◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

كىچىك دوستلار بىر _ بىرى بىلەن ئۇرۇشۇپ قالسا، ئاتا –

ئانىلار  قانداق مۇئامىلە قىلىش كېرەك

كۆپ ھاللاردا كىچىك دوستلار بىرگە ئويناش جەريانىدا بىر _ بىرى بىلەن دائىم ئۇرۇشۇپ تۇرىدۇ. بۇنداق ئەھۋالدا ئاتا _ ئانا بالىلىرىنىڭ شۇ بالىلار بىلەن بىرگە ئوينىشىنى چەكلەيدۇ .
بۇ خىل ئەھۋاللارغا قارىتا، بېيجىڭ پىداگوگىكا ئونۋېرسىتىتى بالىلار پىسخولوگىيىسى تەتقىقات ئورنىنىڭ ماگىستىرى  لۇجى مۇنداق دېدى:بالىلارنىڭ كىچىككىنە سۈركىلىش تۈپەيلى ئازار يەپ قېلىشى يامان ئىشمۇ ئەمەس، ئاتا _ ئانىلار شۇ تۈپەيلى ئۇلارنى ئارىلىشىپ ئۆتۈش پۇرسىتىدىن مەھرۇم قىلماسلىقى لازىم. زىيان تارتىش بالىلارنىڭ  ئۆسۈپ يېتىلىش جەريانىدا ئوقۇشقا تېگىشلىك دەرس. لۇجى بۇنى مۇنداق چۈشەندۈردى:بالىلار ئوخشىمىغان ئۈلپەتداشلار بىلەن ئارىلىشىش جەريانىدا ئىجتىمائىي ئالاقە ماھارىتىنى ئۈگىنىدۇ ھەمدە ئادەتتە بىر_ بىرىگە ئاداۋەت ساقلاپ يۈرمەيدۇ، بۈگۈنى ئۇرۇشۇپ قالسا، ئەتىسىلا ئەپلىشىپ قالىدۇ، ئاتا _ ئانىلارنىڭ ئارىلىۋېلىشىنىڭ ھاجىتى يوق. بالىلار قاتتىقراق تالىشىپ قالغاندا، ئاتا _ ئانىلار ئەپلەشتۈرۈپ قويسا ھەمدە ئۇلارغا قانداق قىلسا توغرا بولىدىغانلىقىنى ئېيتىپ بەرسە بولىدۇ .
ئەمما،""تارتقان زىيانلار"" نىڭ ھەممىسىگە يول قويۇۋېرىشكە بولمايدۇ. ئاتا _ ئانىلار بالىلىرى تارتقان زىياننىڭ ئەھۋالىغا قارىتا پەرقلىق مۇئامىلە قىلىش كېرەك .
1. ئەگەر بالىسى سىرتتا دائىم زىيان تارتسا، ئۇ ھالدا بالىنىڭ مىجەزىدە مەسىلە بولىشى مۈمكىن، شۇنداق بولسا تەڭشەشكە توغرا كېلىدۇ. بۇ ،ئاتا _ ئانىنىڭ بالا تەربىيىلەشتىكى نۇقسانىنى ئاشكارلاپ بېرىدۇ. ئاتا _ ئانىلار بالىلىرىنى بەرىبىر ئەركىنلىك بوشلۇقىغا ئىگە قىلىش كېرەك، يەنى ئۇلار ئۆزلىرى قارار قىلسۇن، بالىدىن بەك كۆپ نەرسىلەرنى تەلەپ قىلىپ تۇرۇۋالمايلى. شۇنىڭ بىلەن بىللە، ئاتا  _ ئانىلارمۇ ئىش قىلغاندا كەسكىن بولۇپ، بالىسىغا ئۈلگە بولۇشى كېرەك. ئادەتتە بالىلىرىنى كۆپرەك يېتەكلەپ، دوستلىرى بىلەن ئارىلاشتۇرغۇزۇپ، ئارىلىشىشنى ئۈگىتىش كېرەك .
2. بالىلىرى ئانچە مۇنچە زىيان تارتىپ قالسا ئاتا _ ئانىلار دېلىغول بولۇپ كەتمىسىمۇ بولىدۇ .چۈنكى، ئانچە_مۇنچە زىيان تارتىپ تۇرغاندا، ئوخشىمىغان ئادەملەر بىلەن ئارىلاشقاندا ئوخشىمان ئۇسۇللارنى قوللىنىش كېرەكلىكىنى، ئارىلىشىش جەريانىدا، بەزى ئوڭۇشسىزلىقلارنى باشتىن ئۆتكۈزۈش ئۆسۈپ يېتىلىشىگە پايدىلىق ئىكەنلىكىنى بىلىۋېلىش ئىمكانىيىگە ئېرىشكىلى بولىدۇ