يېڭى نۇسخىدىكى 100 يۈەنلىك خەلق پۇلى 12-نويابىردىن باشلاپ رەسمىي تارقىتىلدى. 22-نويابىر مۇخبىرنىڭ جۇڭگو خەلق بانكىسى ئۈرۈمچى مەركىزىي تارماق بانكىسىدىن ئىگىلىشىچە، 19-نويابىرغىچە يېڭى نۇسخىدىكى 100 يۈەنلىك خەلق پۇلى شىنجاڭدا جەمئىي 824 مىليون يۈەن تارقىتىلغان.

   نۆۋەتتە، شىنجاڭغا قاراشلىق ھەر قايسى بانكىلارنىڭ نەق پۇل بىر تەرەپ قىلىش ئۈسكۈنىلىرىنىڭ دەرىجىسى يۇقىرى كۆتۈرۈلگەن بولۇپ، 2015-يىلى 10-ئايدا شىنجاڭدىكى ھەر دەرىجىلىك خەلق بانكىلىرى پۈتۈن شىنجاڭدىكى تەخمىنەن 15 مىڭ دانە پۇل تەكشۈرۈش ماشىنىسى، 700 دانە پۇل ئېلىش ۋە قويۇش ماشىنىسى ۋە 2000 دانە تۈرگە ئايرىش ماشىنىسىنى ئارىلاپ تەكشۈرگەن بولۇپ، ئارىلاپ تەكشۈرۈش نىسبىتى ئوتتۇرا ھېساب بىلەن % 10 تىن يۇقىرى بولغان، ئارىلاپ تەكشۈرۈش نەتىجىسىدە كۆرسىتىلىشىچە، ئۇسكۈنىلەرنىڭ ئايلىنىشى ناھايىتى ياخشى بولۇپ، يېڭى نۇسخىدىكى 100 يۈەنلىك خەلق پۇلىنى پەرق ئېتىش ۋە باش ھەرپ نومۇرىنى خاتىرىلەشتە توسالغۇ كۆرۈلمەي، ئاممىنىڭ خاتىرجەم ھالدا بانكىلارغا بېرىپ نەق پۇل كەسپىنى بېجىرىشى ئەمەلگە ئاشۇرۇلغان.

   بانكىلاردىن باشقا، جەمئىيەتتىكى يەنە نۇرغۇن سودا ئورۇنلىرىمۇ پۇل تەكشۈرۈش ماشىنىسى ۋە ئاپتوماتىك مال سېتىۋېلىش ماشىنىسى قاتارلىق ئۈسكۈنىلەرنى ئىشىلىتىدۇ. جۇڭگو خەلق بانكىسى ئۈرۈمچى مەركىزىي تارماق بانكىسىنىڭ مۇناسىۋەتلىك مەسئۇل خادىمىنىڭ بىلدۈرۈشىچە، ئۈسكۈنىلەرنىڭ دەرىجىسىنى يۇقىرى كۆتۈرۈش زاۋۇتلىرى بۇ جەھەتتىكى ئىقتىدارنى تەييارلىغان بولۇپ، دەرىجىسى كۆتۈرۈلمىگەن ئۈسكۈنىلەرنى ئىشلەتكۈچىلەر ئۈسكۈنە ئىشلەپچىقىرىش زاۋۇتلىرى بىلەن ئالاقىلىشىشى كېرەك ئىكەن.

   يېڭى نۇسخىدىكى 100 يۈەنلىك خەلق پۇلى مەركىزىي بانكا تارقاتقان قانۇنلۇق خەلق پۇلى بولۇپ، ھەر قانداق ئورۇن ياكى شەخس ئېلىۋالسا بولمايدىكەن.