لەمپۇڭ بىزدىكى قۇرۇق ئىسسىقنىڭ ئالدىنى ئالىدىغان ياخشى يېمەكلىك ھىساپلىنىدۇ، ئادەتتە پۇرچاق ئۇنىدا تەييارلانغان لەمپۇڭ ئۇيۇتمىسى ئاسان ھەزىم بولمايدۇ، ئاشقازانغا پايدىسىز دەپ قاراپ بەزى كىشىلەر ئۆيدە بۇغداي ئۇنىدا لەمپۇڭ ئېتىدۇ. تۆۋەندە لەمپۇڭ ئېتىش ئۇسۇلىنى تونۇشتۇرىمىز.

لەمپۇڭنى تەييارلاش ئۇسۇلى : ئۇندىن 500گىرام ئېلىپ يۇغۇرۇپ، خېمىرنى ئىسسىق سۇدا يۇيۇپ سۈيىنى چىقىرىۋالىمىز، خېمىر سۈيى تىنغاندىن كېيىن، ئۈستىدىكى سېرىق سۈيىنى تۆكۇۋېتىمىز، قازانغا 1.5 كىلوگرام  ئەتراپىدا سۇ قۇيىمىز، سۇ قاينىغاندىن كېيىن، خېمىر سۈيىنى تەكشى ئارىلاشتۇرۇپ تۇرۇپ ئالدىرىماي قازانغان قۇيىمىز، ئاندىن ئوتتۇراھال ئوتتا ئارىلاشتۇرۇپ تۇرۇپ پىشۇرىمىز، 15-20 مىنۇت قاينىغاندىن كېيىن سىرى يوق چوڭ قاچىغا قۇيۇپ، سالقىن جايغا قويۇپ سوۋۇتىمىز.

لەمپۇڭنىڭ قىيامىنى تەييارلاش ئۇسۇلى: 100 گىرام كالا گۆشىنى ئۇششاق توغراپ يېرىم چۆمۈچ مايدا پىششىق قورۇپ ئوتنى ئۆچۈرۈۋېتىپ، چانالغان سامساق، قىزىل مۇچنى سېلىپ تەكشى ئارىلاشتۇرۇپ، ئوتنى قايتا ياقىمىز، ئاندىن ئاچچىقسۇ، جاڭيۇ، كاۋىۋىچىن ، قارمۇچلارنى سېلىپ بىر قاينىتىپ تەمىنى تەڭشەپ ئالىمىز، شۇنىڭ بىلەن تەملىك ئىشەنچىلىك ئۆي لەمپۇڭى تەييار بولىدۇ، ئاندىن سوۋىغان لەڭپۇڭنى توغراپ تەييارلانغان شورپىنى قۇيۇپ ئىستىمال قىلىمىز.