مەنچە بولسا ھايات دېگەن ئەنە شۇ


مۇھەممەدجان راشىدىن

چۈشەندۈر دەپ تۇرىۋالدىڭ ھاياتنى ،
نىمە دەيمەن يەنە دىسەم يەنە شۇ .
كەلمىدۇقمۇ ئەتە ئۈچۈن ئاھ چېپىپ ،
مەنچە بولسا ھايات دېگەن ئەنە شۇ
*
بېسىلمايدۇ ھاياتلىقنىڭ ۋاڭ -چۇڭى ،
تاپالمايسەن نەدە ئۇنىڭ تەڭپۇڭى .
بىرى خوشال بىرىنىڭ بار ھال -مۇڭى ،
مەنچە بولسا ھايات دېگەن ئەنە شۇ
*
گاھ ئېتىزدا ئارپا بۇغداي تېرىيسەن ،
گاھ خاماندا غۇلاچىڭنى كېرىيسەن .
تىرىكچىلىك ھارۋىسىدا قېرىيسەن،
مەنچە بولسا ھايات دېگەن ئەنە شۇ
*
ئاھ ئۇرارسەن ئارزۇيۇڭغا يىتەلمەي ،
يا ئارزۇنىڭ ئىشىكىدىن كىتەلمەي ،
گاڭگىرايسەن بىرنى ئىككى ئېتەلمەي ،
مەنچە بولسا ھايات دېگەن ئەنە شۇ
*
دۇرۇس تەبىر :ئۆمۈر- ئاتقان ئوق دېگەن،
بۇ ئالەمگە قانغان كىشى يوق دېگەن.
بىرلىرى ئاچ،بىراۋلىرى توق دېگەن،
مەنچە بولسا ھايات دېگەن مانا شۇ!
*
شائىر يازار :ئولۇغ ئىنسان ئانا! دەپ،
ئانا ئۆتەر بۇدۇنيادىن بالا! دەپ.
بالا كۆزى تەلمۈرىدۇ دالا دەپ،
مەنچە بولسا ھايات دېگەن مانا شۇ!

[MP=500,70http://mp3.alkuyi.com/nahxa_umidwar()/tallanma/hayatdiganmanaxu.wma[/MP]