بۇ قېتىم ئۆزۈمنى ئۆلۈپ كېتىدىغاندەكلا ھېس قىلغان ئىدىم ، بۇ ئالىي مەكتەپنىڭ ئىككىنچى يىللىقىنىڭ بىرىنچى مەۋسۈمى بولۇپ ، بىرىنچى يىللىق ۋاقتىمدا تونۇشقان يىگىتىم فرانسىسكا مەن بىلەن ئايرىلىپ كەتمەكچى بولدى ، قانداق قىلىشنى پەقەتلا بىلەلمىدىم . مەن تەكەببۇر قىز ، ئەتراپىمدا مېنى قوغلىشىدىغانلارنىڭ ئايىقى ئۈزۈلمەيتتى ، ئوتتۇرا مەكتەپكە چىققاندىن بويان يېنىمدىكى يىگىتىمنى توختىماي ئالماشتۇرۇپ تۇردۇم ، ئەمما فرانسىسكا باشقىلاردىن پەرقلىنىپ تۇراتتى . ئۇ مېنى ئۆزىگە مەپتۇن قىلىۋالغان ئىدى ، ئۇ دېگەن ھەر قانداق ئىشنى بۇيرۇقتەك ئىجرا قىلاتتىم ، مېنىڭچە پەقەت فرانسىسكالا مەن ھەقىقىي سۆيگەن ئادەم ، ئۆمرۈمدە پەقەت ئۇنىڭ بىلەنلا ئۆتۈشكە نىيەت قىلغان ئىدىم ، بىراق ئاران بىر يىل بولغاندا ئۇ مەندىن ئايرىلىپ كەتمەكچى بولدى .
بۇ مەزمۇن ئىز تورىدىن كۆچۈرۈلگەن
مەن قاتتىق ئازاپلاندىم ، تاماق يىگۈم كەلمەيدىغان ، كېچىلىرى ئۇخلىيالمايدىغان بولۇپ قالدىم . ياتاقداشلىرىم ماڭا ئىنتايىن كۆڭۈل بۆلەتتى ، ھەر خىل ئاماللارنى ئىشلىتىپ مېنى خوشال قىلماقچى بولۇشۇپ ، بەزىدە پىكرىمنى چېچىپمۇ باقتى ، ئەمما بارلىق ئاماللار مەغلۇپ بولدى . بۇ دەل مەن 20 ياش ۋاقىتلىرىم بولۇپ ، مەن قاتتىق ئازاپلانغان ھەتتا زامان ئاخىرى بولغاندەك ھېسياتقا كېلىپ قالغان ئىدىم .
ھەر كۈنى ئازاپلانغاندىن باشقا ، كەچتە ئۆيۈمگە تېلېفون بېرىپ ، ئاپامنىڭ ھېسداشلىقى ، تەسەللىسىگە نائىل بولۇپ كەلدىم . ئائىلىمىزدە ئاپام ئىككىمىزنىڭ دېيىشمەيدىغان گېپىمىز ، دادام ئىككىمىزنىڭ بولسا دېيىشكىدەك گېپىمىز يوق ئىدى ، پاراڭ تېمىمىز پەقەتلا دادا بالا ئوتتۇرىسىدىكى ئادەتتىكى ئەھۋاللىشىشلا خالاس . ھەر قېتىم تېلېفون ئۇرغىنىمدا دادام ئۆگىنىش ئەھۋالىمنى ، پۇلۇمنىڭ يېتىدىغان يەتمەيدىغانلىقىنىلا سورايتتى . ئىچ سىرىمنى بولسا ئاپامغىلا تۆكۈپ بېرەتتىم ، ئۇ مېنىڭ ئالىي مەكتەپ ھاياتىمغا كۆڭۈل بۆلەتتى ، نېمە دەرس ئۆتكەندىن تارتىپ ، تاماقخانىدا قانداق يېڭىلىقلارنى ئاڭلىغان ، قانچە دوستۇمنىڭ بارلىقىنى ، ئۇلارنىڭ قانداق قىزىقىشلىرى بارلىقىنى ، دەرستىن سىرتقى ۋاقىتنى قانداق ئورۇنلاشتۇرغانلىقىمغىچىلىك سوراپ كېتەتتى ، مەنمۇ ئۇنىڭ بىلەن ئورتاقلىشىشنى ياخشى كۆرەتتىم . ئەمما ئاپامنىڭ ئۇنى ‹‹ تېپىلماسنىڭ خومىسى ئەمەس›› دېگەندەك سۆزلەرنى قىلىپ سېلىشىدىن ئەنسىرەيتتىم ، چۈنكى مەن فرانسىسكانى ھىلىھەم ياخشى كۆرەتتىم . بەختىمگە يارىشا ئاپام ئۇنداق پاراڭلارنى قىلىپ يۈرمىدى ، ھەر قېتىم مېنىڭ يىغلاپ تۇرۇپ دەرت تۆكۈشلىرىمنى ئاڭلاپ بولغاندىن كېيىن ، ماڭا ئىلھام ۋە تەسەللى بېرەتتى . بىر نەچچە ھەپتە ئۆتۈپ كەتتى . كەيپىياتىممۇ خېلى ياخشى بولۇپ قالدى ، بىر كۈنى ئاپام ماڭا بەك ئەخمەقلىق قىپسەن ، ئۆزۈڭنى ئۇنچىلىك قىينىمىساڭ بولاتتى، دېدى . دەل شۇ چاغدىلا ئاپامنىڭ دېگەنلىرىنىڭ ئورۇنلۇق ئىكەنلىكىنى ھىس قىلدىم ، شۇنىڭدىن كېيىن پۈتۈن ئېسى يادىمنى ئۆگىنىشكە قاراتتىم . بېرىلىپ ئوقۇغاندىن باشقا مەكتەپنىڭ ھەر خىل ئىجتىمائىي پائالىيەتلىرىگىمۇ قاتناشتىم . ئاپام تۇرمۇشۇمنىڭ بارا–بارا بىر ئىزغا چۈشۈۋاتقانلىقىدىن خۇرسەن بولۇپ ، ئۆزىمۇ خاتىرجەم بولدى . دادام بولسا مېنىڭ مۇھەببەتتىكى ئوڭۇشسىزلىقىم توغرىسىدا بىر ئېغىزمۇ سۆزلەپ قويمىدى . ئەمما كۆڭلۈمگە ئايانكى مېنىڭ ھەممە ئىشىمنى دادام بەش قولدەك بىلەتتى ، گەرچە ئۇ ھىچنېمە دېمىگەن بولسىمۇ ، مەن ئازاپلانسام ئۇمۇ ئازاپلىناتتى .
مەن ئىز تورىغا بەك ئامراق
بىر كۈنى چۈشتىن كېيىن ، دەرستىن چۈشۈپ ياتىقىمغا كىرىشىمگە ، بىر ياتاقدىشىمنىڭ ئۈستەل يېنىدا ئولتۇرۇپ ماڭا قاراپ تازا كۈلۈۋاتقانلىقىنى كۆردۈم . چوڭ بىر دەستە گۈل ئۆينىڭ ئوتتۇرىسىغا قويۇلغان ئۈستەل ئۈستىدە تۇراتتى . ‹‹ سېنىڭكى ئىكەن›› دېدى ياتاقدىشىم ھەييارلىق بىلەن . يۈرەك سوقۇشۇم تۇيۇقسىز توختاپ قالغاندەك بولۇپ قالدى ، بىراق كاللام شۇ دەقىقە ئىچىدە ‹‹ فرانسىسكا ئۆزىنىڭ خاتالىقىنى تونۇپ مەن بىلەن يارىشۋالغۇسى بار ئوخشايدۇ ›› نى ئويلىدى . مەن ئاستا بېرىپ گۈلنى قولۇمغا ئالدىم ۋە ئىچىدىكى ئاتكىرتكىنى ئېچىپ كۆزلىرىم ‹‹ سېنى 20 يىلدىن بۇيان چوڭقۇر سۆيۈپ كېلىۋاتقان بىردىنبىر ئەردىن ›› دېگەن خەتلەرگە چۈشكىنىدە ، مەن يىغلاپ كەتتىم ، ياتاقدىشىم ماڭا ھەيرانلىق بىلەن قاراپ قالدى. مەن ئىز تورىغا بەك ئامراق
- دادام سوۋغا قىلغان ئىكەن،- دېدىم ئۆكسۈپ يىغلىغىنىمچە .
