روسىيە زۇڭتۇڭى پۇتىن كورىيەدە دۆلەت ئىشلىرى زىيارىتىدە بولغان مەزگىلدە، پارك گۆنھىي پۇتىننى ئۇزاتقان ھەمدە ئۇنىڭغا كورىيەدە نەشىر قىلىنغان پۇتىننىڭ تەرجىمىھالى - « ئەگەر ياتلىق بولساڭ پۇتىندەك ئەرگە ياتلىق بول» ناملىق كىتابنى تونۇشتۇرغان.

پۇتىن بۇنى كۆرگەندىن كېيىن باش لىڭشىتىپ : «شۇنداقمۇ؟» دېگەن. كەينىدىن پارك گۆنھىي يەنە بىر كىتابنى كۆرسىتىپ : بۇ كىتابنىڭ ئىسمى « پۇتىن، ئەرلەر ئىچىدىكى ئەركەك »دېگەن. پۇتىن خىجىل بولغان ھالدا « مېنى زاڭلىق قىلماڭ» دەپ جاۋاب قايتۇرغان.
بىرىنچى، رۇسىيەنىڭ قايتا گۈللىنىش چۈشى.

1. «ماڭا يىگىرمە يىل ۋاقىت بېرىڭ، مەن سىزگە مۆجىزىدەك رۇسىيەنى قايتۇرۇپ بېرىمەن».

ئۈچ يۈز يىلنىڭ ئالدىدا ئۇلۇغ پېتىر شۇنداق دېگەن: ماڭا يىگىرمە يىل ۋاقىت بېرىڭ، مەن سىزگە يېپيېڭى رۇسىيەنى قايتۇرۇپ بېرىمەن. ئون نەچچە يىلنىڭ ئالدىدا پۇتىن زۇڭتۇڭلۇق سايلام رىقابىتىگە قاتناشقاندا يۇقىرىقى مەردانە سۆزنى قىلغان.

2. دۆلىتىم ۋە خەلقىم ئۈچۈن خىزمەت قىلىش ماڭا نىسبەتەن ئەڭ چوڭ مۇكاپات.

«مەن بىلىمەن، بەزى ئادەملەر تاماكىغا خۇمار بولۇپ قالىدۇ، بەزى ئادەملەر زەھەر چېكىشكە خۇمار بولۇپ قالىدۇ، بەزى ئادەملەر پۇلغا خۇمار بولۇپ قالىدۇ. ھەممەيلەن ئەڭ چوڭ خۇمار ھوقۇققا مەستانە بولۇپ قېلىش دەيدۇ. مەن ئەزەلدىن ھوقۇققا مەستانە بولۇپ باقمىدىم، ئەزەلدىن ھېچقانداق نەرسىگە خۇمار بولۇپ باقمىدىم. ئەگەر تەڭرى ماڭا دۆلىتىم ۋە خەلقىم ئۈچۈن خىزمەت قىلغۇدەك پۇرسەتنى بەرسە، مانا بۇ ماڭا نىسبەتەن ئەڭ چوڭ مۇكاپات.»

3. مەن يەلكەنلىك ياغاچ كېمىدىكى پالاق ئەشكۈچى قۇل.

«ئىككى قېتىم مەن ئۈچۈن بېلەت تاشلاپ، مېنى رۇسىيە فېدېراتسىيىسىنىڭ زۇڭتۇڭى قىلىپ سايلىغان پۇقرالار، مەن بۇنىڭغا مۇناسىپ. بۇ سەككىز يىلدىن بېرى، مەن ياغاچ يەلكەنلىك كېمىدىكى پالاق ئەشكۈچى قۇلدەك ئالدىراش، ئەتىگەندىن كەچكىچە پۈتۈن زېھنىم بىلەن ئىشلىدىم.»- 2008-يىل پۇتىن كېرمىل سارىيىدا يىلدا بىر قېتىم ئۆتكۈزۈلىدىغان چوڭ تىپتىكى مۇخبىرلار يىغىنىدا سۆزلىگەن سۆزى.

4.سوۋېت ئىتتىپاقنىڭ پارچىلىنىپ كېتىشى بىر تراگېدىيە.

سوۋېت ئىتتىپاقى دەۋرىدە، سوۋېت ئىتتىپاقىنىڭ مەۋجۇت بولۇپ تۇرۇشى ۋە ئۇنىڭ يادرو كۈچى دۇنيانىڭ كۈچلۈك مۇقىملىق ئامىلى ئىدى. « سوۋېت ئىتتىپاقنىڭ پارچىلىنىشى 20-ئەسىردىكى يەرلىك سىياسىدىكى بىر چوڭ ئاپەت، سوۋېت خەلقى ئۈچۈن بۇ بىر تراگېدىيە.»،« كىم سوۋېت ئىتتىپاقىنىڭ پارچىلىنىشغا ئېچىنمىسا، شۇ بىر ۋىجدانسىز، كىم ئۆتكەن سوۋېت ئىتتىپاقنى ئەسلىگە كەلتۈرمە دەيدىكەن، شۇنىڭ كاللىسى ئىشلىمەيدۇ».

