خەلقئارا لىنىيەسى مەخسۇس خەۋىرى : ئەنگىلىيە ‹‹ كۈندىلىك پوچتا گېزىتى ›› نىڭ 8-ئىيۇل خەۋەر قىلىشىچە، ئوباما ئالتە يىل بۇرۇن گۋانتانامو تۈرمىسىنى تاقاشقا ۋەدە قىلغان بولسىمۇ ، لېكىن دۇنيادا ئەڭ كۆپ بەس-مۇنازىرە قوزغىغان بۇ تۈرمە بۈگۈنگە قەدەر ئېچىلىپ ، ئەيىبلىنىدىغان ياكى سوت قىلىنىدىغان مەھبۇسلار قامالغان . يېقىندا ، گۋانتانامو تۈرمىسىنىڭ ئىچكى قىسمىنىڭ ئەڭ يېڭى سۈرەتلىرى ئاشكارىلانغان بولۇپ ، تۈرمىدىكى مەھبۇسلار ۋە ئامېرىكا ئەسكەرلىرىنىڭ كۈندىلىك تۇرمۇشى نامايان قىلىنغان .

بۇ ‹‹11-سېنتەبىر ›› ۋەقەسىدىن كېيىن ئامېرىكىنىڭ چەت ئەللىك تېررورچىلارنى قامايدىغان جايى ، ئىلگىرى ئامېرىكا بۇ يەرگە X نۇرلۇق لاگېر تەسىس قىلىپ ، مەھبۇسلارنى خورلىغانلىقى سەۋەبلىك ، دۆلەتنىڭ ئوبرازى ئېغىر دەرىجىدە تەسىرگە ئۇچراپ ، يامان ئاتاققا قالغان . ھازىر تۇرمە ئىچىگە كۆڭۈل ئېچىش مەيدانى ، كۇتۇپخانا قاتارلىقلار سەپلەنگەن بولسىمۇ، لېكىن بۇ يەر يەنىلا ئامېرىكا ئارمىيەسىنىڭ ھەربىي ئىشلار بازىلىق رولىنى ئويناپ ، ئامېرىكا تارىخىدىكى زۇلمەتلىك يىللارنى ئەكس ئەتتۈرمەكتە .

گۋانتانامو تۈرمىسىدە نۆۋەتتە 149 نەپەر تېررورچى بار بولۇپ ، ئۇلار ھەر كۈنى رەسىم سىزىش ياكى كىتاب ئوقۇش بىلەن ۋاقىتنى ئۆتكۈزىدۇ .لېكىن تۈرمە مۇھاپىزەتچىلىرى كۇبادىكى بىردىنبىر ماكدونالدتا تاماق يەپ ، دۇمىلىما توپ ، كالتەك توپ مەيدانلىرىدا كۈنىنى ئۆتكۈزىدىغان بولۇپ ، بۇ يەر ئامېرىكىنىڭ شەھەر سىرتىدىكى ھامبۇرگ بولكىخانىسى ، ئېرلاندىيە قاۋاقخانىسى ،Starbucks قەھۋەخانىسى ۋە رادىيو پونكىتىغا ئوخشاپ قالغان .

بۇ بازا كۇبانىڭ شەرقىگە جايلاشقان بولۇپ ، ئامېرىكىنىڭ 1903-يىلى ۋەزىپىگە تەيىنلەنگەن زۇڭتۇڭى روزۋېلىت جەمئىي 2000 تىللاغا ئىجارىگە ئالغان ، بۇ ئامېرىكا ھەر يىلى كۇباغا 4000 ئامېرىكا دوللىرى ( تەخمىنەن 24 مىڭ 804 يۈەن خەلق پۇلىغا باراۋەر ) ئىجارە ھەققى تاپشۇرغانغا باراۋەر بولۇپ ، ئامېرىكا ئارمىيەسى بۇ يەردە ئۆمۈرلۈك دېڭىز ئارمىيە بازىسى قۇرىدىكەن .

2013-يىلدىكى باھالاشقا قارىغاندا ، ئامېرىكا ھەر يىلى گۋانتانامو دېڭىز ئارمىيە بازىسى ئەسلىھەلىرىنى ئاسراشقا ئاز دېگەندىمۇ 500 مىليون ئامېرىكا دوللىرى ( تەخمىنەن 3 مىليارد 100 مىليون خەلق پۇلىغا تەڭ ) سەرپ قىلىدىكەن ، لېكىن تۈرمە ئاسراش ئۈچۈن 150 مىليون ئامېرىكا دوللىرى ( تەخمىنەن 930 مىليون خەلق پۇلىغا تەڭ ) كېتىدىغان بولۇپ ، دۇنيادىكى ئەڭ قىممەتلىك تۈرمە دەپ ئاتالغان . گۋانتانامو تۈرمىسى 2002-يىلى 1-ئاينىڭ 11-كۈنى ئېچىلغاندىن باشلاپ ، بۇ يەرگە جەمئىي 779 نەپەر تېررورچى قامالغان ، نۆۋەتتە ، 22 دۆلەتنىڭ 149 نەپەر جىنايەتچىسى بۇ يەرگە داۋاملىق قامىلىۋېتىپتۇ .