ئۈرۈمچى شەھىرى 2013–يىلى 25-دېكابىردىن باشلاپ موتورلۇق قاتناش ۋاسىتىلىرىنى توختىتىشتىكى يېڭى ھەق ئۆلچىمىنى ئىجرا قىلىشقا باشلىدى . يېڭى ئۆلچەمدە ئادەم ۋە ئاپتوموبىل زىچلىقىغا ئاساسەن پەرقلەندۈرۈپ ھەق ئېلىنىپ، ئاپتوموبىل توختىتىش ۋاقتى 15 مىنۇتقا توشمىسا ھەق ئالماسلىق يولغا قويۇلدى .

   بۇ ئۆلچەم يەر ئاستى ، يەر يۈزى ، ئىستېرېئولۇق ئاپتوموبىل توختىتىش مەيدانلىرى ، دوختۇرخانا (كېسەل كۆرسەتكەن ۋە دوختۇرخانىدا ياتقان ئاغرىقلارنىڭ ئاپتوموبىللىرىدىن شۇ كۈنلۈك ھەق ئېلىش تالونىغا ئاساسەن ياكى دوختۇرخانىدا يېتىش رەنە تالونىغا ئاساسەن ئاپتوموبىل توختىتىش ھەققى ئېلىنمايدۇ ) ، سودا ئورۇنلىرى (سودا ساراي ، ھەر خىل بازار ، مېھمانساراي، مېھمانخانا ، كۆڭۈل ئېچىش ئورۇنلىرى ، ئىش بېجىرىش ئورۇنلىرى قاتارلىقلار) نىڭ قىزىل سىزىقى ئىچىدە ھەق ئېلىنىدۇ .

   مەھەللىلەرنىڭ ئاپتوموبىل توختىتىش ھەققى ئۆلچىمى مۈلۈكدارلار ھەيئىتى يىغىنىدا بېكىتىلىدۇ .

   جاڭ بىن ئىسىملىك بىرەيلەن مۇنداق دېدى : ئاپتوموبىل توختىتىش ھەققى توغرىسىدىكى يېڭى ئۆلچەمدە ئاپتوموبىل توختىتىش ۋاقتى 15 مىنۇتقا يەتمىسە ، ھەق ئېلىنمايدىغانلىقى بىر قەدەر مۇۋاپىق بوپتۇ ، بۇ ۋاقىت ئادەم ساقلاشقا ، ھۆججەت–ماتېرىياللارنى ئېلىۋېلىشقا يېتىدۇ ، بۇنداق بولغاندا نەچچە مىنۇتلۇق ئىش ئۈچۈن ، يېرىم سائەت ئاپتوموبىل توختىتىش ئورنى ئىزدەيدىغان ئىش ئازلايدۇ .

   ئۈرۈمچى شەھەرلىك ئاپتوموبىل توختىتىش مەيدانلىرىنى باشقۇرۇش مەركىزى 2-بۆلۈمىنىڭ باشلىقى دۇ بىن مۇنداق دېدى: يېڭى ئۆلچەم يولغا قويۇلغاندىن كېيىن ، شەھىرىمىز ھازىرقى مۇلازىمەت ۋە ھەق ئېلىش ئۇسۇلىنى پەيدىنپەي ئۆزگەرتىپ، ئەنئەنىۋى يوسۇندىكى ئادەم كۈچىگە تايىنىپ ھەق ئېلىشنى ئەقلىي ئىقتىدارلىق ھەق ئېلىش ئۇسۇلى (كارتا سىيرىش) غا ئۆزگەرتىدۇ . بۇ ئارقىلىق ۋاقىت ھېسابلاش بىلەن ھەق ئېلىش توغرىسىدىكى پەرقنى كىچىكلىتىپ ، ئېلېكتىرونلۇق ھەق ئېلىش سىستېمىسى قۇرۇلۇشىنى ئىلگىرى سۈرىدۇ . شۇنىڭ بىلەن بىر ۋاقىتتا ، ئاپتوموبىل توختىتىش مەيدانىدىكى ھەق ئالغۇچىلارنى تەربىيەلەپ ، ئۇلارنىڭ ساپاسىنى ئۆستۈرۈپ ، مەدەنىي ، تەرتىپلىك ئاپتوموبىل توختىتىش مۇلازىمەت مۇھىتىنى بەرپا قىلىدۇ .7hqئاقيول تور بىكىتى