1) كۆكتونلۇق موزىنى خېمىرنىڭ ئىچىگە سېلىپ ئوتقا كۆمۈپ ، خېمىر پىشقاندىن كېيىن موزىنى خېمىر ئىچىدىن تالقانلاپ ، ھەر كۈنى ئىككى قېتىم ئۈچ بارماقتا بىر چىمدىمدىن ئىچىشنى داۋام قىلسا ، كۆز قىچىشىپ ياش ئېقىش ۋە كۆزنىڭ كۆرۈشىنىڭ ناچارلىقىنى ياخشىلاشتا ئەمەلىي ئۈنۈم بېرىدۇ .
2) قارىياغاچنىڭ قوۋزىقىنى سوقۇپ تالقانلاپ ، ئۆچكە ياكى توشقاننىڭ ئۆت سۇيۇقلۇقىغا ئارىلاشتۇرۇپ ، كۆيدۈرۈپ كۈل قىلىپ تاسقاپ ، قايناقسۇدا سۇيۇلدۇرۇپ كۆزنىڭ سىرتىدىن سۈركەپ بېرىشنى داۋام قىلسا كۆزنىڭ قىچىشىپ ياش ئېقىشى ۋە كۆرۈش قۇۋۋىتىنىڭ ئاجىزلىقىنى ياخشىلاشتا ئۈنۈمى كۆرۈلىدۇ .
3) قارا ئوغلاق جىگىرىنىڭ ئىچىگە قارىمۇچ سېلىپ ئوتتا كاۋاپ قىلىپ . جىگەردىن ئاققان سۇنى كۆزگە سۈركەپ ، جىگەرنى يېيىشنى داۋام قىلسا ، كۆزنىڭ كۆرۈش قۇۋۋىتىنى كۈچەيتىدۇ .
4) كەكلىكنىڭ ئۆتىنى شېكەر بىلەن ئارىلاشتۇرۇپ كۆزنىڭ سىرتىدىن چېپىشنى داۋام قىلسا ، كۆرۈشى ئاجىزلاپ كۆرمەس ھالەتكە يەتكەن كۆزنىڭ كۆرۈش قۇۋۋىتى كۈچىيىدۇ .
5) كەكلىكنىڭ ئۆتىنى قۇرۇتۇپ مۇسەللەس ياكى موزىغا ئارىلاشتۇرۇپ ئىچىشنى داۋام قىلسا ، كۆزنىڭ كۆرۈش قۇۋۋىتىنى كۈچلەندۈرۈشتە ئەمەلىي ئۈنۈم بېرىدۇ .
6) مۇۋاپىق مىقداردا كۆك بېدىنى تازىلاپ پىشۇرۇپ ، بېدىنى يەپ سۈيىنى ئىچىش كۆزنىڭ قۇۋۋىتىنى ئاشۇرۇشتا ئۈنۈمى كۆرۈلگەن چارىدۇر .
7) قاغىنىڭ مېڭىسىنى ئېلىپ قۇرۇتۇپ تالقانلاپ ، ھەر كۈنى بىر قېتىم ئاق چۈشكەن كۆزگە نەيچە بىلەن پۈركۈشنى داۋام قىلسا ، ئاقنى چۈشۈرۈشتە ئۈنۈمى كۆرۈلىدۇ .
8) قۇرغۇينىڭ ئۆتىنى كۈندە بىر قېتىم ئاغرىق كۆزگە تېڭىپ بېرىشنى داۋام قىلسا ، كۆز ئاغرىقىنى ياخشىلاشتا ئەمەلىي ئۈنۈم بېرىدۇ .
9) تۇتىيانى قىرىپ ، تالقىنىنى كۆزگە ھەر كۈنى بىر قېتىم نەيچە بىلەن پۈركۈپ بەرسە ، كۆزدىكى ئاقنى چۈشۈرىدۇ ، ھەر خىل كۆز ئاغرىقىغا ئەمەلىي ئۈنۈم بېرىدۇ .
10) ئاق چۈشكەن كۆزگە قۇشقاچنىڭ مايىقىنى تالقانلاپ نەيچە بىلەن كۈندە بىر قېتىم پۈركۈشنى داۋام قىلسا ، ئاقنى چۈشۈرۈشتە ئەمەلىي ئۈنۈمى كۆرۈلىدۇ .