دەسلەپكى چاغلاردا بىز باشقا جايلاردا ئاشكارىلانغان ئەڭ يېڭى iPhone سۈرەتلىرىنى كۆرگەن ئىدۇق، ئەمما كۆپىنچىسى ئانچە ئىشەنچىلىك ئەمەس. چەتئەل تاراتقۇلىرىنىڭ خەۋەر قىلىشىچە، ياپونىيەدىكى بىر iPhone رېمونت قىلىش دۇكىنى ئۆزلىرى ئېرىشكەن iPhone زاپچاسلىرىنى قوراشتۇرۇپ چىققان ھەمدە iLab تور بېكىتى ئارقىلىق جامائەتچىلىككە بۇ يېڭى مەھسۇلات سۈرىتىنى ئاشكارىلىغان. سۈرەتتىن قارىغاندا، بۇ يېڭى نۇسخىدىكى iPhone نىڭ ئارقا تەرىپىدىكى ئەينەك ئورنىغا ئاليۇمىنلىق قېتىشما ئىشلىتىلگەن، ئارقا تەرىپىدىكى كامېرا iPhone 4 نىڭكىدىن چوڭدەك كۆرۈنىدۇ. سىرتقى كۆرۈنۈش جەھەتتە، يېڭى بىر ئەۋلاد iPhone ئاساسىي جەھەتتىن iPhone 4S بىلەن بىردەك. ئۇنداقتا، بۇ سۈرەتتىكى يېڭى بىر ئەۋلاد iPhone سىزنىڭ كۈتىكىنىڭىزدەكمىكەن؟