تەۋسىيە يازمىلار
ئاۋات يازمىلار
ئەڭ يېڭى يازمىلار
كۆپ باھالىق يازمىلار
يازما ئىزدەش
Tag لەر رېتى
دوستانە ئۇلىنىشلار

ئادەم بولماق تەس

ئادەم بولماق تەس

ۋاقتى: 2016-06-06 ئاۋاتلىقى: 332 قېتىم

يانفوندا كۆرۈش

مەرھۇم شائىر روزا سايىت «دېھقان بولماق تەس» دەپ بىر شېئىر يېزىۋىدى، «موللام بولماق تەس»، «ھاراق ئىچمەك تەس» دېگەندەك تەقلىد شېئىرلار، ھەتتا ئېغىزغا ئالغىلى بولمايدىغان ئەپسانە شېئىرلار مەيدانغا كەلدى، بىرسى چىقىپ «ئادەم بولماق تەس» دېگەندەك شېئىر يازدىمۇ يوق، ئۇقمايمەن. ئەمما «ئالىم بولغىچە ئادەم بول»، «ئادەم بولماق ئەڭ چوڭ شەرەپ، ئەڭ چوڭ ئۇنۋان» دېگەندەك گەپلەرنى ئاڭلاپ تۇرىمىز. «ئادەم بولماق» دېگەن سۆز تىلىمىزدا ئىككى مەنىدە قوللىنىلماقتا: بىرىنچىسى، چوڭ بولۇپ ئىشقا يارىغۇدەك بولماق؛ ئىككىنچىسى، ئادەملىك خىسلەتنى ئۆزىدە ھازىرلىماق. ماۋۇ بالا چوڭ بولۇپ ئادەم بولۇپ قالدى دېسەك مەقسەت تولۇق ئايدىڭلىشىدۇ. بىراق ماۋۇ يىگىت ئادەملىك خىسلەتنى ئۆزىدە ھازىرلىدى دېسەك، بۇنى چۈشەندۈرۈشكە توغرا كېلىدۇ. ئادەملىك خىسلەت بىر مۇنچە ئامىلنى ئۆز ئىچىگە ئالىدۇ. ئەخلاق دەيمىز، ۋىجدان دەيمىز، ئادىمەتچىلىك دەيمىز، بۇنىڭ ھېچقايسىسىدا يوق ئادەملەرنى ئادەم ئەمەس دەپ تىللايمىز. ھازىرقى دەۋردە ئەخلاق ئانچە تەكىتلەنمەيدىغان، نەسىھەتچىلىككە ھېچكىم قىزىقمايدىغان بولۇپ كەتتى. شۇڭا بەزىلەر: ھازىر ئەخلاق قالمىدى، ۋىجدان قالدى دەپ قويۇشىدۇ. ئەخلاق دېگەن سۆز قۇلاققا خوش ياقمىسىمۇ، ئەخلاق دائىرىسىدە ياشىماي بولمايدۇ. ۋىجدان دېگەن سۆز غايىۋى ئاڭلانسىمۇ، ئۇنى چوڭ بىلمەي بولمايدۇ. ئەخلاق ئۆلچىمى تۆۋەنلەپ، ئەخلاقنىڭ ئېتىبارى چۈشۈپ كەتسە، ئۇنى ئەڭ تۆۋەن چەكتە تۇتۇپ تۇرىدىغان نەرسە يەنىلا ۋىجداندۇر.

