30 كۈنلۈك ئۇزۇن مۇساپە ۋە 63 مەيدان كەسكىن مۇسابىقىدىن كېيىن 2010-يىللىق جەنۇبىي ئافرىقا دۇنيا لوڭقىسى پۇتبول مۇسابىقىسىنىڭ ئاخىرقى ھەل قىلغۇچ مۇسابىقىسى بېيجىڭ ۋاقتى 12-ئىيۇل سەھەردە يوھاننىسبۇرگدىكى <پۇتبول شەھەرچىسى> دە ئۆتكۈزۈلىدۇ . بۇ قېتىم ھەل قىلغۇچ مۇسابىقىگە كىرگەن ئىككى كوماندا __ دۇنيا لوڭقىسىدا ئەزەلدىن چېمپيونلۇققا ئېرىشىپ باقمىغان ئىسپانىيە ۋە گوللاندىيە كوماندىلىرى بولۇپ ، مۇسابىقىدىن كېيىن دۇنيا لوڭقىسى تارىخىدىكى 8-چېمپيون كوماندا بارلىققا كېلىدۇ .
11-ئىيۇل سەھەردە ئۆتكۈزۈلگەن 3-لىكنى تالىشىش مۇسابىقىسىدە گېرمانىيە كوماندىسى 3-2 نەتىجە بىلەن ئۇرۇگۋاي كوماندىسىنى مەغلۇب قىلىپ ، ئۇدا ئىككى نۆۋەتلىك دۇنيا لوڭقىسىدا 3-لىككە ئېرىشتى .
ئىسپانىيە كوماندا ئەزالىرى مۇسابىقىگە تەييارلىق قىلماقتا
گوللاندىيىلىك ماھىر ۋان پېرسى مەشق ئۈستىدە
