رېتسېپ : ھەر كۈنى سەھەردە ئاچ قورساققا 1 ~ 2 دانىدىن شوخلىنى 14 كۈن يەپ بېرىپ ، ئاندىن 7 كۈنى توختىتىپ ، يەنە 14 كۈن يەپ بەرسە ئۈنۈمى كۆرۈلىدۇ .
   رېتسېپ : يېشىل ماش بىلەن قارا كۈنجۈتنىڭ ھەر بىرىدىن 500 گرامنى دۇخوپكىدا پىشۇرۇپ ياكى قازاندا قورۇپ تالقان قىلىپ ، ھەر كۈنى 2 قېتىم ، ھەر قېتىمدا 50 گرامنى قايناقسۇ بىلەن يەپ بەرسە ئۈنۈمى كۆرۈلىدۇ .
    رېتسېپ : ھەر كۈنى سامساقتىن مۇۋاپىق مىقداردا يەپ بەرسە ، 3 ~ 5 كۈندە ئۈنۈمى كۆرۈلىدۇ . 30 كۈندىن ئارتۇق يەپ بەرسە ، قان بېسىمى نورماللىشىدۇ .
    رېتسېپ : يېڭى سەۋزىدىن مۇۋاپىق مىقداردا تەييارلاپ توغراپ ، 50 گرام گۈرۈچ بىلەن پىشۇرۇپ يەپ بېرىلىدۇ . ھەر كۈنى بىر قېتىمدىن يەپ ، ئۇدا بىر مەزگىل داۋاملاشتۇرسا ، مۇسپىيلىك ۋە مەنپىيلىك ئاجىزلىقتىن بولغان باش قېيىش ، قۇلاق غوڭۇلداش ، يۈرەك سېلىپ دېمى سىقىلىش ، يۈزى ۋە پۇتى ئىششىش ، بەل ۋە تىزى ماغدۇرسىزلىنىش ، كېچىسى كىچىك تەرىتى كۆپ بولۇش ، تىل رەڭگى سۇس قىزىل بولۇش ئالامىتى بولغان يۇقىرى قان بېسىم كېسەللىكىگە داۋا بولىدۇ .
    رېتسېپ : كۆممىقوناق ئۇنىدىن 50 گرامنى تەييارلاپ ، كۈندە بىر قېتىمدىن ئۇدا بىر مەزگىل ئىچىپ بەرسە ، باش ئاغرىش ، باش قېيىش ، باش ئېغىر بولۇش ، ئىچى تىتىلداش ، قۇسقۇسى كېلىش ، ئىشتىھاسى ئاز بولۇش قاتارلىق ئالامىتى بولغان يۇقىرى قان بېسىم كېسىلىگە داۋا بولىدۇ .رېتسېپ : قارا موردىن 10 گرامنى سوغۇق سۇغا بىر كېچە چىلاپ ، ئاندىن قاسقاندا بىر سائەت قاينىتىپ ، پىشۇرۇپ ، مۇۋاپىق مىقداردا ناۋات قوشۇپ ، ئۇخلاشتىن بۇرۇن ئىستېمال قىلىپ بېرىلىدۇ .
   رېتسېپ : ئالقاتتىن 15 گرامنى 50 گرام گۈرۈچ بىلەن بىرگە قاينىتىپ ، پىشۇرۇپ كۈندە 2 قېتىم ئىستېمال قىلىپ بېرىدۇ .
    يۇقىرىقى ئىككى رېتسېپ جىگەر ۋە بۆرەكنىڭ مەنپىيلىكى ئاجىزلاشتىن بولغان باش قېيىش ، كۆز تورلىشىش ، كۆز قۇرغاقلىشىپ قىچىشىش ، قۇلاق غوڭۇلداش ، ئۇيقۇسى قېچىش ،كۆپ چۈش كۆرۈش ، پۇت - قولى تارتىشىپ قېلىش ، بەل ۋە پۇتى سىرقىراپ ئاغرىش ، قول - پۇتى قىزىق تۇرۇش ، تىل رەڭگى قىزىل ، گېزى ئاز بولۇش ئالامىتى بولغان يۇقىرى قان بېسىم كېسىلىگە داۋا بولىدۇ .
   رېتسېپ : لامنارىيەدىن 10 گرام ، پونۇستىن 20 گرام ) داكىغا ئوراپ ( نى قاينىتىپ ، لامنارىيىنى يەپ ، سۈيىنى ئىچىپ بېرىلىدۇ . كۈندە بىر قېتىم .
   رېتسېپ : لامنارىيىدىن 30 گرام ، تەكىيە كاۋادىن 250 گرام ، تەسۋىقوناقتىن 15 گرام ، ئاق شېكەردىن مۇۋاپىق مىقداردا ئېلىپ ، بىرگە قاينىتىپ كۈندە بىر قېتىم ئىچىپ بېرىلىدۇ .
    يۇقىرىقى ئىككى رېتسېپ باش ئاغرىش ، باش ئېغىرلىشىش ، ئىچى تىتىلداش ، ئېغىزى قۇرۇپ ئاچچىق بولۇش ، ئۇيقۇسى قېچىش ، قەۋزىيەت بولۇش ، تىل گېزى ۋە رەڭگى سېرىق بولۇش ئالامىتى بولغان يۇقىرى قان بېسىم كېسىلىگە داۋا بولىدۇ .