ھازىرقى جەمئىيەتتە ئادەملەرنىڭ ئابرۇيى ئۇلارنىڭ بىلىمى، ھوقۇقى، پۇلى بىلەن ئۆلچىنىۋاتىدۇ. بۇنىڭ ھەيران قالغۇدەك يېرى يوق، چۈنكى بىر ئادەمنىڭ ئەڭ باشتا ئېرىشىدىغىنى ۋە باشقىلارغا كۆرسىتەلەيدىغىنى بىلىمى، ھوقۇقى ۋە بايلىقىدۇر. ئەمما شۇ ئادەم بۇلارغا قانداق ئېرىشتى، ئۇلارنى ئۆز ئىلكىدە قانداق تۇتۇپ تۇرالىدى، بۇ ئەڭ مۇھىم مەسىلىدۇر. بىر ئادەمنىڭ ئېرىشكەنلىرىنى تەبىئىي نەتىجە ياكى ھادىسە دېسەك، ئادىمىيلىكى، يەنى قانچىلىك ئادەم بولغانلىقى ماھىيەتتۇر، جەۋھەردۇر، يوقالماس خۇسۇسىيەتتۇر. بىر ئادەمنىڭ مۇۋەپپەقىيەتلىرى ئادىمىيلىك ئۈستىگە قۇرۇلسا، گۈل ئۈستىگە گۈل كەلگەن بولىدۇ، ياشىرىپ تۇرىدۇ، سولمايدۇ. ئەگەر ئۇ ئۇتۇق قازىنىپلا ئۆزگىرىۋالغان، نەپسىنى مەيلىگە قويۇۋېتىپ، يوشۇرۇن خۇيلىرىنى چىقارغان بولسا، مەيلى قانچىلىك شەرەپ ياكى بايلىق قازانسۇن، كۇرسى چۈشىدۇ، لەنەت-نەپرەتكە كۆمۈلىدۇ. كىشىلەر باشتا ئۇنىڭ ئېرىشكەن نەرسىلىرىگە زوقلانغان بولسا، ئۇنىڭ ناچارلىقىنى كۆرگەندىن كېيىن، گۇمان بىلەن قاراشقا باشلايدۇ. دېمەكچىمىزكى، ئىچىدىن چاتاق چىقسا تېشىغا تېپىدۇ، ئادىمىيلىكتىن چاتاق چىقسا ئېرىشكەن شان-شەرەپلەرمۇ كۆپۈككە ئايلىنىدۇ.

ئادەم بولماق تەس دېگىنىمىز، ئادەم بولماقنىڭ تەسلىكىنى، شۇنىڭ ئۈچۈن قەدىر-قىممەتكە لايىق ئىكەنلىكىنى تەكىتلەش ئۈچۈندۇر. سەن تىرىشىپ ئوقۇپ ئالىم بولالىشىڭ مۇمكىن، كاللاڭنى ئىشلىتىپ پۇل تېپىپ باي بولالىشىڭ مۇمكىن، سۆز ماھارىتىڭ ۋە كىشىلىك مۇناسىۋەتكە ماھىرلىقىڭ بىلەن باشلىق بولالىشىڭ مۇمكىن، ئەمما ئادەم بولۇشۇڭ ناتايىن، چۈنكى ئادەم بولۇش مۇرەككەپ جەرياندۇر، مىجەز ۋە تەربىيە مەسىلىسىدۇر. مۇۋەپپەقىيەت قازانغاننىڭ ھەممىسىنى كاتتا ئادەم دېگىلى بولمايدۇ، چۈنكى ئۇلارنىڭ ئارىسىدا ئادەم بولۇشنى بىلىپ بولالمىغانلار بار. مۇۋەپپەقىيەتلەر يەنە پۇرسەتكىمۇ باغلىق. ئەمما ئادەم بولۇشقا بەزىدە بىر ئۆمرۈڭمۇ يەتمەيدۇ. بىر ئۆمۈر ئادەم بولالماي ئۆتۈپ كېتىدىغانلار بار. مۇۋەپپەقىيەتكە يارايدىغان خاراكتېر بولىدۇ، يارىمايدىغان خاراكتېر بولىدۇ. ئىنسان مەيلى قانداق خاراكتېردە بولسۇن، ئەخلاق ئۆلچەملىرىگە رىئايە قىلىشى، ئادىمىيلىككە دىققەت قىلىشى كېرەك. سۆزىمىزنى تېخىمۇ ئايدىڭلاشتۇرۇش ئۈچۈن تۆۋەندىكى ھېكايىنى بايان قىلىمىز:

شۆھرەت ئالىي مەكتەپكە ئۆتۈپلا ئۆزگىرىپ كەتتى، ئۆزىمۇ ئەسلىدىنلا جاھىل، تەرسا بىر يىگىت ئىدى، نېمىنى قىلما دېسە شۇنى قىلاتتى. بۇنىڭدىن ئانىسى خاپا ئىدى، دادىسى غەزەبلىنەتتى. دادىسى بىر كۈن ئاچچىقىغا پايلىماي:

_ سەن ئادەم بولمايدىغان نېمىكەنسەن!-دەپ ۋاقىرىدى.

