چەتئەل تاراتقۇلىرىنىڭ خەۋىرىگە ئاساسلانغاندا، فىنلاندىيە بىلەن ئېستونىيە دېڭىز ئاستى تونېلى ياساشنى پىلانلىغان بولۇپ، بۇنداق قىلىش ئارقىلىق  ئىككى دۆلەت پايتەختىنى ئۇلىماقچى بولغان.

    ئېلان قىلىنغان دوكلاتلارغا ئاساسلانغاندا، بۇ قۇرۇلۇشقا 13 مىليارد ياۋرو مەبلەغ كېتىدىغان بولۇپ، بالتىق دېڭىزىنى كېسىپ ئۆتۈپ، ئىككى دۆلەت پايتەختىنى ئۇلايدىكەن، بۇ تونېل پۈتكەندىن كېيىن، ئىككى پايتەختكە بېرىش ئۈچۈن پەقەت 30 مىنۇتلا كېتىدىكەن.

ئېگىلىنىشىچە، ھازىر ئىككى جايدا بېرىپ-كېلىش پاراخوتقا تايىنىدىغان بولۇپ، مۇساپە ئىككى سائەتكە سوزۇلغان ئىكەن. بۇ ئىككى جايدا ھەر كۈنى نەچچە ئون مىڭ ئادەم بېرىپ-كېلىپ تۇرىدىكەن. جۈملىدىن نۇرغۇن ئېستونىيەلىكلەر فىنلاندىيەگە خىزمەت قىلغىلى بارسا، نۇرغۇن فىنلاندىيەلىك كىشىلەر ئېستونىيەگە ساياھەت قىلغىنى بارىدىكەن.

    فىنلاندىيە ئەمەلدارى مۇنۇلارنى بىلدۈردى : ئىككى دۆلەت بىر 1 مىليون 500 مىڭ كىشىلىك ئىقتىساد چەمبىرىكى قۇرۇش لايىھەسىنى ئوتتۇرىغا قويدى ، ئىككى دۆلەتنىڭ بېرىپ - كېلىش قاتنىشى تېخىمۇ قولايلىق ۋە تېز بولىدۇ.