ئىككىنچى، دۆلەتنىڭ مەنپەئەتى.

1. «كىمكى ياۋاش -يۇمشاق بولسا شۇ يوقىتىلىدۇ».

«زېمىن تالا-تارتىشىدا سۆھبەت يوق، پەقەت ئۇرۇش بار.» «ئورمان پرىنسىپى ئۇزاق مۇددەت كۈچكە ئىگە.»، «رۇسىيەنىڭ پەقەت ئىككى ئىتتىپاقدىشى بار- قۇرۇقلۇق ئارمىيەسى ۋە دېڭىز ئارمىيەسى.»، «ئەمەلىي كۈچى بولمىغان غەزەپلىنىشنىڭ ھېچقانداق ئەھمىيىتى يوق !»

2.بىڭسىڭ بولسا كېلىپ تارتىۋال.

«رۇسىيەنىڭ زېمىنى گەرچە چوڭ بولسىمۇ بىراق بىر غېرىچمۇ ئارتۇق يېرى يوق». ياپونىيەنىڭ شىمالدىكى تۆت ئارالنى تەلەپ قىلىشىغا قارىتا، پۇتىن كۆزگە ئىلمىغاندەك مازاق قىلىپ «بىڭسىڭ بولسا كېلىپ تارتىۋال» دېدى.

3.«ئامېرىكىنىڭ بۇ قېتىمىلىق مۇددىئاسى ۋە ئۇلارنىڭ باشقا ھەرقانداق مۇددىئاسىنىڭ ھېچقانداق پەرقى يوق: سېنىڭ ئۆيۈڭگە ئوت يېقىپ تۇخۇم پىشۇرماقچى.»

ئۈچىنچى، تېررورچىلارغا بولغان مۇئامىلە

1. تېررورچىلارغا قارىتا بىز ھەرقانداق يەردە تېررورچىلار ئۈچۈن قىلتاق قۇرىمىز، ئايروپورتتا تۇتۇۋالغانلارنى شۇ يەردىلا ئېتىۋېتىمىز، ھاجەتخانىدا تۇتۇۋالساق تەرەت قاچىسىدا تۇنجۇقتۇرۇپ ئۆلتۈرۋېتىمىز، بۇ مەسىلىنى مۇشۇنداق بېكىتىمىز. ــ 1999-يىل سېنتەبىردە تېررورچىلارنى قوغداپ تۇتۇشنى تىلغا ئالغاندا مۇشۇنداق دېگەن.

2. ھايۋانلار بىلەن سودا قىلمايمىز.

پۇتىن غەرب مۇخبىرلىرى سورىغان رۇسىيە چېچىنىيە قانۇنسىز قوراللىق كۈچلىرى بىلەن سۆھبەتلىشەمدۇ-يوق، دەپ سورىغاندا، ئۇ قايتۇرۇپ:« سىلەر نېمىشقا بىن لادېن بىلەن سۆھبەتلەشمەيسىلەر؟ نېمىشقا ئۇنى بريۇسسېل ياكى ئاقسارايقا بېرىپ سۆھبەتلىشىشكە تەكلىپ قىلىپ، ئۇنىڭدىن نېمە لازىم دەپ سوراپ ئۇنىڭغا دېگىنىنى بېرىپ، ئۇ جىمجىت يولغا سېلىپ قويمايسىلەر؟» دەپ سورىغان. ئۇ يەنە :« سىلەر ھايۋان بىلەن سودا قىلىشقا بولمايدىغانلىقىنى بىلىسىلەر، بىز نېمىشقا بالىلارنى قىرغىن قىلغان ئادەم بىلەن سۆھبەتلىشىمىز؟ ھېچكىمنىڭ بىزگە ئەخلاق تەربىيەسى بېرىپ، بىزنى بالىلارنى ئۆلتۈرگەن ئادەم بىلەن سۆھبەتلەشتۈرۈش ھوقۇقى يوق.»

تۆتىنچى، ھۆكۈمەت باشقۇرۇشتا

ھەممە ئادەم مۇنداق بىر ھەقىقەتنى چۈشىنىشى كېرەك: قانۇن ھەر ۋاقىت رىئايە قىلىش كېرەك، بۇ ھەرگىزمۇ سىز باشقىلار تەرىپىدىن مەلۇم تۇتۇلغاندا رىئايە قىلىدىغان ئىش ئەمەس.
ئولتۇراق ئۆي، مائارىپ، داۋالاشنى ھاۋا ۋە قۇياش نۇرىدەك خەلققە سوۋغا قىلىش كېرەك، ئەگەر بىر ھۆكۈمەت بۇنداق قىلالمىسا، ئۇنداقتا ئۇ بىر ۋىجدانسىز ھۆكۈمەت ھېسابلىنىدۇ.

