ماتېرىيالى: پاكىز تازىلانغان بۆدۈنە گۆشى، تۇز، ئاقمۇچ، غولپىياز، زەنجىۋىل، نوقۇت، ئالقات قاتارلىقلار ئېھتىياجىغا قاراپ مۇۋاپىق مىقداردا.

ئېتىش ئۇسۇلى: پاكىز تازىلانغان بۆدۈنە گۆشىنى قايناۋاتقان قازانغا سېلىپ بىر قاينىتىۋېتىپ سۈزۈۋېلىپ، قايناق سۇ قۇيۇلغان ساپال قاچىغا سالىمىز، ئۈستىگە نوقۇت، توغرالغان زەنجىۋىل ۋە غولپىيازدىن سېلىپ سۇس ئوتقا يۆتكەپ، گۆش يۇمشاق پىشقۇچە دۈملەيمىز.

بۆدۈنە گۆشى يۇمشاق پىشقاندا تۇز، ئاقمۇچ، چىلاپ قويۇلغان ئالقاتنى سېلىپ، بىر نەچچە مىنۇتتىن كېيىن قاچىلارغا ئۇسىمىز.

ئالاھىدىلىكى: شورپىسى سۈزۈك، گۆشى يۇمشاق ئېزىلىپ پىشقان، سوغۇق مىجەز كىشىلەر ئۈچۈن مەنپەئەت قىلىدۇ. كۆپ تەرلەيدىغان، ئاجىز، ماغدۇرسىز كىشىلەر ئۈچۈن قۇۋۋەت بولىدۇ، ئورگانىزملارنى قۇۋۋەتلەپ روھنى ئۇرغىتىدۇ.