k5cئاقيول تور بىكىتى

 k5cئاقيول تور بىكىتى
 k5cئاقيول تور بىكىتى

ئەنگىلىيە ئالىملىرىنىڭ يېقىندا ئېلان قىلغان تەتقىقات دوكلاتىدا كۆرسىتىلىشىچە، قىسقا ئۇچۇرنى «تەشەببۇس قىلىش» تاماكا تاشلاش نىسبىتىنى بىر ھەسسە ئۆرلىتىدىكەن.

ئالتە ئايلىق تەجرىبىدىن كېيىن، توختىماستىن رىغبەتلەندۈرۈش ئۇچۇرى قوبۇل قىلغان 2900 تاماكا چەككۈچىدىن %10 تىن كۆپرەكى تاماكىنى ئوڭۇشلۇق تاشلىيالىغان. ئەمما قىسقا ئۇچۇر قوبۇل قىلمىغانلارنىڭ %4.9 ىلا تاماكا چىكىش ئادىتىنى تاشلىيالىغان.

دوكلاتتا «پەقەت غەيرەت قىلسىڭىزلا قىلالايسىز» دېگەندەك مەدەت بېرىدىغان قىسقا ئۇچۇرلار كىشىلەرنى تاماكا تاشلاشقا ياردەم بېرىش مۇلازىمەت تۈرىگە كىرگۈزۈش تەلەپ قىلىنغان.

جەمئىي 5800 تاماكا چەككۈچى ئالتە ئايلىق بۇ تەجرىبىگە قاتناشقان. بۇنىڭ ئىچىدە 2915 ئادەم مەدەت بېرىدىغان قىسقا ئۇچۇر قوبۇل قىلغان. قالغانلىرى بولسا پەقەت «قاتناشقىنىڭىزغا رەھمەت» دېگەن قىسقا ئۇچۇرنى قوبۇل قىلغان. دەسلەپكى بەش ھەپتىدە ئۇلار ھەر كۈنى قىسقا ئۇچۇردىن بەشنى قوبۇل قىلغان. ئۇنىڭ كەينىدىن ھەر ھەپتىدە قىسقا ئۇچۇردىن ئۈچنى قوبۇل قىلغان.

قاتناشقۇچىلارنىڭ تاماكا خۇمارى قوزغالسا، بۇ قىسقا ئۇچۇرلارغا جاۋاب قايتۇرسا، بىر قىسىم ئالاھىدە تەكلىپ-پىكىرلەرگە ئېرىشەلەيدۇ.

تەتقىقاتچىلارنىڭ كۆرسىتىشىچە، قىسقا ئۇچۇر ئەۋەتىش تاماكا چەككۈچىلەرنىڭ تاماكا تاشلىشىغا ئىنتايىن مۇۋاپىق كېلىدىغان ئۇسۇل. مۇشۇنىڭغا ئوخشاش بەزى ئۇسۇللار كىشىلەرنىڭ باشقا ئىللەتلىرىنى تۈزىتىشىگىمۇ ياردەم بېرىدىكەن.k5cئاقيول تور بىكىتى