1) چىش قۇرت يېيىش سەۋەبلىك ئاغرىغان بولسا ، پىيازنىڭ ئۇرۇقىدىن بىر چىمدىمنى كۆك نىل بوياق رەختكە ئوراپ ئوتتا كۆيدۈرۈپ ، تۈتۈنىدە چىشنى ئىسلىسا بولىدۇ .
2) زەمچىدىن ئۆرۈك گۈلىسىدەك ئېلىپ ، يېرىم پىيالە قايناق سۇدا ئېرىتىپ چىشنى چايقاشنى داۋام قىلسا ، چىش ئاغرىقىنى توختىتىدۇ .
3) ئېقىلقارىدىن كىچىك چىلاننىڭ يېرىمىچىلىك ئېلىپ ئاغرىق چىشقا چىشلەپ سۇ ئېقىتىشنى داۋام قىلسا ، چىش ئاغرىقىنى توختىتىدۇ .
4) ئۈزۈمنىڭ سىركىسىنى قاينىتىپ ئېغىزنى چايقاشنى داۋام قىلسا ، چىش ئاغرىقىنى توختىتىدۇ .
5) قارىمۇچتىن بىر مىسقالنى تالقانلاپ ، سىركە بىلەن قاينىتىپ ، ئېغىزنى چايقاشنى داۋام قىلسا ، چىش ئاغرىقىنى توختىتىدۇ .
6) زەمچە ، دانىكار ، توغرىغا ، تۇزلاردىن مۇۋاپىق مىقداردا ئېلىپ تالقانلاپ ئاغرىق چىشقا باسسا ياكى سۇيۇلدۇرۇپ ئېغىزنى چايقاشنى داۋام قىلسا ، چىش ئاغرىقىنى توختىتىدۇ .
7) قىزىل باش سامساقنى ئوتتا قىزىتىپ چىشلەشنى داۋام قىلسا ، چىش ئاغرىقىنى توختىتىدۇ .
8) جىگەرنى كاۋاپ قىلىپ قىزىق ھالدا چىشلەشنى داۋام قىلسا  ، چىش ئاغرىقىنى توختىتىدۇ .
9) كاۋاۋىچىننى ئاچچىقسۇدا قاينىتىپ چىشنى چايقاشنى داۋام قىلسا ، چىش ئاغرىقىنى توختىتىدۇ .
10)يۇقىرىقى دورىلارنى تاپقۇچە چىش ئاغرىقى ئازابلىسا ، تۇزنى قايناق سۇدا ئېرىتىپ شاكىراب قىلىپ چىشنى چايقىسا ئارام بېرىدۇ .
11) ھېڭدىن چىلاندەك ئېلىپ قۇرت يېگەن چىشنىڭ تۆشۈكىگە سېلىپ چىشلەپ تۇرۇشنى داۋام قىلسا ، ئاغرىقنى پەسەيتىش ۋە قۇرت چۈشۈرۈشتە ئەمەلىي ئۈنۈمى كۆرۈلىدۇ .
يۇقىرىقى چارىلەردىن كېسەلنىڭ ئەھۋالىغا قاراپ تاللاپ بىرىنى ياكى بىر قانچىسىنى قوللانسا ئوخشاشلا ياخشى ئۈنۈم بېرىدۇ .