خۇ فاشەن
جاڭ جېجې ناھىيەلىك دوختۇرخانىنىڭ مەسئۇل ۋىراچى بولۇپ، خېلى نامى بار ئۆسمە كېسەللىكلەر مۇتەخەسسىسى. شۇڭا كىشلەر ئادەتتە ئۇنى جاڭ ‹‹پىچاق›› دەپ ئاتىشىدۇ. ئۇنىڭ كەسپىي تېخنىكا ماھارىتى بۇ دوختۇرخانىدىكى باشقا كەسىپداشلىرىغا قارىغاندا يۇقىرى بولۇپلا قالماستىن، بەلكى ئۇ يەنە تېببىي ئەخلاق
جەھەتتىمۇ باشقىلارنى خېلىلا بېسىپ چۈشىدۇ. ئادەتتە ئۇنىڭ قېشىغا كېلىپ كېسەل كۆرسىتىدىغانلار ئىچىدە ئەمەلدارلارمۇ، نام – ئابرۇيلۇق ئەربابلارمۇ، ئاددى پۇقرالارمۇ بار.جاڭ دوختۇر ئادەتتە ئەزەلدىن بىمارلارنىڭ قىزىل بولىقىنى قوبۇل قىلمايدۇ، شۇڭلاشقا ئۇ بۇ ناھىيەدىكى ھەممىلا كىشىنىڭ ئىشەنچىسىگە ئېرىشكەن.
ئىز تورى www.iz.la
بىر كۈنى ئوتتۇرا ياشلىق بىر ئايال ئېرى بىلەن بىللە جاڭ دوختۇرنى ئىزدەپ كەلدى. بۇ ئايال ئۇنىڭ بىمارى بولۇپ، نەچچە كۈننىڭ ئالدىدا ئۇنىڭ بالىياتقۇسىدىكى يامان سۈپەتلىك ئۆسمىنى ئۇ ئۆز قولى بىلەن ئوپېراتسىيە قىلىپ ئوڭۇشلۇق ئېلىۋەتكەن ئىدى. بىمارنىڭ يولدىشى جاڭ دوختۇرغا ئايالىنىڭ قورسىقىنىڭ تۈنۈگۈندىن بېرى قاتتىق مۇجۇپ ئاغرىۋاتقانلىقىنى ئېيتىپ، ئۇنىڭدىن تەكشۈرۈپ بېقىشنى ئۆتۈندى. جاڭ دوختۇر تەكشۈرۈپ كۆرۈپ، ئوپېراتسىيەدە ئۆسمە قالدۇقلىرى قالغان بولسا، قايتا ئۆسۈپ چىقىش ئېھتىماللىقى بارلىقىدىن گۇمان قىلدى، شۇنداقلا ئۆز ھۆكۈمىنى ئىسپاتلاش ئۈچۈن ئۇنى B تىپلىق ئاپپاراتتا تەكشۈرتۈپ بېقىشقا بۇيرىدى. تەكشۈرۈش نەتىجىسىمۇ چىقتى. جاڭ دوختۇر بىمارنىڭ يولدىشىنىڭ جىددىيلىشىپ كېتىۋاتقانلىقىنى كۆرۈپ ئۇنىڭغا: بىز ھەممىمىز ئىز تورىنى ياخشى كۆرىمىز!
— خاتىرجەم بولۇڭ، چوڭ مەسىلە يوقكەن، پەقەتلا كىچىك بىر ئۆسمە قايتىدىن ئۆسۈپ چىقىپتۇ، قايتا ئوپېراتسىيە قىلىپ كېسىپ ئېلىۋەتسەكلا سەللىمازا ساقىيىپ كېتىدۇ، – دېدى.
ئوپېراتسىيە باشلاندى. گەرچە بەدەننىڭ يېرىمى ناركوز قىلىنغان بولسىمۇ، لېكىن ئايالنىڭ رەڭگىرويى تازا ياخشى ئەمەس ئىدى. يەنە كېلىپ ئۇ توختىماستىن قورسىقىنى تۇتۇپ ئىڭراپ ياتاتتى. جاڭ دوختۇر بىمارنىڭ قورسىقىنى يېرىپ، قولىدىكى ئوپېراتسىيە پىچىقىنى تۇتقىنىچە، كېسىلگەن جايغا قاراپ داڭ قېتىپ تۇرۇپ قالدى. كېسىلگەن جايدا قىپقىزىل قانغا بويالغان بىر پارچە داكا تۇراتتى. ئەسلىدە بۇ داكا ئالدىنقى قېتىملىق ئوپېراتسىيەدە ئېلىۋېتىلمەي ئۇنتۇلۇپ قالغان ئىدى. ئوپېراتسىيە ئۆيىدە ھاۋا تەڭشىگۈچ بولسىمۇ، لېكىن جاڭ دوختۇر چىلىققىدە قارا تەرگە چۆمۈپ كېتىۋاتاتتى. ئوپېراتسىيەدىن چىققاندىن كېيىن ئىشخانىدا ئۇنىڭ ئۈچ ياردەمچىسى ئاغزى – ئاغزىغا تەگمەي سۆزلەشكە باشلىدى:
بۇ مەزمۇن ئىز تورىدىن كۆچۈرۈلگەن
— جاڭ دوختۇر، غەم قىلماڭ، بىز بۇ ئىشنى ھېچكىمگە تىنمايمىز.
