باشپىيازنى ئاچچىقسۇغا چىلاپ يېيىش :
    بىر باش پىيازنى ئاقلاپ، يۇيۇپ، نېپىز توغرايمىز ۋە ئاندىن دۇخوپكىدا 2-3 مىنۇت قىزىتىمىز، ئاندىن باشپىيازنى قاچىغا ئېلىپ، ئۈستىگە بەش قوشۇق ئاچچىقسۇ قۇيۇپ مۇزلاتقۇغا سالىمىز ، باشپىيازنى ھەر كۈنى ئەتىگەندە ناشتىدا مۇشۇنداق ئۇسۇل بويىچە ئىستېمال قىلساق، قان شېكىرى ئۈنۈملۈك تۆۋەنلەيدۇ. بەدەندىكى مەينەت نەرسىلەر چىقىرىپ تاشلىنىدۇ. تېرە ياخشىلىنىدۇ. ياشانغانلار دېغى ئازىيىپ، تېرىنىڭ قېرىشى ئاستىلايدۇ.
    باشپىيازنى ئۇسۇڭ بىلەن ئاچچىقسۇغا چىلاپ يېيىش.
    باشپىيازنى نېپىز توغراپ،ئۈستىگە بىر نەچچە ياپراق ئوسۇڭ يوپۇرمىقى سېلىپ، ئاندىن بۇلار چىلاشقۇچە ئالما سىركىسى قۇيىمىز . پىيازنى مۇشۇ ئۇسۇل بويىچە يېگەندە، ئۇزاق مۇددەتلىك قەۋزىيەتكە شىپا بولىدۇ.قان بېسىمى تۇراقلىشىدۇ، ئۇيقۇ ياخشىلىنىدۇ
    باشپىياز شۆپۈكىنى قاينىتىپ ئىچىش
    باشپىياز شۆپۈكىنى قاينىتىپ سۇ ئورنىدا ئىچىپ بەرسە ياكى باشپىيازنى دائىم قورۇپ يەپ بەرسە، كۆزنىڭ ئەينەك تەنچىسىنىڭ دۇغلىشىشىنى يەڭگىللەتكىلى ،كۆرۈش قۇۋۋىتىنى ياخشىلىغىلى بولىدۇ.
    باشپىيازنى چاناپ ئىستېمال قىلىش .
    بىر باش باشپىيازنى چاناپ چوڭراق چىنە ياكى ئىستاكانغا ئېلىپ، ئۈستىگە قايناقسۇنى قۇيۇپ ئاغزىنى يېپىپ قويۇپ قۇيىمىز، ئەتىسى ئەتىگەندە ئاچ قورساققا چىنىدىكى باشپىياز سۈيىنى باشپىياز بىلەن قوشۇپ ئىچىۋېتىمىز .بۇنداق ئىستېمال قىلغاندا، قان تومۇرلار تازىلىنىدۇ. يۇمشايدۇ. قاندىكى خولېستېرىن تۆۋەنلەيدۇ، قان بېسىمىنى مۇقىملىشىدۇ، بولۇپمۇ جىگەرنى ماي قاپلاش كېسەللىكىگە ئوبدان شىپا بولىدۇ.