- داداڭما ؟ نېمىشقا ساڭا گۈل سوۋغا قىلىدۇ؟- دېدى ئۇ يېنىمغا كېلىپ ئولتۇرغاچ
ئۇنىڭغا ئاتكىرتكىنى كۆرسۈتۈپ قويدۇم ، ئۇ كۈلۈپ كەتتى ۋە:
- داداڭ بەك ئۇماقكەن ،- دېدى.
- بىلىمەن ، - دېدىم مەن .
ئاپامنىڭ سەۋىرچانلىق بىلەن دەردىمنى ئاڭلىشى يارامدىكى قاننى توختاتقان بولسا ، دادامنىڭ ئۈنتۈنسىز كۆيىنىشى بۇ يارامنى پۈتۈنلەي ساقايتقان ئىدى .
نۇرغۇن يىللار ئۆتۈپ كەتتى ، توي قىلىپ قىز پەرزەنتلىكمۇ بولدۇم . دادام پېنسىيەگە چىقىش ، ئاغرىپ قېلىشلارنى بېشىدىن كەچۈرۈپ ، پەقەتلا بىزنىڭ ھالىمىزدىن ئىلگىركىدەك خەۋەر ئالالمىغانلىقىدىن خىجىل بولاتتى . ئەمما مەيلى قانداقلا بولسۇن ، ئۇ ھامان ئائىلىمىزنىڭ تۈۋرۈكى ھەم مۇھاپىزەتچىسى ئىدى . ئۇ ئەزەلدىن زارلانمايتتى . ئەمما قەلبىمىزدىكى دادامغا بولغان مۇھەببەت ناھايىتى كۈچلىك ئىدى .
www.iz.la
ئەينى يىللىرى قاتتىق ئازابلانغان ، ئۈمىدسىزلەنگەن ، ھەتتا دادامنىڭ ماڭا سوۋغا قىلغان گۈللىرىنىمۇ ئۇنتۇپ قېلىۋاتقان بىر كۈنى كونا ئالبوم قېتىدىكى ھېلىقى ئاتكىرتكىنى ئۇچرىتىپ قالدىم . ياشلىرىم يەنە بىر قېتىم كۆزلىرىمنى خىرەلەشتۈردى . بىر نەچچە كۈندىن كېيىن ‹‹ئاتىلار بايرىمى›› بولۇپ ، كاللامغا تۇيۇقسىز بىر ئوي كېلىپ قالدى.
‹‹ ئاتىلار بايرىمى›› كۈنى دادام قولۇمدىن ئەتىرگۈلنى ئېلىۋېتىپ ھەيران بولدى . ئۇ بۇنداق سوۋغىلارنى ئاز ئالىدىغانلاردىن ئىدى ، ئۇ ئاتكىرتكىنى ئېچىپ كۈلۈپ كەتتى
مەن ‹‹ تۇغۇلغاندىن تارتىپ سىزنى چوڭقۇر سۆيۈپ كېلىۋاتقان بىردىنبىر ئايالدىن ›› دەپ يازغان ئىدىم . مەن دادامنى قۇچاقلىغىنىمچە بوشقىنا ئاۋازدا :
- ھازىرمۇ ئېسىڭىزدىمۇ؟- دەپ سورىدىم.
- ئېسىمدە، - دېدى دادام .
خالىدە ئوسمان تەرجىمىسى ئىز تورىدا ئىزلىرىمىز قالسۇن!
