13-ئىيۇل دۆلەتلىك تەنتەربىيە ئىدارىسى ئىسپانىيە بارسېلونا كۇلۇبىنىڭ 8-ئايدا ئېلىمىزگە كېلىپ دوستلۇق مۇسابىقىسى ۋە بىر قاتار خاتىرىلەش پائالىيەتلىرىگە قاتنىشىدىغانلىقىنى ئېلان قىلدى . بارسېلونا كۇلۇبى ئىسپانىيە ۋە دۇنيادىكى ئەڭ داڭلىق پۇتبول كۇلۇبلىرىدىن بىرى بولۇپ ، كۆپ قېتىم ئىسپانىيە پۇتبول بىرلەشمە مۇسابىقىسى ۋە ياۋروپا چېمپيونلۇق لوڭقىسىنىڭ چېمپيونلۇقىغا ئېرىشكەن ؛ ئۇندىن باشقا تېخى يېقىندىلا دۇنيا لوڭقىسىدا چېمپيون بولغان ئىسپانىيە دۆلەت كوماندىسى ئەزالىرىنىڭ كۆپ قىسمى بارسېلونا كۇلۇبىدىن كەلگەن . ئۇلارغا يەنە ئارگېنتىنالىق دۇنيا پۇتبول ئەپەندىسى مېسسۇ قوشۇلۇپ ، 8-ئاۋغۇست كۈنى بېيجىڭ ئولىمپىكنىڭ 2 يىللىقىنى خاتىرىلەش مۇناسىۋىتى بىلەن چاڭگىسىمان تەنتەربىيە مەيدانىدا بېيجىڭ گوئەن پۇتبول كوماندىسى بىلەن بىر مەيدان دوستلۇق مۇسابىقىسى ئوينايدۇ ھەمدە توپ مەستانىلىرى بىلەن ئۇچرىشىش پائالىيەتلىرىگە قاتنىشىدۇ .
