◆◆بەشتاش بالىلار مائارىپ تورى◆◆Http://Www.BaxTax.Cn◆◆五石儿童教育网◆◆

                            تۇرپاندىكى پاقىلىق ئانىجان خوجام مازىرى
         ئانىجان خوجام مازىرى تۇرپان شەھىرى ئايدىڭكۆل يېزىسىنىڭ شەرقىي شىمالىي تەرىپىگە تەخمىنەن 3 كىلومېتىر كېلىدۇ. بۇ يەر شەرقىي مېردىئان 89 گرادۇس 5 مىنۇت 18 سېكۇنت، شىمالىي پاراللېل 42 گرادۇس 5 مىنۇت 47 سېكۇنتتا بولۇپ، دېڭىز يۈزىدىن 87.05 مېتىر تۆۋەن.
مازارگاھلىق كەڭ كەتكەن سايلىققا ئورۇنلاشقان. شەرقىي تەرىپى 500 مېتىر كېلىدىغان يەردە بىر قەدىمىي شەھەر خارابىسى بار. بىر يېزا يولى غەربىي تەرىپىدىن ئۆتىدۇ. ئالدى تەرەپتە بىر قۇرۇق ئېرىق بار. قەدىمىي شەھەر خارابىلىكىنىڭ ئوڭ قېتىدا ئۇيغۇرلار قەبرىستانلىقى بار.
ئانىجان خوجام مازىرىنىڭ ئىگىلىگەن ئومۇمىي يەر كۆلىمى 847 كۋادرات مېتىر كېلىدۇ.
ئانىجان خوجام مازىرىنىڭ ساقلىنىش ئەھۋالى، ئاساسلىق قۇرۇلۇش گەۋدىسى خېلى ياخشى ساقلانغان. ئالدى تەرەپتىكى قوشۇمچە قۇرۇلۇشلارنىڭ كۆپ قىسمى ئۆرۈلۈپ كەتكەن. بۇ مازارگاھلىق غەربتىن شەرققە يۈزلەندۈرۈلۈپ جايلاشتۇرۇلغان. شەرقتىن غەربكە 38.5 مېتىر كېلىدۇ. جەنۇبتىن شىمالغا 22 مېتىر كېلىدۇ. يۇمىلاق تورۇسلۇق ئۆي ئىچىدە، ئوڭ ۋە سول تەرەپتە ئىككى ئېغىز سەل كىچىك يۇمىلاق تورۇسلۇق قىلىپ ياسالغان ئۆي بار. ئالدىنقى يېرىمى ئۆي، ئالدى تەرەپتىكى ئۆيلەردىن ئۆتۈپ ئاندىن قەبرە قويۇلغان ئۆيگە كىرىدۇ. قورۇلۇشلىرى سەل يىرىك. ئاساسلىق قەبرە ئۆيى ۋە جەنۇبىي تەرەپلىرىدە ھەممىسىلا ھازىرقى زاماندىكى يەرلىك كىشىلەرنىڭ ئېتىقاد پائالىيىتى داۋامىدا قالدۇرۇپ كەتكەن داكا قاتارلىق بۇيۇملار بار. ھەر خىل يېمەكلىك ۋە يوغان مۈڭگۈزلۈك قوي بېشى قاتارلىق بۇيۇملارمۇ بار.
مازارگاھلىقنىڭ ساقلىنىۋاتقان ئاساسلىق مەدەنىيەت قالدۇقلىرى چىڭ سۇلالىسى دەۋرىدىكى جانان چىنە چاقچۇقلىرى بار.
مازارگاھلىقتىكى چىڭ سۇلالىسى دەۋرىدىكى جانان چىنىدىن بىر دانىسى ئەۋرىشكە ئۈچۈن يىغىۋېلىنغان.
مازارگاھلىقنى ئەمەلىي تەكشۈرۈش داۋامىدا، مازارگاھلىقنىڭ قۇرۇلۇش ئۇسلۇبىدىكى ئالاھىدىلىكىگە ئاساسەن، ⅩⅣ - ⅪⅩ ئەسىرلەرگىچە داۋاملىق قۇرۇلغان، كېڭەيتىلگەن ۋە ئىشلىتىلگەن دەپ قارالماقتا.
                                                       ================================
                          مەنبە: «تۇرپان ئاسارەئەتىقىلىرى»، ئابلىم قېيۇم، شىنجاڭ خەلق نەشرىياتى