ئالتە تۇياق قوشقار ئىگىلىرى تەرىپىدىن ئىلگىرى–كېيىن مەيدانغا ئېلىپ كىرىلىپ ، رەقىبلىرى بىلەن ئۇدۇلمۇ ئۇدۇل تۇرغۇزۇلدى . مۇسابىقە باشلانغانلىقى جاكارلىنىش بىلەن تەڭ ئىككى قوشقار بىر–بىرىگە قارىتىپ قويۇپ بېرىلدى . ئۇلار ئارقىغا ئازراق چېكىنىپ تەييارلىق كۆرۈۋالغاندىن كېيىن ، بىر–بىرىگە قاراپ غەزەپ بىلەن ئېتىلىپ بېرىپ ئۈسۈشتى . نەچچە مەرتەم ئېلىشىش ئارقىلىق رەقىبى تەسلىم بولغاندىلا ياكى يارلانغاندىلا ئاندىن مۇسابىقە توختىدى .
توخو سوقۇشتۇرۇش ، ئىت تالاشتۇرۇش مۇسابىقىلىرىمۇ ئوخشاشلا كەسكىن ئېلىپ بېرىلدى . مەخسۇس تەربىيەلەنگەن توخۇلارنىڭ قامىتى چوڭ ، بوينى ئۇزۇن ، تىرناقلىرى ئۆتكۈر بولۇپ ، مۇسابىقە مەيدانىدا قاتتىق ئېلىشىپ بىر تەرەپ قاچقانغا قەدەر مۇسابىقىلەشتى .
بۇ نۆۋەتلىك ئاز سانلىق مىللەتلەر ئەنئەنىۋى تەنھەرىكەت مۇسابىقىسىدە سەككىز تۈردە ئويۇن كۆرسىتىلىدىغان بولۇپ ، تۇنجى كۈنى ئۆتكۈزۈلگەن قوشقار سوقۇشتۇرۇش ، توخو سوقۇشتۇرۇش ، ئىت تالاشتۇرۇش مۇسابىقىلىرى ئۇيغۇر مىللىتىنىڭ ئۇزاقتىن بۇيان داۋاملىشىپ كېلىۋاتقان ئەنئەنىۋى پائالىيەتلىرىدۇر .
مۇھەررىر: ئالىمجان
