ھەسەلنىڭ تەبىئىتى قۇرۇق ئىسسىق بولۇپ،بەلغەمنى بوشىتىش،توسالغۇلارنى ئېچىش، ئىستىقا،سېرىقلىق چۇشۇش،پالەچ،لەقۋا كېسەللىرىگە مەنپەت قىلىش،زەھەر قايتۇرۇش، ئاشقازان،يۈرەك،مېڭە،جىگەر،بۆرەك،با،پەي،ئۈچەيلەرنى كۈچەيتىش باش ئاغرىقىغا مەنپەت قىلىش،مىكروب ئۆلتۇرۇش قاتارلىق خۇسۇسىيەتلەرگە ئىگە.
60گرام ھەسەلگە ئۇچ گرام خېنە سۈيىنى قوشۇپ مۇۋاپىق مىقداردا بىر مەزگىل كۇندە ئىچىپ بەرسە،قورساققا سۇ چۇشۇش كېسىلىگە مەنپەت قىلىدۇ.
مۇۋاپىق مىقداردا ھەسەل بىلەن كۇندۇرنى قوشۇپ ئىستىمال قىلىپ بەرسە كۆكرەك ۋە ئۆپكىنى تازىلايدۇ،سېرىقلىق چۇشۇش كېسىلىگە مەنپەت قىلىدۇ.
مۇۋاپىق مىقداردىكى ھەسەلنى پاقا يۇپۇرمىقى سۈيىگە قوشۇپ ھەمەل قىلسا چوڭ ئۈچەي يارىسىغا مەنپەت قىلىدۇ.
ھەسەلنى قىزىلگۇل ئەرقى بىلەن ئىچىپ بەرسە ئاشقازاننى كۈچەيتىدۇ.چوڭ-كىچىك ئۈچەي ياللۇغلىرىغا مەنپەت قىلىدۇ.
ھەسەلگە مۇۋاپىق مىقداردا سىركە،قۇستى شېرىن قوشۇپ ئولتۇرغۇچ نېرۋا ئاغرىقىغا چاپسا كۆرۇنەرلىك ئۈنۈم بىرىدۇ.
چىشلار تاماكا چىكىش ياكى باشقا سەۋەبلەر بىلەن سارغىيىپ قالغان بولسا ھەسەل بىلەن سىركىدىن تەڭ مىقداردا ئېلىپ،كۆيدۇرۇلگەن بادامنىڭ پوستى بىلەن قوشۇپ چىشنى چوتكىلاپ يۇيۇپ بەرسە داغ يوقايدۇ.
ھەسەلنى سىركىدە ئىرىتىپ چىشنى يۇيۇپ بەرسە چىش مىلىكىنى چېڭىتىپ چىشنى پاقىرتىدۇ ياللۇغ قايتۇرىدۇ.
ئىسسىق سۇغا مۇۋاپىق مىقداردا ھەسەل سىركە،تۇز قوشۇپ غەر غەر قىلىپ بەرسە گال ۋە چىش ياللۇغى مىلىكى ياللۇغىغا مەنپەت قىلىدۇ.ھەسەلگە مۇۋاپىق مىقداردا ئەنزىرۇت،تۇز قوشۇپ قولاققا تېمىتسا يېرىڭ توختىتىدۇ.قولاق ئېغىرلىقىغا مەنپەت قىلىدۇ.
مۇۋاپىق مىقداردىكى ھەسەلگە تۇز،سىركە قوشۇپ زەخمىلەنگەن يەرلىك ئورۇننى تېڭىپ بەرسە داغ يوقىتىدۇ.
ھەسەلگە گۈل يېغى قوشۇپ سۇنۇقنى تاڭسا ياللۇغ قايتۇرۇپ سۇنۇقنىڭ ئەسلىگە كېلىشىنى تېزلىتىدۇ.
مۇۋاپىق مىقداردا ھەسەلگە قىزىلگۈل ئەرقىنى قوشۇپ چاچنى يۇپ بەرسە باشتىكى پىتلارنى ئۆلتۇرۇپ چاچنى پاقىرتىپ گۈزەللەشتۇرىدۇ.
مائۇھەسەل تەييارلاپ ئىستىمال قىلسا پالەچ،لەقۋا كېسەللىرىگە مەنپەت قىلىدۇ.
ھەسەلنى مۇۋاپىق مىقداردا داۋاملىق ئىستىمال قىلىپ بەرسە يۈرەك سانجىقىنىڭ ئالدىنى ئالىدۇ