ئەسسالامۇ ئەلەيكۇم ، مۇئەللىم بىلوگىغا كىرگەن ئەزىز ئوقۇرمەن ، كەلگەن قەدىمىڭىز قۇتلۇق بولسۇن !
پىشقەدەم ، تەجرىبىلىك بىلوگگىرلارنىڭ بىلوگ ساھەسىدىن چېكىنىشى ، يېڭى ، ياش بىلوگگرلارنىڭ كۆپلەپ مەيدانغا كېلىشى بىلەن ، WordPress بىلوگلىرى توغرىسىدا سورايدىغان سۇئاللارمۇ كۆپىيىشكە باشلىدى . ئاساسلىق ۋاقتىممۇ يېڭى بىلوگگرلارنىڭ باشقۇرۇش بېتى (ئارقا بەت) توغرىسىدىكى سورىغان سۇئاللىرىغا جاۋاب بېرىش بىلەنلا كېتىپ بارىدۇ . بۇرۇن ئۇسلۇب توغرىسىدا سورايتتى ، ھازىر بولسا ئۇسلۇبچىلارنىڭ كۆپىيىشىگە ئەگىشىپ ، بۇ جەھەتتىكى بوشلۇق تولغاندەكمۇ قىلىدۇ .
يېڭى بىلوگگرلار ۋە WordPress قا كۆچۈش ئالدىدا تۇرغانلارغا نىسبەتەن يول باشلىغۇچى دەرسلىك بولار دېگەن ئۈمىدتە ، بۇرۇن باشلىغان ، ھازىر داۋاملاشتۇرۇش ئۈچۈن كېتىپ بارغان بۇ يازمىنى يوللاش قارارىغا كەلدىم .
WordPress تە بىلوگ قۇرۇش ئۈچۈن WordPress نى قاچىلاش توغرىسىدىكى يازمىلارنى كۆرمەكچى بولسىڭىز ، بۇ يەرگە «مەرھەممەت »قىلغايسىز ......

wordpress نىڭ باشقۇرۇش بېتى بىلەن تونۇشۇش

wordpress بىلوگلىرىنىڭ باشقۇرۇش بېتى ئاساسىي جەھەتتىن ئوخشاش بولۇپ ، قىسمەن ئوخشىماسلىق ئۇسلۇبقا قوشۇلغان ئىقتىدار جەھەتتىن بولسىمۇ ، تىزىملىك ۋە كۆرۈنۈش ئاساسىي جەھەتتىن ئوخشاش .
بىلوگ ئارقا بېتىگە كىرىش ئادرىسىمۇ ئوخشاش . مەسىلەن :

تور بېكەت ئادرېسىنىڭ كەينىگە «wp-admin» نى قوشۇش ئارقىلىق بىلوگ باشقۇرۇش بېتىگە كىرىش بېتىنى ئېچىشقا بولىدۇ .

wordpressباشقۇرۇش بېتى

يۇقارقى ئادرېس ئارقىلىق wordpress نى ئارقا بېتىگە كىرگەندىن كېيىنكى دەسلەپ كۆرگىنىڭىز بولسا تۆۋەندىكى رەسىمدىكىدەك بولىدۇ .

ئارقا بەتكە كىرگەندىن كېيىن ، ئوڭ تەرپكە قارىسىڭىز بىر قانچە تىزىملىكنى كۆرىسىز . بۇنىڭ ئىچىدە ئۈستىدىكى رەسىمدىكى سىلىنغان نۇمۇرغا ئاساسەن قايسى تىزىملىكنىڭ نېمىگە ئىشلىتىلىدىغانلىغى توغرىسىدا ، كېيىنكى يازمىلاردا تەپسىلى توختىلىمىز .....
ئارقا بەتكە دەسلەپ كىرگەندە كۆردىغىنىمىز بولسا «1» دەپ بەلگە سېلىنغان «باشقۇرۇش تاختىسى» ناملىق تىزىملىك ئىچىدىكى «باش بەت» تىن ئىبارەت .

باش بەتنىڭ تۈزۈلۈشى

1. قارشى ئېلىش كۆزنىكى . تۆۋەندىكى رەسىمگە قاراڭ ؛

سىز wordpress يېڭى كىرگەن بولۇپ ، باشقۇرۇش بېتىدە (ئارقا بەت) قايسى خىل مەشغۇلاتنى قىلىشنى بىلمىسىڭىز ، ئاشۇ قارشى ئېلىش كۆزنىكىنى ئەستايىدىل كۈزەتسىڭىزلا ، ئۇ سىزگە نېمە ئىش قىلىشىڭىزنى ئۆگىتىپ قويىدۇ . رەسىمگە قاراڭ ؛

«1» دەپ بەلگە ئۇرۇلغان جايغا قارىسىڭىزلا ھەممىنى چۈشىنىسىز ، «2» دەپ بەلگە ئۇرۇلغان جاي سىزگە يېڭى يوللانغان باھا ، تەسىتىقلانغىنى ۋە تەستىقلاشقا تىگىشلىكلىرىنى ھەر ۋاقىت بىلدۈرۈپ تۇرىدۇ ، كېيىن سىز ئاشۇ جايغا قاراشنى تەبئىيلا ئادەت قىلىۋالىسىز .....

باش بەتتە قانداق مەشغۇلات قىلىشنى ئۆگىنىپ بولدۇم ، باش بەتنى ئاددىيلاشتۇرسام بولاتتى ...

ئۇنداق بولسا ، تۆۋەندىكى رەسىمگە ئاساسەن مەشغۇلات قىلىپ سىناپ بېقىڭ ، يەنە قانداق ئۈنۈمگە ئېرىشىشىڭىز مۇمكىن ؟

ئىستىرىلكا كۆرسەتكەن جايلارنى بېسىپ بېقىڭ ، يەنە قانداق ئۈنۈملەرگە ئېرىشىشىڭىز مۇمكىن ؟

شۇنداق قىلىپ ، «wordpress نىڭ باشقۇرۇش بېتى بىلەن تونۇشۇش» ناملىق بۇ دەرس مۇشۇ يەردە ئاخىرلاشتى ، wordpress نىڭ باشقۇرۇش بېتىگە دائىر يەنىمۇ كۆپ چۈشەنچىگە ئېرىشىشنى ئويلىسىڭىز ، دىققىتىڭىز يازمىمىزنىڭ داۋامىدا بولسۇن . يازما ئوقۇپ كۆزىڭىز تالغاندا ، كۆزىڭىزنىڭ ھاردۇقىنى چىقىرىش ئۈچۈن بولسىمۇ ئىنكاس يوللاشنى ئۇنتۇماڭ .
ئالىملارنىڭ ئىسپاتلىشىچە ، تور بېكەتلەرگە كىرىپ يازما ئوقۇپ كۆزلىرىڭىز تالغاندا ، ئىنكاس يوللاپ قويۇش كۆزنىڭ ھارغىنلىقىنى چىقىرىش بىلەن بىرگە ، يازما يوللىغۇچىلارنىڭمۇ ھاردۇقىنى چىقىرىدىكەن . ئىشەنمىسىڭىز سىناپ كۆرۈڭ ......