بەشىنچى، تاراتقۇلارغا تاقابىل تۇرۇشتا

پۇتىن مۇخبىرنىڭ رۇسىيەدىكى سۆز قىلىش ئەركىنلىكى توغرىسىدا سورىغان سوئالىغا مۇنداق دەپ جاۋاب بەرگەن: « ئىتالىيەنىڭ بىر داڭلىق كىنوسىدا مۇنداق دېيىلگەن: ھەقىقىي ئەركەك توختىماي ئامال ئويلايدۇ، ھەقىقىي ئايال توختىماي تىركىشىدۇ.»
«ئادەم ئەسلىي ئەركىن بولۇشى كېرەك»، بىراق مەن سىزگە راستىنى دېسەم، رۇسىيىلىكلەر ئىراقنىڭكىدەك ئۇنداق دېموكراتىيەنى كېرەك قىلمايدۇ» قىسمەن كىشىلەرنىڭ رۇسىيە دېموكراتىيىسىنى تەنقىد قىلغىنىغا قارىتا پۇتىن يۇقىرىقى سۆزىنى قىلغان.
2000-يىل سېنتەبىردە ئامېرىكا مۇخبىرىنىڭ رۇسىيەنىڭ «كۇرسكى ناملىق» يادرو چۆكمە پاراخوتىغا نېمە بولغانلىقىنى سورىغاندا، ئۇ قىسقا قىلىپ « ئۇ چۆكۈپ كەتتى» دەپ جاۋاب بەرگەن.

ئالتىنچى، ئادەم بولۇش پرىنسىپى

1. ئادەمنىڭ ئالدى بىلەن ئەمەل قىلىدىغىنى باشقىلارنىڭ پىكرى ئەمەس بەلكى ئۆزىنىڭ ۋىجدانى

2.ھېچقانداق ئىشتا ئۆكۈنمەسلىك كېرەك، سەن ئۆكۈندىڭمۇ بولدى ئۆتكەن ئىشلار يۈرىكىڭنى ئاچچىق قىلىدۇ، سەن كەلگۈسىنى ئويلىشىڭ، ئالدىڭغا قارىشىڭ كېرەك.

3. ئېتىقاد مەسىلىسىگە كەلسەك، سەن ھەرقانداق ۋاقىتتا بۇنى ئاممىۋى سورۇنغا ئېلىپ چىقىپ مۇزاكىرە قىلىپ يۈرمە.

4. ئادەم بىر خىل پەزىلەتنى ئېنىق ئىپادىلىشى كېرەك، ئۇ بولسىمۇ كەڭ قورساقلىق قىلىش. مېنىڭچە كەڭ قورساقلىق قارار قىلىش ئەھمىيىتىگە ئىگە نەرسە.

يەتتىنچى، خاراكتېر ۋە قىزىقىش

1. مەن ئەزەلدىن خۇپسەنلىك قىلمايمەن. ئۆزۈم ياقتۇرىدىغان ئىشنى خۇشاللىق بىلەن قىلىمەن.

2. كەمچىلىكى يوق ئادەم مەۋجۇت ئەمەس، يېڭى بىر ئەۋلاد ئادەملەرنىڭ تېخىمۇ مۇنەۋۋەر بولىدۇ.

3. مەن مەلۇم ۋاقىت ئاجرىتىپ ئۆزۈم خالايدىغان ئىشنى قىلىمەن.

4. جۇدوچە چېلىشىش مېنىڭ ھاياتىمدىكى ئۆز ئىختىيارلىقىم بىلەن قىلغان ئىش، ئۇ بىر تۈرلۈك تەنھەرىكەت بولۇپلا قالماي يەنە بىر پەلسەپە، ئۇ ماڭا دۈشمىنىمگە مۇئامىلە قىلغاندىمۇ ھۆرمەت قىلغىنىدىنمۇ ھۆرمەت تۇيغۇسىدا بولۇشۇمنى ئۆگىتىدۇ.

5. ئىنگلىز تىلى ئۆگىنىش ماڭا نىسبەتەن ئەقلىي تەنتەربىيە پروگراممىسىغا ئوخشايدۇ.

6. كىتاب سىز ئۈچۈن مۇھىم، بىراق تۇرمۇشىڭىزدا ئۇنىڭدىنمۇ مۇھىم نەرسە- ئائىلە ۋە دوست.