خۇرسەنئاي مەمتىمىن

   ھازىر بالىلىرىنى كىچىكىدىنلا بىرگە قادىر، كۆپكە ماھىر قىلىش ئۈچۈن، ھەممىگە تەييار ئاتا – ئانىلار بىلىپ – بىلمەيلا پايدىسىز ئېقىمغا ئەگىشىپ كېتىشتىن ساقلىنالمايۋاتىدۇ. ئۇلار ‹‹باشلانغۇچ مەكتەپنىڭ دەرسلىكلىرى قىيىن، بالىلار ئالدىن ئۆگىنىۋالمىسا، كېيىن ئارقىدا قالىدۇ›› دەپ قاراپ، بالىلىرىنى يېشىغا ماس كەلمىگەن، نورمىدىن ئارتۇق ‹‹بىلىملەر››بىلەن بۆشۈكىدىلا قوراللاندۇرۇشقا ھەرىكەت قىلماقتا. يەسلىلەر بولسا ئاتا – ئانىلارنىڭ جىددىي ئېھتىياجىغا يېقىندىن ماسلىشىپ، بىردىن ئونغىچە بولغان سانلارنى قوشۇش – ئېلىش، ئاددىي خەت – پىنيىنلار، ئۇسسۇل، ناخشا، مۇزىكا، خەتتاتلىق، رەسىم، ھەتتا ئانچە – مۇنچە ئىنگلىز تىلى قاتارلىق قوشۇمچە دەرسلىكلەرنى تەسىس قىلدى. يەسلى مەسئۇللىرى گەرچە بۇنىڭ مائارىپ تۈزۈمىگە خىلاپ ئىكەنلىكىنى بىلسىمۇ، لېكىن ‹‹ئاتا – ئانىلار قوغلىشىۋاتقان مودا مۇشۇ، بۇنداق قىلمىساق بازار ئىگىلىكىدە پۇت تېرەپ تۇرالمايمىز، بىزمۇ ئامالسىز›› دەپ قاراپ، كۈنسېرى ئېشىۋاتقان ئېھتىياجنى قاندۇرۇشقا تىرىشىۋاتىدۇ.

   ئالدىن يۈگۈرۈپ كەتكەنلەرنى توختىتىپ، ئۇلارنى قېلىپقا سېلىش، ئارتۇق، كېرەكسىز شاخلىرىنى پۇتاپ تۈزەش − ھازىر باشلانغۇچ مەكتەپلەر دۇچ كېلىۋاتقان باش ئاغرىقىنىڭ بىرى. باشلانغۇچ مەكتەپكە كىرگەندىن كىيىن، بالدۇر ئۆگىنىۋالغان ئوقۇغۇچىلاردا ‹‹بۇلارنى يەسلىدىلا ئۆگىنىپ بولغان، ھەممىنى بىلىمەن›› دەپ ئۆزىگە تەمەننا قويۇپ، دەرسكە بېرىلمەيدىغان ھالەت ئەۋج ئېلىپ، بالىلارنىڭ ئۆگىنىش قىزغىنلىقىغا تەسىر يەتكۈزىدىغان ئەھۋاللار كۆرۈلمەكتە. ئاقىۋەتتە، يەسلى تەربىيەسى بىلەن باشلانغۇچ مائارىپى ئوتتۇرىسىدا يوشۇرۇن چەتكە قېقىش باش كۆتۈرۈپ، ئۆزئارا بىر – بىرىگە ماسلىشالماسلىق، باغلىنالماسلىق، تولۇقلىيالماسلىق كېلىپ چىقماقتا.

   ئۆگىنىشكە تېگىشلىك تەپسىلاتلارنى ئالدىن ئۆگىنىۋېلىشنىڭ پۈتۈنلەي توغرا بولۇشىمۇ، ئالدىن ئۆگىنىۋالغان ئوقۇغۇچىلارنىڭ نەتىجىسى ئالاھىدە ياخشى بولۇشىمۇ ناتايىن. يەسلىدە تومتاق تەلىم ئالغان سەبىيلەر كېيىنكى بىلىم ئېلىش سەپىرىدە قىينچىلىققا دۇچ كېلىپ قېلىشى مۇمكىن. شۇڭا، يەسلى باشلانغۇچنىڭ ئالدىدا يۈگۈرمەسلىكى، ئۆزىنىڭ باشلانغۇچ مەكتەپنىڭ تەييارلىق باسقۇچى بولۇشتەك ئەسلىي ئورنىغا قايتىشى كېرەك. باشلانغۇچ مەكتەپ دەرسلىكلىرى قارىماققا قىيىندەك كۆرۈنسىمۇ، لېكىن، ئۇ دۆلەتنىڭ مائارىپ تۈزۈمىگە ئاساسەن، نوپۇزلۇق مۇتەخەسسىسلەرنىڭ ئۇزاق مۇددەت تەجرىبە – سىناق قىلىشى ئارقىلىق، بالىلارنىڭ ياش قۇرامى، ئۆگىنىش ئالاھىدىلىكى، ئۆزلەشتۈرۈش ئىقتىدارى، ئۆسۈپ – يېتىلىش پىسخىكىسىغا ئاساسەن بالىلارغا مۇۋاپىقلاشتۇرۇلۇپ تۈزۈلگەن. شۇڭا بالىلار ئۆزىگە ئەڭ ماس كېلىدىغان بىلىمنى دۆلەتنىڭ مائارىپ ئوقۇتۇش پىروگراممىسى بويىچە، سىستېمىلىق، ئۆلچەملىك تەربىيەلەنگەندە، مەخسۇس ئوقۇتقۇچىلاردىن قېلىپلىق ئۆگەنگەندە قىزغىن ئۆگىنىش كەيپىياتى يارىتالايدۇ.

(تەھرىر : ئىزدەن)

• مائارىپ مىنىستىرلىقى باشلانغۇچ مەكتەپ
• ‹‹ماگىستىرلىق ئىمتىھانىدىن ئۆتۈشكە كا
• دۇنيادىكى ھەيران قالارلىق ئونىۋېرسىتېت
• «جۇڭگوچە يازلىق تەتىل» قىيىن مۇھىتىدىن
• دىپلوم زاۋۇتلىرى ۋە بىراك ماللار كىرزىس
• «قوش تىل» ئۆگىنىش دەۋرنىڭ تەلىپى
• جۇڭگو مائارىپى مەغلۇبىيەتتۇر
• ياخشى ئورۇن راستتىنلا شۇنداق مۇھىممۇ ؟
• ئەمگەك دەرسىنىڭ تەسىس قىلىنىشى يېڭىلىق
• «چەت ئەللەرنىڭ ئالىي مەكتەپ ئىمتىھانى»
• يېقىنقى ئۈچ يىلدا مائارىپتا يىغىلغان قا
• چەتئەللىك بالىلارنىڭ تەتىل ئۆتكۈزۈش ئۇ
• ئوتتۇرا-باشلانغۇچ مەكتەپلەرنى باھالاشت
• بالىسىنى يەسلىگە كىرگۈزۈش ئۈچۈن ياڭجۇ ش
• مەملىكەت بويىچە بىر مىليون ئوقۇغۇچى ئال
• ئادالەت نامىدىن ئالىي مەكتەپ ئىمتىھانى