بۇ گەپ شۆھرەتنىڭ غۇرۇرىغا تەگدى، ئۆيىنى تاشلاپ مەكتىپىگە كېتىۋالدى، شۇ كەتكەنچە ئۆيىگە قايتمىدى، بىر ياقتىن ئىشلەپ، بىر ياقتىن ئوقۇپ، ئالىي مەكتەپنى ئەلا نەتىجە بىلەن تاماملىدى، ئۇ ئۆزكەسپىدە ئۇتۇق قازىنىپ، دادىسىغا ئۆزىنى بىر كۆرسىتىپ قويۇشنى ئويلايتتى. مۇشۇ ئارزۇ بىلەن ئۇ ئۈرۈمچىدە قېلىپ، ھۆكۈمەت ئورنىدا ئىشلىدى، ئىشلىگەندىمۇ تىرىشىپ ئىشلەپ دەرىجىمۇ دەرىجە ئۆستى. ئۇ خىزمەتتىكى ئەستايىدىللىقى، تەشكىللەش ئىقتىدارىنىڭ يۇقىرىلىقى بىلەن تېزلا كۆزگە كۆرۈنۈپ، ئۆز ناھيىىسىگە مۇئاۋىن ھاكىم بولۇپ چۈشتى، ئەمەلىيەتتە بۇنىڭغا ئۆزى يول ماڭغانىدى.

شۆھرەت خىزمەتكە چۈشۈپلا كاتىپنى ئىشقا بۇيرۇپ:

__ گۈلباغ يېزىسىنىڭ پالانى كەنت پۇكۇنى مەھەللىسىدە ھاشىماخۇن دېگەن ئادەم بار، ئۇنى ئېلىپ يېنىمغا كېلىڭ،-دېدى.

كاتىپ ئۇ يېزىغا بېرىپ، ھاشىماخۇننى تېپىپ:

__ ھاكىم سىلىنى ئىشخانامغا كەلسۇن دەيدۇ، ماشىنىغا چىقسىلا، دېدى.

بوۋاي بىر ھازا تۇرۇپ كېتىپ:

__ ھاكىم دەمسىز، نېمىگە قىچىرىپتۇ مېنى، بىرەر گۇناھىم بارمىكەن، ياكى بىرە ئىشنى خاتا قىلىپ قويۇپتىمەنمۇ؟-دېدى.

__ ئۇنى ئۇقمىدىم،__ دېدى كاتىپ، __ مەن پەقەت سىلىنى ئېلىپ بېرىشقا مەسئۇل.

ھاشىماخۇن كىيىم ئالماشتۇرۇپ، كاتىپ بىلەن بىللە يولغا چىقتى، خېلى ئۇزۇن ماڭغاندىن كېيىن ناھىيە بازىرىغا كەلدى. كاتىپ ھاشىماخۇننى ھەيۋەتلىك بىر بىنانىڭ ئالدىغا ئېلىپ كەلدى. ھاشىماخۇن بىناغا كىرىۋېتىپ «خەلق ئۈچۈن خىزمەت قىلايلى» دېگەن يوغان خەتنى كۆردى. كاتىپ لىفىتتىن ئۈچىنچى قەۋەتكە چىقىپ، ھاكىمنىڭ ئىشخانىسىنى چەكتى، ئۆزى ئاۋۋال كىرىپ ھاكىمغا دوكلات قىلغاندىن كېيىن، ھاشىماخۇننى ئىشخانىغا باشلىدى. ئورنىدىن قوپۇپ ھاشىماخۇننى كۈتۈۋالغان ھاكىم:

__ مېنى تونۇدىڭىمۇ بوۋاي،_ دەپ سورىدى.

ھاشىماخۇن قېرىپ قالغاچقا كۆزى ياخشى كۆرمەيتتى، ھاكىمغا باشتىن ئاياغ بىر قارىۋەتكەندىن كېيىن، خاتا گەپ قىلىپ سالماي دەپ:

__ سىز بۇ ناھىيەمىزنىڭ ھاكىمىغۇ،_ دېدى.

دادىسىغا ئۆزىنىڭ راۋرۇس ئادەم بولغىنىنى كۆرسىتىشكە ئالدىراپ كەتكەن ھاكىم قاقاخلاپ كۈلدى-دە:

__ مەن سېنىڭ ئوغلۇڭ،- دېدى، ئاندىن ئۆزىنى ماختاشقا چۈشتى،- سەن بىر چاغدا مېنى ئادەم بولمايدىغان نېمىكەنسەن، دېمىگەنمىدىڭ، قارا، مەن مانا ئادەم بولدۇم، ئادەم بولغاندىمۇ چوڭ ئادەم بولدۇم، ھاكىم بولدۇم!- دېدى.

ھاشىماخۇن شۇ چاغدىلا ئۇزۇن يىل كۆرمىگەن ئوغلىنى تونۇدى، ئۇنى قۇچاقلىدى، كۆزىدىن ئىككى تامچە ياش سىرغىدى، ھاكىم كاتىپنى چايغا بۇيرۇدى. ھاشىماخۇن چاي ئىچىۋاتقاندا ئوغلى ئۇنىڭغا ئۆيدىن ئايرىلغاندىن كېيىن قانداق ئوقۇپ، قانداق ئىشلەپ، قانداق ئۆسۈپ، ئاندىن بۇ يەرگە ھاكىم بولغانلىقىنى ماختىنىپ سۆزلەپ بەردى.

ھاشىماخۇن ئوغلىنىڭ كەچۈرمىشلىرىنى جىممىدە ئاڭلاپ بولۇپ:

__ ئوغلۇم، سەن ھاكىملىقىڭنى ماڭا كۆرسىتىش ئۈچۈن شۇنچە يىراقتىن مېنى چاقىرغانمىدىڭ؟- دېدى.

ئوغلى بۇ سوئالدىن گاڭگىراپ قالدى، ھاشىماخۇن سۆزىنى داۋاملاشتۇردى:

_ ئوغلۇم، مەن ساڭا: سەن ھاكىم بولالمايسەن دېمىگەن، ئادەم بولالمايسەن، دېگەنىدىم. ئادەم بولساڭ ئىدىڭ، قېرى ئاتاڭنى بۇ يەرگە چاقىرىپ ئاۋارە قىلماي، ئۆزەڭ ئالدىمغا كېلىپ ھال سورىغان بولاتتىڭ. سەن بۇ قىلىقىڭ بىلەن مېنىڭ سۆزۈمنىڭ توغرىلىقىنى ئىسپاتلىدىڭ!- دېدى.

بۇ ھېكايىدىن ئايانكى، مۇۋەپپەقىيەتنىڭ ئەقەللىي تەلىپى ئاۋۋال ئادەم بولۇشتۇر. ئەڭ ئالىي مۇۋەپپەقىيەتمۇ ئادەم بولۇشتۇر. ئادەم بولۇش__ ئىنسانىيەتنىڭ ئورتاق قىممەت قارىشىغا ھۆرمەت قىلغان ئاساستا، پەزىلەتلىك ياشاش دېگەنلىكتۇر. ئادەمنىڭ ئادەمدەك ياشىشى ئۇنىڭ ئادەم سۈپىتىدە قوبۇل قىلىنىشىنىڭ زۆرۈر شەرتىدۇر، بۇنى ئادەملەرنىڭ ئورتاق ۋىجدانى بەلگىلىگەندۇر. جەمئىيەتتىمۇ ئادىمىيلىك ئۆلچىمى ھەممە ئۆلچەمنىڭ ئاساسىدۇر. شۇڭا بىرسى ۋاپات بولغاندا ئىمام ئاخۇن جامائەتتىن: مەرھۇم قانداق ئادەم ئىدى؟ دەپ سورايدۇ. جامائەت ھەرگىز: مەرھۇم كاتتا باي ئىدى ياكى چوڭ ۋالى ئىدى دېمەيدۇ. مەرھۇم ياخشى ئادەم ئىدى، دەيدۇ، ئۆلۈكنىڭ ھۆرمىتى ئۈچۈن شۇنداق دەيدۇ، بىراق چىن كۆڭلىدە ۋاپات بولغۇچىنىڭ ئادىمىيلىكىگە باھا بېرىدۇ. چۈنكى بىر ئادەمنىڭ ئادىمىيلىكى، ئۇنىڭ ئۆلۈمىدىن كېيىن يالغۇز ھەقىقەت بولۇپ ئوتتۇرىغا چىقىدۇ.

Tags:
بايانات

ئۇيغۇر خەلقى ئەزەلدىن يېمەك-ئىچمەكلەرنى پىششىقلاپ ئىشلەشكە ئالاھىدە ئەھمىيەت بېرىپ ، باشقا ساھەلەردە ئىنسانىيەتنىڭ تەرەققىيات تارىخغا ئۆچمەس تۆھپىلەرنى قوشقانغا ئوخشاش ، يېمەك - ئىچمەك مەدەنىيىتى جەھەتتىمۇ پارلاق نەتىجىلەرنى ياراتقان . يېمەك - ئىچمەكلەرنىڭ قورساق تويغۇزۇش ، ئۇسسۇزلۇقنى قاندۇرۇش تەرىپىگىلا ئەمەس ، ئۇنى پىششىقلاپ ئىشلەشتە سالامەتلىككە ، كېسەللەرنىڭ ئالدىنى ئېلىش ، داۋالاش ، چىراي گۈزەللەشتۈرۈش قاتارلىق تەرەپلەرگىمۇ ئالاھىدە ئەھمىيەت بەرگەنلىكتىن ، ئۇيغۇرلارنىڭ يېمەك -ئىچمەكلىرى ئوزۇقلۇق قىممىتىنىڭ يۇقىرلىقى ، دورىلىق ئۈنۈمىنىڭ ياخشىلىقى ، تەمىنىڭ لەززەتلىكلىكى ، پۇرىقىنىڭ خۇش بۇيلۇقى بىلەن ئالەمدە داڭق چىقارغان . يېمەك-ئىچمەك ئىنسانىيەتنىڭ مەۋجۇت بولۇپ تۇرۇشى ۋە جەمئىيەتنىڭ تەرەققىي قىلىشىنىڭ ماددىي ئاساسى ، خەلق ئىگىلىكىنىڭ مۇھىم بىر قىسمى ، يېمەك -ئىچمەك ۋە ئۇنى پىششىقلاپ ئىشلەش سانائىتىنى تەرەققىي قىلدۇرۇش بەدەننىڭ ئوزۇقلۇق قۇرۇلمىسى ۋە سالامەتلىكىنى ياخشىلاپ ، كىشىلەرنىڭ تۇرمۇش سەۋيىسىنى يۇقىرى كۆتۈرۈشكە بىۋاسىتە تەسىر كۆرسىتىپلا قالماستىن ، بەلكى قالاق ، ئەنئەنىۋىي يېمەك-ئىچمەك ئادىتىنى ئۆزگەرتىپ ، دېھقانچىلىق ، باغۋەنچىلىك ، چارۋىچىلىق قاتارلىق كەسىپلەرنىڭ ئومۇميۈزلۈك راۋاجلىنىشىنى ئىلگىرى سۇرۇپ ، ماددىي بايلىق ۋە تۈرلۈك ئېنېرگىيە مەنبەلىرىدىن تولۇق پايدىلىنىپ ، مول خام ئەشيالارنى قىممىتى يۇقىرى پىششىق تاۋارغا ئايلاندۇرۇش ئارقىلىق بازار رىقابىتىدە ئۈستۈنلىككە ئېرىشىش ، ئېكسپورت مىقدارىنى ئاشۇرۇپ ، بازار ئىگىلىكىنىڭ تەرەققىياتىغا ماسلىشىش جەھەتلەردە ئىنتايىن مۇھىم ئەھمىيەتكە ئىگە . شىنجاڭدا يېمەك - ئىچمەكلەرنىڭ خام ئەشيا مەنبەسى ناھايىتى مول ، بۇ موللۇقنى " توخۇ سۈتىدىن باشقا ھەممىسى تېپىلىدۇ "دەپ تەرىپلەشكە بولىدۇ ، ئەمما خېلى ئۇزاق يىللاردىن بۇيان ، ھەر خىل " سول " سىياسەتلەرنىڭ كاشىلىسى ، پىلانلىق ئىگىلىكنىڭ بەزى چەكلىمىلىكلىرى تۈپەيلىدىن ، بىز يىمەك -ئىچمەك جەھەتتىكى مول خام ئەشيا بايلىقىنى تولۇق ئاچالمىدۇق . ئۇنىڭدىن تولۇق پايدىلىنالمىدۇق . ئۇنى ئۆزىمىز ئۈچۈن پۇختا ئاساسلىنىدىغان پىششىق ، يۇقىرى قىممەتكە ئىگە ماددىي بايلىققا ئايلاندۇرالمىدۇق . ھەددى -ھېسابسىز ئاشلىق ، گۆش ، مېۋە -چىۋە ، قوغۇن -تاۋۇز...لار بىھۇدە ئىسراپ بولۇپ كەتتى . ئىسلاھات ئېچىۋېتىش ۋە بازار ئىگىلىكىنىڭ كۈچلۈك شەرق شامىلى ئەمدىلىكتە بىزگە بۇ بايلىقتىن تولۇق پايدىلىنىش ئىمكانىيىتىنى يارىتىپ بەردى . يېمەك -ئىچمەك سانائىتىنى تەرەققىي قىلدۇرۇشتا ، كېرەكلىك بايلىق مەنبەلىرىدىن تولۇق پايدىلىنىش بىلەن بىر ۋاقىتتا ، يېمەك - ئىچمەكلەرنى پىششىقلاپ ئىشلەش ، ساقلاش ئۈسكۈنىلىرى ۋە شارائىتلىرىنى ياخشىلاش زۆرۈر . يېمەك - ئىچمەكلەرنى پىششىقلاپ ئىشلەش ۋە ساقلاشقا دائىر ئاساسىي بىلىم ۋە مەشغۇلات تېخنولوگىيەسنى ئومۇملاشتۇرۇش ، كەسپىي خادىملارنىڭ تېخنىكا سەۋىيەسىنى ۋە خىزمەت سۈپىتىنى يۇقىرى كۆتۈرۈش ، دۆلەت ئىچى ۋە خەلقئارادىكى ئىلغار تېخنىكا ۋە تەتقىقات نەتىجىلىرىدىن پايدىلىنىش ، يېڭى ئۈسكۈنىلەرنى تەتقىق قىلىپ ياساپ چىقىش لازىم . شۇ ئارقىلىق يېمەك - ئىچمەكلەرنى پىششىقلاپ ئىشلەش جەھەتتە مەملىكەت ۋە خەلقئارادىكى ئىلغار سەۋىيەگە يېتىشىپ ، بۇ جەھەتتىكى پارلاق ئەنئەنىمىزنى زامانىۋى تېخنىكا بىلەن بىرلەشتۈرۈپ ، سۈپىتى ئەلا ، بازىرى ئىتتىك ، ئوزۇقلۇق ۋە دورىلىق قىممىتى يۇقىرى ، رىقابەتتە ئۈستۈنلۈكتە تۇرالايدىغان يېمەك - ئىچمەكلەرنى ئىشلەپچىقىرىپ ، ئۆزىمىزنىڭ ۋە بازارنىڭ كۈندىن - كۈنگە ئېشىپ بېرىۋاتقان ئېھتىياجىنى قاندۇرىشىمىز كېرەك . شىركىتىمىزنىڭ مۇلازىمەت دائىرسى ھەققىدە شىنجاڭ دىلدوسىت كارخانا باشقۇرۇش مەسلىھەتچىلىك چەكلىك شىركىتى شىركەت ئەنگە ئالدۇرۇش ،تاۋار ماركىسى ، پاتېنت ھوقۇقىنى ئەنگە ئالدۇرۇش ، سودا ئوچۇرلىرىدىن مەسلىھەت بېرىش ، شىركەت تور بېتى ياساش ، ئۈندىدار سالونىنى تىزىمغا