— بىز بۇ ئىشنى دېمىسەكلا، بىمارنىڭ ئائىلىسىدىكىلەر ھەرگىز بىلمەيدۇ، يەنە ئۇلار بىزگە رەھمەتمۇ ئېيتىدۇ.
— ئەگەر بىز بۇ ئىشنى ئېيتساق، سىزنىڭ نام – ئابرويىڭىزغا تەسىر يېتىپلا قالماستىن، يەنە دوختۇرخانىمىزنىڭ ئابرۇيىغىمۇ بىۋاستە تەسىر يېتىدۇ. شۇڭا مېنىڭچە يەنىلا بۇ ئىشنى ئۇلارغا ئېيتمايلى.
— شۇنداق، ئۇلار ھەقىقىي ئەھۋالنى بىلسە، بىزنى ھەرگىز بوش قويۇۋەتمەيدۇ.
— بولدى، سىلەر چىقىپ كېتىڭلار، مەن ياخشىراق ئويلىشىۋالاي، – جاڭ دوختۇر ئۇلارنى چىقىپ كېتىشكە ئىشارە قىلدى.
ئىز تورى www.iz.la
‹‹ئەگەر بۇ ئىشنى ئۇلاردىن يوشۇرسام، ئىناۋىتىمگە تەسىر يېتىدۇ. ئەگەر ئۇلارغا ھەقىقىي ئەھۋالنى ئېيتىپ، ئۇلاردىن كەچۈرۈم سورىسام، ئۇلار مېنى كەچۈرۈۋېتىشى مۇمكىن، بۇنىڭ بىلەن نامىممۇ چىقىدۇ ئەمەسمۇ؟ ئەگەر بۇ ئىشنى ئاشكارىلىسام، ئۇلار مېنى كەچۈرۋېتەرمۇ؟ دوختۇرخانا بۇ ئىشقا نېمە دەر؟ باشقىلار ماڭا قانداق باھا بېرەر؟›› جاڭ دوختۇرنىڭ كاللىسىدا ئەنە شۇ خىياللار ئەكس ئەتمەكتە ئىدى.
ئايال ھوشىغا كەلدى. جاڭ دوختۇر ئۇنىڭ كارىۋىتىنىڭ بېشىغا كېلىپ، ھەقىقىي ئەھۋالنى ئېيتىپ ئۇنىڭدىن كەچۈرۈم سورىدى، لېكىن يۈزىگە قاتتىق ئۇرۇلغان شاپىلاق كۈچىدىن ئىككى كۆزىدىن ئوت چاقناپ كەتتى. ئىز تورى www.iz.la
— ئەبلەخ! سەن زادى قانداق دوختۇر؟ – ئايالنىڭ يولدىشى ئۇنىڭ ياقىسىغا ئېسىلدى...
جاڭ دوختۇر بارلىق مەسئۇلىيەتنى تەشەببۇسكارلىق بىلەن ئۈستىگە ئالدى، شۇنىڭ بىلەن دوختۇرخانا ئۇنى خىزمەتتىن ھەيدىدى. بۇ ئىش پۈتۈن ناھىيەگە پۇر كەتتى. ھەممە كىشى ئۇنى مەسئۇلىيەتسىز، قولىدىن ئىش كەلمەيدىغان گال دوختۇر دەپ تىللىدى. جاڭ دوختۇر شۇندىن تارتىپ ئۆيىدىن سىرتقىمۇ چىقماي ۋاقتىنى ئۆيدە گۈل ئۆستۈرۈش، كىتاب ئوقۇش قاتارلىق ئىشلار بىلەن ئۆتكۈزدى.ئۇنىڭ كونا دوستلىرى ئۇنىڭدىن شۇ قېتىملىق ئىشىغا پۇشايمان قىلىدىغان – قىلمايدىغانلىقىنى سورىغاندا، ئۇ ئۆزىنىڭ مەڭگۈ پۇشايمان قىلمايدىغانلىقىنى ئېيتتى. ئىز تورى ئىز تورى ئىز تورى ئىز تورى ئىز تورى ئىز تورى ئىز تورى ئىز تور
خەتكۈچلەر:
