مائارىپ مىنىستىرلىقى قاتارلىق تارماقلار ئومۇمنىڭ ئۈچ خىراجىتىنى ئىشلىتىش ئەھۋالىنى ئاشكارىلىدى، ئەمما ئاممىۋى پاراۋانلىق ئەربابى لېي چۇاڭ چىڭخۇا، بېيجىڭ ئۇنىۋېرسىتېتىنى ئۆز ئىچىگە ئالغان جۇڭگونىڭ نۇرغۇن ئالىي مەكتەپلىرىنىڭ ئومۇمنىڭ ئۈچ خىراجىتىنى ئىشلىتىش ئەھۋالىنى ئاشكارىلىمىغانلىقىنى بايقىدى.

لېي چۇاڭ بۇ يىل 1-ئايدا «ھۆكۈمەت ئۇچۇرلىرىنى ئاشكارىلاش نىزامى» ۋە «ئالىي مەكتەپلەرنىڭ ئۇچۇر ئاشكارىلاش چارىسى»گە ئاساسەن، ئىلگىرى-كېيىن بولۇپ، پۈتۈن مەملىكەتتىكى 113 ئالىي مەكتەپكە ئۇچۇر ئاشكارىلاش ئىلتىماس خېتى يېرىپ، 2012-يىللىق ئومۇمنىڭ ئۈچ خىراجىتى يەنى ئومۇمنىڭ كۈتۈۋېلىش خىراجىتى، ئومۇم ئىشلىرىغا ماشىنا سېتىۋېلىش ۋە يول يۈرۈش خىراجىتى، ئومۇمنىڭ ئىشى بىلەن چەتئەلگە چىقىش خىراجىتىنىڭ تۈرلۈك چىقىم ئەھۋالىنى ئاشكارىلاشنى ئىلتىماس قىلدى.

ئارقىدىن، لېي چۇاڭ 40 ئالىي مەكتەپنىڭ جاۋابىنى تاپشۇرۇۋالدى، جېجياڭ ئۇنىۋېرسىتېتى قاتارلىق 28 ئالىي مەكتەپ 2012-يىللىق نەقچوت باشقۇرۇش تارماقلىرى تەرىپىدىن تەستىقلانغاندىن كېيىن تەشەببۇسكارلىق بىلەن ئاشكارىلايمىز دېدى. نۆۋەتتە، لېي چۇاڭ چېڭدۇ ئۇنىۋېرسىتېتىنىڭ 2012-يىللىق ئومۇمنىڭ ئۈچ خىراجىتىنى ئاشكارىلىغانلىقىنى بايقىدى. چىڭخۇا ئۇنىۋېرسىتېتى قاتارلىق يەتتە ئالىي مەكتەپنىڭ ئاشكارىلاش-ئاشكارىلىماسلىقى ئېنىق ئەمەس ئىكەن؛ غەربىي جەنۇب قاتناش ئۇنىۋېرسىتېتى ۋاقتىنچە ئاشكارىلىمايدىغانلىقىنى بىلدۈرگەن؛ پايتەخت پېداگوگىكا ئۇنىۋېرسىتېتى قاتارلىق تۆت ئالىي مەكتەپ ئاشكارىلاشنى ئېنىق رەت قىلغان.

جېجياڭ ئۇنىۋېرسىتېتى مەكتىپىمىز باشقۇرۇش تارماقلىرىنىڭ بىر تۇتاش ئورۇنلاشتۇرۇشىغا ئاساسەن، 2012-يىللىق مالىيە نەقچوتىنى تۈزمەكتە، بۇ نەقچوت ئۇچۇرىنى باشقۇرۇش تارماقلىرىنىڭ رەسمىي تەستىقلىشىغا سۇنۇشقا توغرا كېلىدۇ. شۇ چاغدا مەكتەپ دۆلەتنىڭ ئالاقىدار بەلگىلىمىسىگە ئاساسەن، جەمئىيەتكە مالىيە نەقچوت ئۇچۇرىنى تەشەببۇسكارلىق بىلەن ئاشكارىلايدۇ ھەم دۆلەتنىڭ ئۇچۇر ئاشكارىلاشقا ئالاقىدار سىياسەت، بەلگىلىمىسىگە ئاساسەن، ئىلتىماس بويىچە ئالاقىدار مالىيە ئۇچۇرىنى ئاشكارىلايدۇ دەپ جاۋاب بەردى.

چېڭدۇ ئۇنىۋېرسىتېتى نۆۋەتتە مەكتىپىمىز 2012-يىللىق مالىيە نەقچوتىنى تۈزمەكتە، قانۇندا بەلگىلەنگەن تەرتىپ بويىچە تەستىقلاشقا ئىلتىماس قىلىش، باشقۇرۇش تارماقلىرى تەستىقلاش ئارقىلىق، مەكتىپىمىز مالىيە ئۇچۇرىنى ئاشكارىلاش خىزمىتىنىڭ تەلىپىگە ئاساسەن، جەمئىيەتكە مالىيە ئۇچۇرىنى تەشەببۇسكارلىق بىلەن ئاشكارىلايدۇ ھەم دۆلەتنىڭ ئۇچۇر ئاشكارىلاشقا ئالاقىدار سىياسەت، بەلگىلىمىسىگە ئاساسەن، ئىلتىماس بويىچە ئالاقىدار مالىيە ئۇچۇرىنى ئاشكارىلايدۇ دەپ جاۋاب بەردى.

لېي چۇاڭ يېقىندا چېڭدۇ ئۇنىۋېرسىتېتى پىلان مالىيە باشقارمىسىنىڭ تور بېكىتىگە چىقىپ، «چېڭدۇ ئۇنىۋېرسىتېتى مالىيەسىدىن ئومۇمنىڭ ئۈچ خىراجىتىگە ئاجرىتىلغان 2012-يىللىق نەقچوت ۋە 2013-يىللىق خامچوت» ئارخىپىنى چۈشۈردى. لېكىن لېي چۇاڭ ئومۇمنىڭ ئۈچ خىراجىتىنى تەشەببۇسكارلىق بىلەن ئاشكارىلايمىز دېگەن باشقا ئالىي مەكتەپلەرنىڭ ئالاقىدار تور بېكەتلىرىدىن ئاشكارىلاش ئەھۋالىنى بايقىمىدى.

ئارخىپتىن ئايان بولۇشىچە، چېڭدۇ ئۇنىۋېرسىتېتىنىڭ 2012-يىلى ئومۇمنىڭ ئۈچ خىراجىتىگە كەتكەن ئومۇمىي نەقچوتى ئۈچ مىليون 42 مىڭ 900 يۈەن، بۇ يىللىق ئومۇمنىڭ ئۈچ خىراجىتىگە ئاجراتقان ئومۇمىي خامچوتى ئۈچ مىليون 42 مىڭ 300 يۈەن بولغان. بۇنىڭ ئىچىدە، 2012-يىلى ئومۇمنىڭ ئىشى بىلەن چەتئەلگە چىقىش نەقچوتى 232 مىڭ 900 يۈەن، بۇ يىللىق ئومۇمنىڭ ئىشى بىلەن چەتئەلگە چىقىش خامچوتى 207 مىڭ يۈەن بولغان؛ 2012-يىللىق ئومۇمنىڭ ئىشىغا كۈتۈۋېلىش نەقچوتى بىر مىليون 40 مىڭ يۈەن، بۇ يىللىق خامچوتى بىر مىليون 40 مىڭ يۈەن بولغان؛ ئومۇمنىڭ ئىشىغا ماشىنا سېتىۋېلىش ۋە يول يۈرۈش خىراجىتىگە كەتكەن 2012-يىللىق نەقچوت بىر مىليون 770 مىڭ يۈەن، بۇ يىللىق خامچوت بىر مىليون 770 مىڭ يۈەن بولغان.

ئەمما شەرقىي جۇڭگو سانائەت، تەبىئىي پەن ئۇنىۋېرسىتېتى، غەربىي جەنۇب ئۇنىۋېرسىتېتى، شاڭخەي پېداگوگىكا ئۇنىۋېرسىتېتى، پايتەخت پېداگوگىكا ئۇنىۋېرسىتېتى قاتارلىق تۆت ئالىي مەكتەپ ئومۇمنىڭ ئۈچ خىراجىتىنى ئاشكارىلاشنى ئېنىق رەت قىلدى. شەرقىي جۇڭگو سانائەت، تەبىئىي پەن ئۇنىۋېرسىتېتى بۇ-مەكتەپنىڭ ئۇچۇر ئاشكارىلاش دائىرىسىگە كىرمەيدۇ، ئىشخانىمىز ئاشكارىلىماسلىقنى قارار قىلدى دەپ سەۋەب كۆرسەتتى. شاڭخەي پېداگوگىكا ئۇنىۋېرسىتېتى بىلەن پايتەخت پېداگوگىكا ئۇنىۋېرسىتېتى كۆرسەتكەن سەۋەبتە «ئالىي مەكتەپلەرنىڭ ئۇچۇر ئاشكارىلاش نىزامى» تىلغا ئېلىنىپ، بۇ-بۇنىڭ ئىچىدىكى بەلگىلەنگەن ئاشكارىلاشقا تېگىشلىك مەزمۇنغا تەۋە ئەمەس، شۇڭا ئاشكارىلىمايمىز دېيىلدى.

غەلىتە يېرى شۇكى، غەربىي جەنۇب ئۇنىۋېرسىتېتى «مائارىپ مىنىستىرلىقىنىڭ ئالىي مەكتەپلەرنىڭ مالىيە ئۇچۇرىنى ئاشكارىلاش خىزمىتىنى ياخشى ئىشلەش ھەققىدىكى ئۇقتۇرۇشى»نىڭ روھىغا ئاساسەن، سىز ئىلتىماس قىلغان تۈرلەر سىزنىڭ خىزمەت، تۇرمۇش، پەن تەتقىقات قاتارلىق ئالاھىدە ئېھتىياجىڭىز بىلەن مۇناسىۋەتسىز. شۇڭا، مەكتىپىمىز سىزگە ئالاقىدار ئۇچۇرلارنى ۋاقتىنچە ئاشكارىلىمايدۇ دېگەننى ئاشكارىلىماسلىقنىڭ سەۋەبى قىلدى. ئوخشاش ئىلتىماس ئالدىدا، خېخەي ئۇنىۋېرسىتېتى «مائارىپ مىنىستىرلىقىنىڭ ئالىي مەكتەپلەرنىڭ مالىيە ئۇچۇرىنى ئاشكارىلاش خىزمىتىنى ياخشى ئىشلەش ھەققىدىكى ئۇقتۇرۇشى»نىڭ تەلىپىگە ئاساسەن، مالىيە ئۇچۇرىنى ئاشكارىلايمىز دەپ جاۋاب بەردى.

لېي چۇاڭ ئوخشاش ھۆججەتكە غەربىي جەنۇب ئۇنىۋېرسىتېتى بىلەن خېخەي ئۇنىۋېرسىتېتى ئوخشىمىغان جاۋاب بەردى، بۇ ئۇقتۇرۇشنىڭ روھىغا ئۇيغۇن كەلمەيدۇ دېدى. چىڭخۇا ئۇنىۋېرسىتېتى، نەنجىڭ پېداگوگىكا ئۇنىۋېرسىتېتى، ياڭجۇ ئۇنىۋېرسىتېتى، شىمالىي جۇڭگو ئېلېكتىر ئۇنىۋېرسىتېتى، نەنجىڭ مېدىتسىنا ئۇنىۋېرسىتېتى، بېيجىڭ كەسپىي سىياسىي-قانۇن ئىنستىتۇتى، نەنجىڭ سانائەت ئۇنىۋېرسىتېتى قاتارلىق يەتتە ئالىي مەكتەپ بىز 2012-يىللىق نەقچوتنى يۇقىرى دەرىجىلىك تارماقلارنىڭ تەستىقلىشىنى كۈتۈۋاتىمىز ياكى پائال ئىلگىرى سۈرۈلمەكتە، ئومۇمنىڭ ئۈچ خىراجىتىنى ئاشكارىلاش-ئاشكارىلىماسلىقىمىز ئېنىق ئەمەس دېدى.

چىڭخۇا ئۇنىۋېرسىتېتى يۇقىرى دەرىجىلىك تارماقلارنىڭ ئورۇنلاشتۇرۇشىغا ئاساسەن، مەكتىپىمىز بۇ يىللىق تارماقلار نەقچوت خىزمىتىنى يەنىلا ئىشلىمەكتە، تېخى تاماملانمىدى، چىقىم نەقچوتى تېخىچە يۇقىرى دەرىجىلىك ئورۇنلارنىڭ تەستىقىدىن ئۆتمىدى دەپ جاۋاب بەردى. ياڭجۇ ئۇنىۋېرسىتېتى مەكتىپىمىز ئومۇمنىڭ ئۈچ خىراجىتىنى ئىشلىتىش ئۇچۇرىنى ئاشكارىلاش خىزمىتىنى ئالاقىدار تەلەپلەر بويىچە پائال ئىلگىرى سۈرۈۋاتىدۇ دەپ جاۋاب بەردى.

بۇندىن ئىلگىرى، مالىيە مىنىستىرلىقى ئۆزىنىڭ تور بېكىتىدە «خۇبېي مەخسۇس خادىم ئىشخانىسى ئالىي مەكتەپلەرنىڭ ئومۇمنىڭ ئۈچ خىراجىتىنى باشقۇرۇشتىكى قالايمىقانچىلىقىنى مەركەزلىك تۈزەش كېرەك دەپ ھېسابلىدى» دەپ ئېلان قىلغان، تەكشۈرۈش دوكلاتىدىن ئايان بولۇشىچە، خۇبېي مەخسۇس خادىم ئىشخانىسى ئوتتۇرا جۇڭگو پەن-تېخنىكا ئۇنىۋېرسىتېتىنىڭ خامچوت مۈلۈكى مالىيەسىنى تەكشۈرۈشتە، كەسپىي ئورۇن بولغان بۇ مەكتەپنىڭ ئومۇمنىڭ ئىشى بىلەن چەتئەلگە چىقىش، ئومۇمنىڭ ئىشى ئۈچۈن كۈتۈۋېلىش، ئومۇمنىڭ ئىشىغا ماشىنا سېتىۋېلىشتىن ئىبارەت ئومۇمنىڭ ئۈچ خىراجىتىگە كەتكەن چىقىمنىڭ بەك كۆپلۈكى ، بوغالتىرلىق ئۇچۇرىنىڭ ھەقىقىي ئەمەسلىكى، ئالىي مەكتەپلەرنىڭ ئۈچ خىراجەت مەسىلىسىنىڭ ئېغىرلىقى، ئۈنۈملۈك باشقۇرۇش ۋە تىزگىنلەشنىڭ يېتەرسىزلىكى، مەمۇرىي ئورگانلار بىلەن بىرلىكتە ئومۇمىي جەھەتتىن تۈزەش كاتېگورىيەسىگە كىرگۈزۈشنىڭ زۆرۈرلىكىنى بايقىغان. دوكلاتتىن يەنە دۆلەت ئىشلىرى مەھكىمىسى ئېلان قىلغان «ئورگان ئىشلىرىنى باشقۇرۇش نىزامى»دا، ئومۇمنىڭ ئۈچ خىراجىتىنىڭ كۆلىمى ۋە نىسبىتىنى قاتتىق تىزگىنلەش تەلەپ قىلىنغان، ئەمما نىزامدا كەسپىي ئورۇنلارنىڭ ئۈچ خىراجىتىنى باشقۇرۇش تېخىمۇ قېلىپلاشتۇرۇلمىغان.

ئالىي مەكتەپ خىزمىتىنىڭ ئاشكارىلىقىنى ئۆستۈرۈش ئۈچۈن، مائارىپ مىنىستىرلىقى 2012-يىلى 20-دېكابىر «مائارىپ مىنىستىرلىقىنىڭ ئالىي مەكتەپ مالىيە ئۇچۇرىنى ئاشكارىلاش خىزمىتىنى ياخشى ئىشلەش ھەققىدىكى ئۇقتۇرۇش»نى چىقاردى. بىراق ئۇقتۇرۇشتا ئالىي مەكتەپلەرنىڭ مالىيە ئۇچۇرىنى ئاشكارىلاش خىزمىتى ھەققىدە قاتتىق بەلگىلىمە چىقىرىلماي، مەركەز تارماقلىرىغا قاراشلىق ئالىي مەكتەپلەر تەشەببۇسكارلىق بىلەن ئاشكارىلايدىغان ئۇچۇرلار پىرىنسىپ جەھەتتىن خامچوت ئومۇمىي جەدۋىلى، كىرىم-چىقىم ئومۇمىي جەدۋىلىنى ئۆز ئىچىگە ئېلىشى كېرەك، يەرلىكتىكى ئالىي مەكتەپلەر بۇنىڭدىن پايدىلىنىپ ئىجرا قىلىشى كېرەك، ئۇنىڭ ئۈستىگە مۇشۇ ئاساستا، ھەر قايسى ئالىي مەكتەپلەر ئەمەلىي ئەھۋالىغا ئاساسەن، ئالاقىدار مالىيە ئۇچۇرلىرىنى ئۆز ئالدىغا ئاشكارىلىشى لازىم دەپ بەلگىلەنگەن.

(تەھرىر : ئىزدەن)

• مائارىپ مىنىستىرلىقى باشلانغۇچ مەكتەپ
• ‹‹ماگىستىرلىق ئىمتىھانىدىن ئۆتۈشكە كا
• دۇنيادىكى ھەيران قالارلىق ئونىۋېرسىتېت
• «جۇڭگوچە يازلىق تەتىل» قىيىن مۇھىتىدىن
• دىپلوم زاۋۇتلىرى ۋە بىراك ماللار كىرزىس
• «قوش تىل» ئۆگىنىش دەۋرنىڭ تەلىپى
• جۇڭگو مائارىپى مەغلۇبىيەتتۇر
• ياخشى ئورۇن راستتىنلا شۇنداق مۇھىممۇ ؟
• ئەمگەك دەرسىنىڭ تەسىس قىلىنىشى يېڭىلىق
• «چەت ئەللەرنىڭ ئالىي مەكتەپ ئىمتىھانى»
• يېقىنقى ئۈچ يىلدا مائارىپتا يىغىلغان قا
• چەتئەللىك بالىلارنىڭ تەتىل ئۆتكۈزۈش ئۇ
• ئوتتۇرا-باشلانغۇچ مەكتەپلەرنى باھالاشت
• بالىسىنى يەسلىگە كىرگۈزۈش ئۈچۈن ياڭجۇ ش
• مەملىكەت بويىچە بىر مىليون ئوقۇغۇچى ئال
• ئادالەت نامىدىن ئالىي مەكتەپ ئىمتىھانى