20–نۆۋەتلىك جۇڭگو ئاشپەزلەر بايرىمى ۋە تۇنجى نۆۋەتلىك مۇسۇلمانچە تائام مەدەنىيىتى بايرىمىنىڭ شىنجاڭ مۇسۇلمانچە تائاملىرى جىنىس دۇنيا رىكورتى پائالىيىتى 11–سېنتەبىر ئۈرۈمچى قىزىلتاغ باغچىسىدا ئۆتكۈزۈلدى . پائالىيەتكە كەلگەنلەر بۇ جىنىس دۇنيا رىكورتىنىڭ يارىتىلىشنى ئۆز كۆزى بىلەن كۆرۈش بىلەن بىرگە يەنە بۇ تائاملارغا ئېغىز تەگدى .
ئابلاجان نانلىرى چەكلىك شىركىتى دىئامېتىرى 2.2 مېتىر كېلىدىغان دۇنيادىكى ئەڭ چوڭ نان يېقىپ بۇ پائالىيەتكە قاتناشتۇردى . ئىگىلىنىشچە ، ئابلاجان نانلىرى چەكلىك شىركىتى 1–ئاۋغۇستتىن باشلاپ ناندىن جەمئىي 13 نى ياغقان بولۇپ ، بۇنىڭ ئىچىدە ئۈچى مۇۋەپپەقىيەتلىك بولغان . پائالىيەتكە قاتناشتۇرۇلغىنى بۇنىڭ ئىچىدىكى ئەڭ ياخشىسى ئىكەن .
ئەڭ چوڭ تۆگە كاۋىپى
جاڭ يۈەنسۇڭ يېڭى قورۇما تەتقىقات ئۇيۇشمىسى 280 كىلوگىرام كېلىدىغان تۆگە كاۋىپى پىشۇرۇپ پائالىيەتكە قاتناشتۇردى .
ئەڭ ئۇزۇن كاۋاپ پۇشۇرۇلغان كاۋاپدان
پائالىيەتتە ماي گۈلى تائام مەدەنىيىتى چەكلىك شىركىتى ئۇزۇنلۇقى 67.27 مېتىر كېلىدىغان كاۋاپداندا كاۋاپ پىشۇردى .
ماي گۈلى تائام مەدەنىيىتى چەكلىك شىركىتى چوڭ قازاندا پولو ئېتىپ پائالىيەتكەن قاتناشتۇردى . ئىگىلىنىشچە ، بۇ پولوغا 600 كىلوگرام گۈرۈچ ، 700 كىلوگرام سەۋزە ، 600 كىلوگرام قوي گۆشى ، 600 كىلوگرام سۇ ، 200 كىلوگرام ماي كەتكەن بولۇپ ، 20 مىڭ ئادەم ئېغىز تەگكۈزگەن .
شىنجاڭ بىرىنچى چوڭ تەخسە يېمەك–ئىچمەك چەكلىك شىركىتى ئەڭ چوڭ تەخسىدە توخو قوردىقى ئېلىپ چىقىپ مۇسابىقىگە قاتناشتۇردى .
كاۋاۋىچىن تەملىك توخو
بودەك بوۋاي مۇسۇلمانچە يېمەك–ئىچمەك باش دۇكىنى چوڭ تاۋاقتا كاۋاۋىچىن تەملىك توخو پىشۇرۇپ پائالىيەتكە قاتناشتۇردى .
( مۇھەررىر : ئالىمجان )
خەۋەر ئورتاقلاشقاندا تەرجىمە ئورگىنال مەنبەسىنى ئەسكەرتىشنى ئۇنۇتماڭ، رەھمەت!
