گۇڭجۇ كۈندىلىك گېزىتى خەۋىرى، لەگلەك تورى تەرجىمىسى: ئەقلىي تىلىفۇن دەۋرىدە، كوچا – كويلاردىكى تېلىفۇن سەۋدالىرىنى ھەرجايدا كۆرۈپ تۇرىمىز، نۆۋەتتە تېلىفۇن ئارقىلىق تور زىيارەت قىلىدىغان ئەھۋال تېخىمۇ باش كۆتۈردى. نەچچە كۈن ئاۋۋال ئىلان قىلىنغان "جوڭگۇ تور تەرەققىيات ئەھۋالى سىتاستىكا دوكىلاتى" دا كۆرسىتىلىشىچە، ئالدىنقى يىرىم يىلدىن باشلاپ، يان تىلىفۇن تور زىيارەتچىلىرىنىڭ سانى تۇنجى قېتىم كومپىيۇتېر تور زىيارەتچىلىرى سانىدىن ئىشىپ، يان تېلىفۇننى ئاسا قىلغان كۆچمە ئۈسكۈنىلەر ئەڭ چوڭ تور زىيارەت قورالىغا ئايلىنىپ قالغان.

مەزكۇر دوكىلاتتا كۆرسىتىلىشىچە، ئالدىنقى يىرىم يىلدا مەملىكەت بويىچە تور ئابونىتلىرى سانى 632 مىليۇن بولۇپ،بۇنىڭ ئىچىدە يېڭىدىن 14 مىليۇن 420 مىڭ تور ئابونتى كۆپەيگەن. ئېنتىرنىت تورىنىڭ ئومۇملىشىش نىسبىتى 46.9% بولۇپ، ئالدىنقى يىلدىكىگە سىلىشتۇرغاندا 1.1% ئاشقان. دىققەت قىلىشقا ئەرزىيدىغىنى شۇكى: يان تېلىفۇن تور ئابونتلىرىنىڭ سانى 527 مىليۇنغا يىتىپ، 2013 – يىل ئاخىرىدىكىدىن 26 مىليۇن 990 مىڭ ئابونىت كۆپەيگەن. تور ئابوىتلىرى ئىچىدە يانفۇن ئارقىلىق تور زىيارەت قىلغۇچىلار نىسبىتى 2013 – يىلىدىكى 81.0% دىن ئىشىپ، 83.4% گە يەتكەن. بۇنىڭلىق بىلەن تۇنجى قېتىم يانفۇن تور ئابونتلىرىنىڭ نىسبىتى كومپىيۇتېر تور ئابونىتلىرىنىڭكىدىن(80.9%) ئىشىپ كەتكەن. يەنە بىر جەھەتتىن بۇ ئەقلىي يانفۇنلارنىڭ ئەنئەنىۋىي تىلىفۇنلارنىڭ ئورنىنى ئېلىشىدىن ئىبارەت ئومۇمىي ھالەتنىڭ ئاساسەن تاماملانغانلىقىنى چۈشەندۈرىدۇ. يان تېلىفۇن ئويۇنلىرىنىڭ ئىشلىتلىشى 47% گە يىتىپ، بۇلتۇرقىدىن 4.7% ئاشقان. ئومۇمى كۆلەمدە 36 مىليۇن 480 مىڭ ئابونت ئىشىپ، ئويۇن ساھەسىدىكى ئاساسلىق كۈچكە ئايلانغان.

پۇل تۆلەش دېتاللىرى تور ۋە يانفۇن ئابونىتلىرىنىڭ ئەڭ كۆپ ئىشلىتىدىغان قورالىغان ئايلانغان، بۇنىڭ ئىچىدە يانفۇندا پۇل تۆلەش دېتاللىرىنىڭ ئابونتلىرى يىرىم يىلدا63.4% يۇقىرلاپ، ئىشلىتىش نىسبىتى بۇلتۇرقى 25.1% دىن 38.9% گە يەتكەن. بۇلتۇر يىل ئاخىرىدىكى بىلەن سىلىشتۇرغاندا، تېلىفۇندا مال سېتىۋىلىدىغان، تېلىفۇندا توپ مال سېتىۋىلىدىغان، تېلىفۇندا ساياھەتچىلىكنى ئالدىن زاكاز قىىلىدىغان ئابونتلارنىڭ نىسبىتى ئايرىم ھالدا 42.0%، 25.5% 65.4% بولغان.
بىراق ئىجتىمائىي ئالاقە تورلىرىنىڭ ئىشلەتكۈچىلىرى ۋە زىيارەت مىقدارى ئىزچىل تۆۋەنلىگەن. ئىجتىمائىي ئالاقە تورلىرىنىڭ ئىشلەتكۈچىلىرى بۇلتۇرقىغا قارىغاندا 20 مىليۇن 470 مىڭ ئازلىغان، زىيارەت مىقدارى 4.3% تۆۋەنلىگەن. بۇ ئىجتىمائىي ئالاقە تۈرىدىكى دېتاللارنىڭ(مەسىلەن: ئۈندىدار) ئىجتىمائىي ئالاقە توربەتلىرىگە زور كىرزىس ئېلىپ كەلگەنلىكىنى چۈشەندۈرىدۇ.