ئالدۇرۇش ، ياساش ۋە ۋاكالىتەن باشقۇرۇش ، ھەرخىل يېمەكلىك زاۋۇتى قۇرۇش رەسمىيەتلىرىنى ۋاكالىتەن بېجىرىش (QS بېجىرىش )، سېخ لايىھەلەش ، ئۈسكۈنە كىرگۈزۈش ، ئىشلەپچىقىرىشنى ئۆلچەملەشتۈرۈش ، ھەر خىل كۈندىلىك تۇرمۇش بۇيۇملىرى زاۋۇتى قۇرۇش رەسمىيىتىنى بېجىرىش ، يېمەكلىك ئۆتكۈزۈش ئىجازەتنامىسى بېجىرىش ، يېمەك - ئىچمەك ۋە سېتىش ئىجازەتنامىسى بېجىرىش ، ساغلاملىق مەھسۇلاتلىرى ئىجازەتنامىسى بېجىرىش ، داۋالاش سايمانلىرى ئىجازەتنامىسى بېجىرىش ، كارخانا يېمەكلىك ئىشلەپچىقىرىش ئىجازەتنامىسى بېجىرىش ،يىللىق تەكشۇرۇتۇش ، كىنىشكا ئالماشتۇرۇش ، خەلقئارا سۈپەت باشقۇرۇش سىستېما ئىجازەتنامىسى ئىلتىماس قىلىش ( ISO 9001 ) ،خەلقئارا يېمەكلىك بىخەتەرلىك باشقۇرۇش سىستېما ئىجازەتنامىسى ئىلتىماس قىلىش (ISO 22000 )، يېمەكلىك بىخەتەرلىك ئانالىزى ۋە لىمىت كونترول نۇقتىسى ئىجازەتنامىسى ئىلتىماس قىلىش (HACCP ) ، يېشىل يېمەكلىك ئىجازەتنامىسى ئىلتىماس قىلىش ، ئورگانىك يېمەكلىك ئىجازەتنامىسى ئىلتىماس قىلىش ، مۇسۇلمانچە يېمەكلىك ئىجازەتنامىسى ئىلتىماس قىلىش ، ھالال يېمەكلىك ئىجازەتنامىسى ئىلتىماس قىلىش ، سىزىقلىق كود كىنىشكىسى ۋە سىزىقلىق كود ئىلتىماس قىلىش قاتارلىقلارنى بىر گەۋدە قىلغان سودا مۇلازىمەت شىركىتى . شىركەت 2015 يىلى 6- ئاينىڭ 23- كۈنى قۇرۇلغان بولۇپ ، شىنجاڭدىكى مىللىي شىركەت ۋە كارخانىلارنىڭ قىيىنچىلىقىنى ھەل قىلىپ ، ھۆكۈمەت بىلەن كارخانىلار ئوتتۇرىسىدا كۆۋرۈكلۈك رول ئويناپ ، خېرىدارلارنى ئەڭ ئەتراپلىق ، ئەڭ كەسپىي بولغان مۇلازىمەت بىلەن تەمىن ئېتىمىز . ئادرېسى :شىنجاڭ ئۈرۈمچى شەھىرى تەڭرىتاغ رايونى جەنۇبى ئازاتلىق يولى 358-نومۇر جىلى ئاستانە 1- كورپۇس 13- قەۋەت 1306-ئىشخانا (سەنشىىاڭزا ئاق مەسچىت ئۇدۇلىدىكى سەردار رېستۇرانى ئېگىز بىناسى ) تېلېغۇن نومۇرى : 8555830-0991 15026000904 ئۈنددار : 15026000904

تەلەي قاپىقىدىن چىققان يازمىلار

باھالار

ئىسمىڭىز:

باھالار رېتى