئىكەنلىكىنى جاكارلىدى
مەنبەسى: تەڭرىتاغ ئۇيغۇرچە تورى
مالايشىيا زۇڭلىسى نەجىب شۇ يەر ۋاقتى 2015-يىلى 6-ئاۋغۇست ئاخبارات ئېلان قىلىش يىغىنى چاقىرىپ، 29-ئىيۇل فىرانسىيە تەۋەلىكىدىكى رېئۇنىئون ئارىلىدا بايقالغان ئايروپىلان پارچىلىرىنىڭ مالايشىيا ئاۋىياتسىيە شىركىتىنىڭ MH370 تىپلىق يولۇچىلار ئايروپىلانىغا تەۋە ئىكەنلىكى دەلىللەنگەنلىكىنى جاكارلىدى.
شىنخۇا تورى، كۇئالالۇمپۇر، 6-ئاۋغۇست تېلېگراممىسى: مالايشىيا زۇڭلىسى نەجىب شۇ يەر ۋاقتى 2015-يىلى 6-ئاۋغۇست ئاخبارات ئېلان قىلىش يىغىنى چاقىرىپ، 29-ئىيۇل فىرانسىيە تەۋەلىكىدىكى رېئۇنىئون ئارىلىدا بايقالغان ئايروپىلان پارچىلىرىنىڭ مالايشىيا ئاۋىياتسىيە شىركىتىنىڭ MH370 تىپلىق يولۇچىلار ئايروپىلانىغا تەۋە ئىكەنلىكى دەلىللەنگەنلىكىنى جاكارلىدى.نەجىب شۇ كۈنى سەھەردە كۇئالالۇمپۇردا چاقىرىلغان ئاخبارات ئېلان قىلىش يىغىنىدا مۇنداق دېدى: بۈگۈن يولۇچىلار ئايروپىلانى يوقاپ كەتكىنىگە 515 كۈن بولدى، مەن چوڭقۇر قايغۇلۇق ھېسسىيات بىلەن سىلەرگە شۇنى دېمەكچىمەنكى، بىر خەلقئارا مۇتەخەسسىسلەر گۇرۇپپىسى رېئۇنىئون ئارىلىدا بايقالغان ئايروپىلان پارچىلىرىنىڭ ھەقىقەتەن MH370 تىپلىق يولۇچىلار ئايروپىلانىنىڭ ئىكەنلىكىنى دەلىللىدى. نۆۋەتتىكى ئىسپاتلاردا ئايان بولۇشىچە، MH370 تىپلىق يولۇچىلار ئايروپىلانى بەختسىزلىككە ئۇچرىغان ئورۇن جەنۇبىي ھىندى ئوكياننىڭ ئاخىرىغا توغرا كېلىدىكەن.نەجىب مۇنداق دېدى: مالايشىيا ھۆكۈمىتى ھەقىقىي ئەھۋالنى بىلىش ئۈچۈن يەنىمۇ تىرىشىشقا ۋەدە بېرىدۇ.مالايشىيا ئاۋىياتسىيەسىنىڭ باياناتىدا مۇنداق دېيىلدى: فىرانسىيە ھۆكۈمىتى، فىرانسىيە خەلق ئاۋىياتسىيەسى بىخەتەرلىك تەكشۈرۈش، ئانالىز ئىدارىسى، مالايشىيا تەكشۈرۈش گۇرۇپپىسى ۋە جۇڭگو ۋە ئاۋسترالىيەدىن كەلگەن تېخنىكلار فىرانسىيەنىڭ تولوزدا فىرانسىيە تەۋەلىكىدىكى رېئۇنىئون ئارىلىدا بايقالغان ئايروپىلان قانىتى پارچىسىنىڭ MH370 تىپلىق يولۇچىلار ئايروپىلانىنىڭ ئىكەنلىكىنى ئورتاق دەلىللىدى. بۇ ھەقىقەتەنمۇ MH370 تىپلىق يولۇچىلار ئايروپىلانىنىڭ يوقاپ كېتىش سىرىنى ئېچىشتىكى زور بۆسۈش.2014-يىلى 3-ئاينىڭ 8-كۈنى مالايشىيا كۇئالالۇمپۇردىن جۇڭگونىڭ بېيجىڭغا قاراپ ئۇچقان مالايشىيا ئاۋىياتسىيەسىنىڭ MH370 تىپلىق يولۇچىلار ئايروپىلانى يوقاپ كەتكەن، ئايروپىلاندا جەمئىي 239 نەپەر يولۇچى بار ئىدى. 2015-يىلى 1-ئاينىڭ 29-كۈنى مالايشىيا خەلق ئاۋىياتسىيە ئىدارىسى MH370 تىپلىق يولۇچىلار ئايروپىلانىنىڭ يوقاپ كېتىش ۋەقەسىدە ئايروپىلاندىكى بارلىق يولۇچىلارنىڭ قازا قىلغانلىقىنى جاكارلىغان.
تەلەي قاپىقىدىن چىققان يازمىلار
ئامېرىكا زۇڭتۇڭلىرىنىڭ ئەقىل بۆلۈنمىسىنىڭ تەرتىپ
2016-07-07 18:57:505128داڭلىق رومان: گۆھەر ئارال (3)
2015-02-28 18:10:513636‹‹غەربكە ساياھەت››تىكىلەرنىڭ ئۇنۋانلىرى
2015-04-13 12:05:305032گېرمانىيەدىكى كاتتا قەلئەلەر
2015-03-13 00:36:193663ھەشەمەتلىك ھىندىستان زۇڭتۇڭ مەھكىمىسى
2015-04-16 16:57:425183داڭلىق رومان: گۆھەر ئارال (17)
2015-03-01 22:38:423685چەرچەن زاغۇنلۇق قەدىمكى قەبرىستانلىقى
2015-02-11 18:36:404551تەرجىمە ھېكايە: ياخشىلىققا ياخشىلىق
2015-10-08 16:10:515134
- باھالار
-
ئىسمىڭىز:
- باھالار رېتى
-