◆◆بەشتاش بالىلار مائارىپ تورى◆◆Http://Www.BaxTax.Cn◆◆五石儿童教育网◆◆

                              تۇرپاندىكى سىڭگىم ئېغىزى مىڭئۆيى
          سىڭگىم ئېغىزى مىڭئۆيى تۇرپان شەھىرىنىڭ سىڭگىم يېزىسى تەۋەسىدە بولۇپ، جەنۇبىي تەرىپىدىكى 2 - نومۇرلۇق ئىبادەتخانىغا 200 مېتىر كېلىدۇ. بۇ يەر شەرقىي مېردىئان 89 گرادۇس 33 مىنۇت 50 سېكۇنت، شىمالىي پاراللېل 42 گرادۇس 55 مىنۇتتا بولۇپ، دېڭىز يۈزىدىن 60 مېتىر تۆۋەن.
2 - نومۇرلۇق مىڭئۆي تاغ ئۈستىگە قۇرۇلغان بىر ئىبادەتخانا بولۇپ، مۇرتۇق دەرياسىغا قاراپ تۇرىدۇ.
سىڭگىم ئېغىزى بۇددىزم مىڭئۆيىنىڭ ئىگىلىگەن ئومۇمىي يەر كۆلىمى تەخمىنەن 200 كۋادرات مېتىر كېلىدۇ.
ئارخېئولوگىيە، مەدەنىيەت يادىكارلىقلىرى سىستېمىسى بويىچە تۈرگە ئايرىغاندا، تاشمېكىر ئىبادەتخانىسى (مىڭئۆي ئىبادەتخانىسى) دەپ بېكىتىلدى.
بۇ مىڭئۆي بۇزۇۋېتىلگەن. پەقەت قىسمەن تاملىرىلا قېپقالغان. ئىبادەتخانىنىڭ ئوڭ تەرىپىدە كىگىز ئۆيلەرگە ئوخشاپ كېتىدىغان بىر غار بار. تام سۈرەتلىرىنىڭ كۆپ قىسمى بۇزۇلۇپ كەتكەن. بىراق، بىر پەرىشتىنىڭ ساز چېلىۋاتقان ئوبرازىنى ھەل - پەل پەرق ئەتكىلى بولىدۇ. بىر قولىدا چوڭ قىلىچ تۇتۇپ، ناھايىتى غەزەپلەنگەن قىياپەتتە تۇرغان تۆت قوللۇق بىر ئەسكەرنىڭ سۈرىتى بار. غارلار كېسەك بىلەن ياسالغان. كېسەكلەرنىڭ ھەجمى 9×18×38 سانتىمېتىر كېلىدۇ.
سىڭگىم ئېغىزى مىڭئۆيىنىڭ ۋاقتى ئىدىقۇت ئۇلۇغ ئۇيغۇر ئېلى خانلىقى دەۋرىدىن يۈەن سۇلالىسى دەۋرىگىچە دەپ بېكىتىلدى.
                                                     ================================
                  مەنبە: «تۇرپان ئاسارەئەتىقىلىرى»، ئابلىم قېيۇم، شىنجاڭ خەلق نەشرىياتى