چەتئەل پەن-تېخنىكا ئاخبارات ۋاستىسى يېقىندا ناھايىتى قىزىقارلىق بولغان مىكرو تىپتىكى كومپىيۇتېرلارنىڭ

        ئۇچۇرىنى رەتلەپ چىققان بولۇپ، بۇ كومپىيوتېرلارنى ھەتتا يانچۇققىمۇ سېلىۋالغىلى بولىدىكەن.

    راسپبېررىي شىركىتى يېڭىلىق يارىتىش ئىنقىلابىنى بارلىققا كەلتۈرگەنلىكى ئۈچۈن نام قازانغان بولۇپ، ئۇلار مىكرو تىپتىكى كومپىيۇتېرلارنىڭ ئېتىبار دەرىجىسىنى يۇقىرى كۆتۈرگەن. يۇقارقى رەسىمدىكى مەھسۇلات قارىماققا ئەنئەنىۋى شەكىلدىكى شەخىس كومپىيۇتېرىغا ئوخشىمايدۇ، ئەكسىچە ئوچۇق شەكىلدىكى قاتتىق دېسكىغا بەكرەك ئوخشايدۇ. بۇ ئۈسكۈنىنىڭ زاپچاسلىرى كومپىيۇتېردىن ئەمەس بەلكى ئەقلىيفونلاردىن ئېلىنىدۇ. بۇ ئۈسكۈنىگە كۆچمە ئۈسكۈنىلەرگە ئوخشاش USB سىمى ئارقىلىق توك قاچىلىغىلى بولىدۇ. بۇ ئۈسكۈنىدە Linux نۇسخىسىدىكى ھەر خىل پىروگممىلارنى ئىشلەتكىلى بولىدىغان بولۇپ، ئۇنىڭدا يەنە 1080p لىق سۈزۈكلۈكتىكى ۋېدىئولارنى كۆرگىلى بولىدۇ، راسپبېررىي شىركىتى بازارغا سالغان 1-ئەۋلاد ۋە 2-ئەۋلاد مىكرو كومپىيوتېرلارنىڭ سېتىلىش باھاسى ئارانلا 35 ئامېرىكا دوللىرى.

      كارتا شەكىللىك Chip مىكرو كومپىيوتېرىنىڭ ھەجىمى يۇقىرىدا كۆرسىتىلگەن كومپىيۇتېردىنمۇ ھەم كىچىك بولۇپ، بۇ كومپىيۇتېرنىڭ باھاسى ئارانلا 9 ئامېرىكا دوللىرى، بۇنىڭغا ARM تىپلىق بىر تەرەپ قىلغۇچ سەپلەنگەن شۇنداقلا يەنە يۇقارقى مىكرو كومپىيۇتېرغا ئوخشاپ كېتىدىغان Linux مەشغۇلات سېستىمىسى ئالدىن قاچىلانغان. بۇ كومپىيۇتېرنىڭ رازمىرى ئارانلا 58mmX38mm كېلىدىغان بولۇپ، ئاساسىي چاستوتىسى 1GHz بولغان R8 Cortex A8 بىر تەرەپ قىلغۇچ، Mali-400 تىپلىق رەسىم بىر تەرەپ قىلغۇچ، 512MB لىق ئىچكى سىغىم شۇنداقلا 4GB لىق قاتتىق دېسكا سەپلەنگەن. Chip ناملىق بۇ مىكرو كومپىيۇتېرغا توردىن مەبلەغ يىغىش ئاللىقاچان زور مۇۋەپپەقىيەت قازانغان بولۇپ، بۇ كومپىيۇتېر 2016-يىلى 6-ئايدا بازارغا سېلىنىدىكەن.