بەزى كىشىلەرنىڭ بۇرنىدىن سەۋەبسىزلا قان ئاقىدۇ. بەزىدە قاننى ئاسان توختاتقىلى بولمايدۇ. قان كۆپ ئاقسا، باش قېيىپ كۆز قاراڭغۇلىشىش، چىرايى تاتىرىش ئالامەتلىرى كۆرۈلىدۇ. قاننى دەل ۋاقتىد  توختىتىۋېلىش ئىنتايىن مۇھىم بولۇپ، قاننى توختاتقاندىن كېيىن دەرھال دوختۇرغا كۆرۈنۈش كېرەك. قان توختىتىشنىڭ ئەپچىل ئۇسۇللىرى تۆۋەندىكىچە:

   بىرىنچى، ئىككى قولنىڭ ئوتتۇرا بارمىقىنى ئۆزئارا گىرەلەشتۈرۈپ تارتىپ بەرگەندە ئون سېكونت ئىچىدە قان توختايدۇ.

   ئىككىنچى، ئالوينىڭ يوپۇرمىقىنى ئاق داكىغا ئوراپ سۈيىنى سىقىپ ئىچسە، قان شۇ ھامان توختايدۇ ھەمدە ئاسانلىقچە قايتا قوزغالمايدۇ.

   ئۈچىنچى، 1 قېتىمدىن 3  قېتىمغىچە سوغۇق سۇ ئېلىپ، يۈزنى يۇيۇپ بولغاندىن كېيىن، ئاندىن ئىككى قولنىڭ ئوتتۇرا بارمىقى بىلەن بۇرۇننىڭ ئىككى يېقىنى يۇقىرىدىن تۆۋەنگە 20 قېتىم ئۇۋۇلاپ، كۈنىگە 1 قېتىمدىن 2 قېتىمغىچە بىر مەزگىل داۋاملاشتۇرۇپ بەرسە، كۆرۈنەرلىك ئۈنۈمگە ئېرىشكىلى بولىدۇ.

   تۆتىنچى، كۈندە كەچتە ئۇخلاشتىن بۇرۇن پاختا پەلكۈچنى كۈنجۈت مېيىغا تەككۈزۈپ، بۇرۇن تۆشۈكىنىڭ ئىچىگە، بولۇپمۇ بۇرۇننىڭ ئوتتۇرا پاسىلىغا ئاستا- ئاستا سۈركەپ بېرىش  كېرەك. چۈنكى بۇ جايدا قان تومۇرلىرى كۆپ، شىللىق پەردە ئىنتايىن نېپىز بولغاچقا ئاسان قان چىقىدۇ.

  بەشىنچى، بۇرۇننىڭ ئوڭ تۆشۈكىدىن قان چىققاندا دەرھال سول قولنى، سول تۆشۈكىدىن قان چىققاندا ئوڭ قولنى ئېگىز كۆتۈرسە قان شۇ ھامان توختايدۇ