چەتئەل تاراتقۇلىرىنىڭ خەۋەر قىلىشىچە، ۋولكىسۋاگېن ۋولتا كۆلى ئۆزگەرتىپ قۇراشتۇرۇلغان ماشىنا بايرىمىدا گولىف GTI Clubsport نىڭ مۇسابىقە يولى يېنىكلىتىلگەن نۇسخا ماشىنا تىپىنى چىقىرىدىكەن. بۇ ماشىنا بولسا گولىف GTI ماشىنا تىپىنىڭ 40 يىللىقىنى خاتىرلەش ئۈچۈن ئالاھىدە ياسالغان، قايتىدىن تەڭشەلگەن 2.0T لىك ماتورى دەرىجىدىن تاشقىرى بېسىم ئاشۇرۇلغان شەكىلدە 220kW لىك ئەڭ چوڭ قۇۋەت چىقىرىدۇ.

        ئىگەللىنىشىچە، گولىف GTI Clubsport نىڭ يېنىكلىتىلگەن نۇسخا ماشىنا تىپىنى پورسچى 911 GT3 Clubsport تىپىدىن ئىلھام ئېلىپ ياسىغانكەن، قانۇنلۇق يولغا چىقىش ۋە مۇسابىقە يولىدا ھەيدەش ئالاھىدىلىكى ھازىرلىغان. گەرچە ئورگان تەرەپ نۆۋەتتە ۋاقتىنچە بۇ ماشىنىنىڭ ئۆزگەرتىلگەن كونكىرت تەپسىلاتىنى ئاشكارلىمىغان بولسىمۇ، ئەمما ئىسىم قويۇش شەكىلىدىن پەرەز قىلىش تەس ئەمەس، يېڭى ماشىنا يېنىكلىتىلگەن ئالدى رەت ئورۇندۇقنى ئالماشتۇرۇش، ئارقا رەت ئورۇندۇقنى يۆتكىۋېتىش، دومىلاشنىڭ ئالدىنى ئېلىش جازىسىنى كۆپەيتىش، كۆپ ۋاستە سىستېمىسىنى ئەمەلدىن قالدۇرۇش قاتارلىق شەكىللەر ئارقىلىق يېنىكلىتىش نىشانىنى ئەمەلگە ئاشۇرغان.

        ھەرىكەتلەندۈرگۈچ كۈچ سىستېمىسى تەرەپتە، يېڭى ماشىنا گولىف GTI Clubsport ماشىنا تىپىدىكى 2.0T لىك ماتورنى يېڭىدىن تەڭشىگەن، ئادەتتىكى شەكىلدە ئەڭ چوڭ قۇۋىتى 195kW غا يېتىدۇ، چوققا بۇرۇلۇش مومىنىتى 380ن.م. ئارتۇقچە دەرىجىدىن تاشقىرى بېسىم تەمىنلىگەن ئەھۋالدىكى ئەڭ چوڭ قۇۋىتى 220kW. ئوخشاشلا يۈز كىلومېتىر\\سائەتكە تېزلىنىش ۋاقتىنى 5.7 قا قىسقارتقان.