◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

ئاتا-ئانىلارنىڭ پوزىتسىيىسى ۋە پەرزەنتلەرنىڭ خاراكتېرى

دۇنيادا ھەر قانداق بىر ئاتا-ئانا ئۆز پەرزەنتىنىڭ يارامسىز بولۇپ قېلىشىنى خالىمايدۇ، ئەمما، تەربىيلەش ئۇسۇلىنىڭ ئوخشاش بولماسلىقى بىلەن ئاخىرقى نەتىجىمۇ ئوخشاش بولمايدۇ. پەرزەنتلەرنىڭ جىسمانىي جەھەتتىن باتۇر، كۈچلۈك بولۇشى، مەنىۋى جەھەتتىن قورقماس، جاسارەتلىك، ئىرادىلىك، ئەدەبلىك بولۇش ئۇلارنى كىچىكىدىن تارتىپ قانداق تەربىيلەشكە باغلىق. 
ئاتا-ئانىنىڭ پوزىتسىيىسى ھۆكۈمران ئورۇندا تۇرسا-پەرزەنتنىڭ خاراكتىرى ئىتائەتچان، تەشەببۇسكارلىقى بولمىغان، پاسسىپ ۋە بېقىندى بولىدۇ.
ئاتا-ئانىنىڭ پوزىتسىيىسى ئارتۇقچە ئەتىۋارلاش ئورۇندا تۇرسا-پەرزەنتنىڭ خاراكتىرى گۆدەكلىك، بېقىندىلىق، ئەسەبىيلىك، پاسسىپلىق ۋە جۈرئەتسىزلىك ئاسارىتىدە بولىدۇ. 
ئاتا-ئانىنىڭ پوزىتسىيىسى قوغداش، كۆيۈنۈش ئورنىدا تۇرسا-پەرزەنتنىڭ خاراكتېرى ئىجتىمائىيلىقى كەمچىل، ئويچان،سەمىمىي ۋە خاتىرجەم بولىدۇ. ئاتا-ئانىنىڭ پوزىتسىيىسى ئەركىلىتىشنى ئاساس قىلسا-پەرزەنتنىڭ خاراكتېرى بەڭۋاش، ئۇششۇق، گۆدەك ۋە ئەسەبىي بولىدۇ. 
ئاتا-ئانىنىڭ پوزىتسىيىسى مايىللىقنى ئاساس قىلسا-پەرزەنتنىڭ خاراتېرى مەسئۇليەتسىز، جاھىل ۋە ئۇرۇشقاق كېلىدۇ. 
ئاتا-ئانىنىىڭ پوزىتسىيىسى ئېتىبار بېرىشنى ئاساس قىلسا-پەرزەنتنىڭ خاراكتېرى سوغوق، بىشەم، ئالاقزادە، بىراق ئىجادچان بولىدۇ.
ئاتا-ئانىنىڭ پوزىتسىيىسى رەت قىلىش، قارشى تۇرۇشنى ئاساس قىلسا- پەرزەنتنىڭ خاراكتېرى ئەسەبىي، ئىجتىمائىيەتكە قارشى، قوپال، سوغوق ۋە باشقىلارنىڭ دىققىتىنى جەلپ قىلىشقا ئۇرۇنىدىغان بولىدۇ. 
ئاتا-ئانىنىڭ پوزىتسىيىسى رەھىمسىز بولسا-پەرزرەنتنىڭ خاراكتېرى تەرسا، شەپقەتسىز، ئەسەبىي، قاچقاق ۋە مۇستەقىل بولىدۇ.
ئاتا-ئانىنىڭ پوزىتسىيىسى ئىستىبدات بولسا-پەرزەنتنىڭ خاراكتېرى بېقىندى، كاج، مەمەدان، مۇستەقىللىقى بولمىغان ۋە ئۇرۇشقاق بولىدۇ.   
ئاتا-ئانىنىڭ پوزىتسىيىسى دېمۇكراتىك بولسا-پەرزەنتنىڭ خاراكتېرى مۇستەقىل، ئوچوق-يۇرۇق، ھەمسۆھبەت، سەمىمىي، ئىجادچان ۋە چىقىشقاق بولىدۇ.
شۇنىڭ ئۈچۈن ئاتا-ئانا بولغۇچىلار پەرزەنتلەر قەلبىدە ئەڭ قىممەتلىك مىراس-ياخشى تەلىم-تەربىيىنى قالدۇرۇشى كېرەك. 
 
مەنبە:- «ئىشچىلار ۋاقىت گېزىتى» دىن ئېلىندى