ھېكايە
دالىم جەتىل (بوتان) www.iz.la
كارل دوستنىڭ ئۆيىدە ئۇيۇشتۇرۇلغان كەچلىك زىياپەتكە قاتنىشىش ئۈچۈن كەلگەندە سورۇن قىزىپ كەتكەنىدى.
كارل پۇلدار سودىگەر بولۇپ، ئوتتۇز نەچچە ياشلارغا كىرگەن بولسىمۇ، تېخىچە كۆڭۈلدىكىدەك لايىق تاپالمايۋاتاتتى، شۇڭا ئۇ دوستىنىڭ ئۆيىگە كىرىپلا بىر سىرلىق قىزغا نەزەر سالدى.
پائالىيەت ئارىلىقىدا ئۇ ئەپلىك بىر پەيتنى كەلتۈرۈپ ھېلىقى قىز بىلەن ئۇچراشتى. ئۇنىڭ ئىسمى بىمما بولۇپ، بىر شىركەتتە كاتىپلىق قىلاتتى، ئۇمۇ كارلغا خېلى قىزغىن مۇئامىلە قىلدى.
زىياپەت ئاخىرلاشقاندا كارل بىممانى ئۆيىگە ئاپىرىپ قويۇشنى ئېيتىۋىدى، ئۇ قىزغىنلىق بىلەن قوشۇلدى.
ئىز تورىدا ئىزلىرىمىز قالسۇن!
پىكاپ بىر داچا ئالدىدا توختىدى، ئىككىيلەن بىر-بىرى بىلەن كۆزى قىيمىغان ھالدا خوشلاشتى.
كارل بۇ چاغدا ئۆزىچە بىممانىڭ ئۆزىنى ئۆيىگە تەكلىپ قىلمىغانلىقىدىن مەيۈسلەندى.
ۋاقىتنىڭ ئۆتۈشىگە ئەگىشىپ ئۇلارنىڭ ئۇچرىشىشى كۆپەيدى. كارل بۇنىڭدىن كۆڭۈلدىكى ئادىمىنى تاپقانلىقىنى جەزملەشتۈرۈپ خۇشال بولدى.
بىر كۈنى كارل بىمما بىلەن چۈشلۈك تاماقنى بىللە يېدى. بۇ چاغدا بىممانىڭ كەيپىياتىنىڭ ئانچە ياخشى ئەمەسلىكىنى بايقىدى، ئۇنىڭغا كۆيۈنگەن ھالدا :
سىزگە نېمە بولدى، بىمما؟ كېرەك بولسا مەن ياردەم قىلىشقا تەييار، —دېدى. ئەمما بىمما ئۈندىمەستىن كۆز ياشلىرىنى مارجاندەك تۆكۈشكە باشلىدى. بۇ ھالەتنى كۆرۈپ يۈرىكىگە پىچاق تىقىلغاندەك بولۇپ كەتكەن كارل:
مەن ئىز تورىغا بەك ئامراق
— سۆيۈملۈك بىمما، مەن سىزنى ئەمرىمگە ئېلىپ ئازابتىن قۇتۇلدۇراي، خالامسىز؟ — دېدى.
بىمما يەنە جاۋاپ بەرمەي يىغلاۋەردى، بىر ھازادىن كېيىن بىمما:
—كارل، مەن ئاللىقاچان ياتلىق بولۇپ بولغان، ئۇ نىكاھتىن ئاجرىشىشقا قوشۇلمايدۇ، — دېدى.
كارل ئەندىكىپ كەتتى، بىمما يىغلىغىنىچە ئاشخانىدىن چىقىپ كەتتى.
كارل قاتتىق ئازابلاندى، بىممانى ئۇنتۇش ئۇياقتا تۇرسۇن، ئىككىسى بىللە ئۆتكەن شېرىن مىنۇتلارنى بىر دەممۇ خىيالىىدىن نېرى قىلالمىدى. شۇڭا ئۇ بىر ھەپتە ئەتراپلىق تەكشۈرۈپ كۆرگەندىن كېيىن بىر قاتىلنى ياللاپ، بىممانىڭ ئېرىنى ئۆلتۈرۈۋېتىشنى قارار قىلدى.ئۇ قاتىلغا ھېچقانداق شەپە چىقارماسلىقنى، ھېچكىمگە كۆرۈنمەسلىكنى قايتا-قايتا جېكىلىدى. ‹‹ئىش›› پۈتىدىغان كۈنى كەچ، تىت-تىت بولغان كارل ئۆيىدە خەۋەر كۈتۈپ ئۇ ياقتىن-بۇ ياققا مېڭىپ يۈرەتتى. ئاخىرى تېلېفون جىرىڭلىدى.
بۇ مەزمۇن ئىز تورىدىن كۆچۈرۈلگەن
— ۋەي!
— خوجايىن، سىز تاپشۇرغان ۋەزىپە تاماملاندى.
— ناھايىتى ياخشى! — دېدى كارل، — ‹‹ئىش›› ئوڭۇشلۇق بولغاندۇ؟
— شۇنداق، بىراق...
— نېمە بىراق؟ — كارلنىڭ يۈرىكى ‹‹قارتتدە!›› قىلىپ قالدى.
— بىراق، مەن ئىشنى پۈتكۈزۈپ كېتەي دەپ تۇرسام، بىر ئايال بايقاپ قالدى.
— قاپاقباش! مەن ساڭا ئېھتىيات قىل دەپ قايتا –قايتا جېكىلىگەنغۇ!
— چاتاق يوق، خوجايىن، — دېدى قارشى تەرەپ، ھېلىقى ئايال ئۇنىڭ خوتۇنى ئىكەن، مەن ئۇنىمۇ ئۇجۇقتۇرۇۋەتتىم! ئىز تورى بەك ياخشى
ئابدۇرۇسۇل مۇھەممەد ئەلتۇغ تەرجىمىسى ئىز تورى www.iz.la
خەتكۈچلەر:
