تىنىقىمدا ھىدلىرىڭ قالدى،
يىراقلارغا كەتسەڭمۇ گەر يار.
جۈپ قەدەمگە كەلسىمۇ باغاق،
تەنھالىقنى قىلدىم ئىختىيار.
*
ئۇزاپ كەتكەن جىسمىڭنى سۆيۈپ ،
تۇمانلاشتى كۆزلىرىم خىرە.
"خەيىر بولغىن بەخىتلىك"دىدىم،
زىنىقىمدا قاتتى جۈپ قەترە.
*
كېچە چىقىپ يۇلتۇزلار ئارا،
چېچىۋەتتىم سۆيگۈم ئۈنچىسىنى.
چاقناپ كەتتى يۇلتۇز بۆلەكچە،
تاماشە قىل جىمىرلىشىنى.
*
غەمكىن كۈلگەن ئاي يۈزىدە داغ،
دىدى سەنلا ئەمەس بەخىتسىز.
شېرىن سۆيگۈ ماڭىمۇ بىر چاغ،
قارا مانا قالدۇرغان داغ-ئىز.
*
ھاياتلىقنىڭ يولىدا ھىچكىم،
توسالغۇسىز داغدام ماڭمىغان.
مۇھەببەتلىك تىترەك ئالدىدا،
قايسى بەندە باركىن ئازمىغان.
*
مۇڭدىشىشتا ئاينى ئۇزىتىپ،
كۈتۈۋالدىم ئوتلۇق قوياشنى.
شەپەق جۇلا يايغان ئۇپۇقتا،
بىلىۋالدىم قانداق ياشاشنى.
*
خەيىر بەخىت تىلەيمەن ساڭا،
يىغلىمايمەن شورلۇق قىسمەتتىن.
بەلكىم كۈلۈپ قارايمەن بىر كۈن،
دۇنيا تامان،سۆيگۈ كۆزنەكتىن. 
بەرگىيە
2010-يىلى1-ئاينىڭ14-كۈنى
كونا ئورۇندۇق(ھېكايە)
بالىلار شئېرى تېپىشماقلىرى (ئابدۇۋايىت ئابلىز )
ئەرلەر دەستۇرى
قىزلار ئالما ئەمەس، بىر چىشلەپ تاشلايدىغان
ئەرلەر نىمىشقا باشقا ئاياللارغا قاراشقا ئامراق
تۇرمۇش ۋە ئايال
مۇھەببەت قارشى تەرەپكە ئازابلىنىش ھوقۇقىنى ئاتا قىلىشمۇ
ئەركەكلىكىنىڭ ئۆلچىمى
تۇغۇلغان كۈن - ئانىڭىزنىڭ سىزنى تۇغقان كۈنىدۇر
ياخشى ئايال ـــ تالانتلىق ئۇستاز
