شىنخۇا تورى سېئول 28 – ئاپرېل تېلېگراممىسى : كورىيە بىرلەشمە ئاگېنتلىقىنىڭ 28 – ئاپرېل خەۋەر قىلىشىچە ، كورىيىدە چوشقا زۇكىمى بىلەن يۇقۇملانغان بىر ئادەم بايقالغان .

       كورىيە ھۆكۈمەت ئەمەلدارىنىڭ ئېيتىشىچە ، چوشقا زۇكىمى بىلەن يۇقۇملانغان بۇ ئادەم يېقىندا مېكسىكىغا ساياھەتكە بارغان ئىكەن .

      دۇنيا سەھىيە تەشكىلاتى 25 – ئاپرېل شىمالىي ئامېرىكا قىتئەسى رايونلىرىدا چوشقا زۇكىمى بىلەن يۇقۇملىنىش ئەھۋالى بايقىغاندىن كېيىن ، كورىيە ھۆكۈمىتى 27 – ئاپرېلدىن باشلاپ ئامېرىكا ۋە مېكسىكىدىن كىرگۈزۈلىدىغان چوشقا گۆشى مەھسۇلاتلىرىغا بولغان كارانتىن قىلىش تەدبىرلىرىنى ھەمدە بۇ رايونلاردىن كورىيىگە كەلگەن كىشىلەرنى تەكشۈرۈشنى كۈچەيتكەن .

    كورىيە ھۆكۈمىتىنىڭ 27 – ئاپرېل بىلدۈرۈشىچە ، كورىيە ھۆكۈمىتى چوشقا زۇكىمىنى يۇقۇملۇق كېسەل دەپ بېكىتىپ ، كېسەل ھايۋانلارنى ئۆلتۈرۋېتىش ، كۆمۈۋېتىش ئارقىلىق بىر تەرەپ قىلىپ يۇقۇملىنىشىتىن ساقلانغان  ھەمدە يۇقۇملىنىش رايونىدىن ھايۋانلارنى يۆتكەشنى چەكلىگەن .