دۆلەتلىك تېررورلۇققا قارشى تۇرۇش خىزمىتى رەھبەرلىك گۇرۇپپىسى بىلەن جامائەت خەۋپسىزلىكى مىنىستىرلىقى تۈنۈگۈن تېلېۋىزىيەلىك تېلېفون يىغىنى ئاچتى. دۆلەت كومىسسارى، دۆلەتلىك تېررورلۇققا قارشى تۇرۇش خىزمىتى رەھبەرلىك گۇرۇپپىسىنىڭ باشلىقى، جامائەت خەۋپسىزلىكى مىنىستىرى گو شېڭكۈن يىغىنغا قاتناشتى ھەم مۇنۇلارنى تەلەپ قىلدى: زوراۋانلىق، تېررورلۇققا قاتتىق زەربە بېرىش مەخسۇس ھەرىكىتىنى يەنىمۇ چوڭقۇرلاشتۇرۇپ، توردا زوراۋانلىق، تېررورلۇقنى تەرغىپ قىلىدىغان ئۈن، سىن ماتېرىياللىرىنى تارقىتىش، تېررورلۇققا چېتىشلىق كىشىلەرنىڭ چېگرىدىن قانۇنسىز كىرىپ چىقىشى قاتارلىق گەۋدىلىك مەسىلىلەرگە تېخىمۇ زەربە بېرىپ ۋە تۈزەپ، زوراۋان تېررورچىلارنىڭ نوخلىسىنى قەتئىي ئېلىش؛ تېررورلۇققا قارشى تۇرۇش، مۇداپىئەلىنىش جىددىي ئەھۋال سىستېمىسىنى يەنىمۇ مۇكەممەللەشتۈرۈپ، جەمئىيەتتە ئومۇميۈزلۈك مۇداپىئەلىنىش، تىزگىنلەشنى ھەقىقىي كۈچەيتىپ، تۈرلۈك مۇرەككەپ مۇھىتلاردىكى جىددىي تاقابىل تۇرۇش، بىر تەرەپ قىلىش ئىقتىدارىنى كۈچەپ ئۆستۈرۈش؛ ئەسەبىيسىزلەشتۈرۈش خىزمىتىنى چوڭقۇر ئىلگىرى سۈرۈپ، زوراۋانلىق، تېررورلۇق ھەرىكەتلىرىنىڭ پەيدا بولۇش مەنبەسىنى تۈپتىن تۈگىتىپ، تېروررلۇققا قارشى خەلق ئۇرۇشىنى قەتئىي ياخشى قىلىش؛ پارتىيە، ھۆكۈمەت تەڭ مەسئۇل بولۇش، بىر ئىش ئورنىدا قوش مەسئۇل بولۇش، ۋەزىپىسىنى ئادا قىلالمىغانلارنىڭ مەسئۇلىيىتىنى سۈرۈشتۈرۈشتىن ئىبارەت تېررورلۇققا قارشى تۇرۇش خىزمىتى مەسئۇلىيەت تۈزۈمىنى يولغا قويۇپ، مەسئۇلىيەتنى ئايدىڭلاشتۇرۇپ، چىڭ تۇتۇپ ئەمەلىيلەشتۈرۈپ، تېررورلۇققا قارشى تۇرۇش خىزمىتىنىڭ تۈرلۈك تەدبىرلىرىنى ئەمەلىيلەشتۈرۈشكە ھەقىقىي كاپالەتلىك قىلىش كېرەك.