جاھان ئاگېنلىقى 9-مارت خەۋىرى؛ لەگلەك تورى تەرجىمىسى: Apple تۇنجى ئەقلىي سائەت Apple Watch نى بۈگۈن ئاخشام تونۇشتۇرىدۇ. ئانالىزچىلار 2015-يىلى ئىچىدە ئەقلىي سائەتنىڭ 19 مىليون سېتىلىش دەرىجىسىگە يىتىدىغانلىقىنى مۆلچەرلىمەكتە. 2016 دە بولسا سېتىلىشى 36 مىليونغا يىتىدۇ.

LG ۋە Samsung دىن كېيىن ئالما شىركىتى تۇنجى ئەقلىي سائىتىنى بازارغا چىقىرىشقا تەييارلىنىۋاتىدۇ. ئالما تەرەپ ئۆتكەن يىلى Apple Watch نى ئىلان قىلغان بولۇپ بۈگۈن تونۇشتۇرىلىدۇ. ئەقلى سائەت ئاپرېل ئايىدا ئامېرىكا قاتارلىق دۇنيا بازىرىغا چىقىرىلىدۇ.

BMO كاپىتال بازىرى شىركىتىدىن ئانالىزچى، Keith Bachman نىڭ ئېيتىشىچە، Apple Watch 2015 تە 19 مىليون سېتىلىدۇ، ئانالىزچى، ئەقلىي سائەت ئىشلەتكۈچىلەر بىلەن ئالاقە ساقلاش ئۈچۈن قوللىنىلىش ئالاھىدىلىكنىڭ مۇھىملىقىنى تىلغا ئېلىپ، Apple Watch بۇ يىل بېشىدىكى سېتىلىش مەزگىلىدە پارتلاش خاراكتىرلىك ھالەتنى شەكىللەندۈرىدىغانلىقىنى ئېيتتى.

ۋول سىترىت ژورنىلى، ئالدىنقى ئايدا ئالما شىركىتىنىڭ سېتىلىدىغان تۇنجى قېتىملىق مەھسۇلاتلىرى ئۈچۈن 5-6 مىليونلۇق ئىشلەپچىقىرىش باشلىغانلىقىنى ئېلان قىلدى.
ئامېرىكىدا Apple Watch نىڭ رەقىبى بولغان Pebble  بۇلتۇر 400 مىڭ ئەقلىي سائەت ساتقانلىقىنى بىلدۈردى.
گوگول شىركىتىنىڭ مۇشۇ ئايدا ئېلان قىلغان دوكلاتىدا، دۇنيا مىقياسىدا ئىشلىتىلىۋاتقان ئاندرويىد قوللايدىغان ئۈسكىنىلەرنىڭ 1 مىلياردتىن ئاشقانلىقى بىلدۈرۈلگەن.