ياپونىيىنىڭ SEGA ئويۇن مەھسۇلاتلىرى شىركىتىنىڭ ئۇچۇر ئامبىرىغا ھوجۇم قىلغان تور قاراقچىلىرى 1.3 مىليون خىرىدارنىڭ ئۇچۇرلىرىنى ئوغۇرلاپ كەتكەن.
SEGA مەسئۇل خادىملىرىنىڭ ئاشكارىلىشىچە، خىرىدارلارنىڭ ئىسىملىرى، ئېلخەت ئادرىسلىرى ۋە شىفرەلىرىنى قولغا چۈشۈرىۋالغان تور قاراقچىلىرى كرېدىت كارتى نومۇرلىرىنى ئوغۇرلىيالمىغان، بۇ ئۇچۇرلار تېخىمۇ كۈچلۈك بىخەتەرلىك تەدبىرلىرى بىلەن قوغدىلىپ قالغان.
SEGA مەسئۇل خادىملىرى يەنە خىرىدارلىرىدىن كەچۈرۈم سوراپ، بۇنىڭدىن كېيىن بىخەتەرلىك تەدبىرلىرىنى تېخىمۇ كۈچەيتىشكە ۋەدە بەرگەن.
5- ئايدا تور قاراقچىلىرى تەرىپىدىن ئېلىپ بېرىلغان ھوجۇملاردا Citigroup نىڭ ۋە خەلقئارا پۇل فوندى (IMF) نىڭ ئۇچۇر ئامبارلىرىدىنمۇ نۇرغۇن ئۇچۇرلار ئوغۇرلانغان ئىدى.
