مەركىزىي تېلۋىزىيە ئىستانسىنىڭ خەلقئارا خىزمەتچىسى دوختۇرخانىدا رەتكە قىسىلىپ كىرىۋىلىپ ئىككى كىشىنى يارىلاندۇرۇپ جازالاندى

دوختۇرخانىدا رەتكە تىزىلىپ پۇل تۆلەۋاتقان ۋاقىتتا رەتكە قىسىلىۋالغان دەپ ئەيىبلەنگەن،ئەسلىدىكى مەركىزىي تېلۋىزىيە ئىستانىسى خەلقئارا تور چەكلىك شېركىتىنىڭ خىزمەتچىسى لى** ئۆزىنى ئەيبلىگەن ئىككى ئايال بىمار بىلەن گەپ تالاشقان ھەم ئۇلارنى ئۇرۇپ يارىلاندۇرغان.تۆنۈگۈن مۇخبىرنىڭ ئىگىلىشىچە،لى** شەھەرلىك1-سوت مەھكىمىسى تەرىپىدىن قەستەن ئادەم يارىلاندۇرغان دەپ مۇددەتلىك ئىككى يىللىق قاماق جازاسىغا ھۆكۈم قىلىنغان.ئىككى يىل كېچىكتۈرۈپ ئىجرا قىلىنىدىكەن.

2009-يىل2-ئاينىڭ10-كۈنى،بىمار ۋۇ خانىم301-دوختۇرخانىدا رەتتە تۇرۇپ ھېسابات قىلىۋاتقاندا،كىچىك ئىش تۈپەيلىدىن جاۋابكار لى**نىڭ ئاپىسى بىلەن گەپ تالىشىپ قالغان،كېيىن بىر-بىرى بىلەن ئىتتىرەشكەن.لى** ئەھۋالنى كۆرۈپ ھۇ ئاچا-سىڭىلنى تېپىپ ئۇرۇپ كەتكەن،كېيىن قوغدىغۇچى توسىۋالغان.تەكشۈرۈش ئارقىلىق،ئىككى ئاچا-سىڭىلنىڭ بىرىنىڭ ئوڭ يۈزى زەخمىلەنگەن،يەنە بىرىنىڭ سۆڭىكى سۇنغان.

لى**نىڭ دېيىشىچە،ئەنزە يۈز بەرگەن كۈنى ئەتىگەن سائەت 10 لەر ئەتراپىدا،لى** ئاپىسى بىلەن 301 –دوختۇرخانىغا دادىسىنىڭ دوختۇرخانىدىن چىقىش رەسمىيىتىنى ئۆتىگىلى بارغان.ئىككىسى بىرلىكتە 1-قەۋەتتىكى ھەق تاپشۇرۇش ئورنىدا سوراۋاتقاندا،يېنىدىكى ئىككى ئايال ئاپىسىنىڭ نېمە ئۈچۈن رەتكە سوقۇنۇپ كىرىۋالىدۇ دەپ سوراپ كەتكەن.ئىككى تەرەپ گەپ تالىشىپ كەتكەن،ھەم بىر-بىرىنى ئىتتىرەشكەن.لى**بىر ئايالنى ھەم ئۇنىڭ كەينىدىن كەلگەن ئايالنى ئۇرۇپ يەرگە يېقىتىۋەتكەن.ئارقىدىن قوغدىغۇچى تەرىپىدىن ئايرىۋېلىنغان.

زىيانكەشلىككە ئۇچرىغۇچى ۋۇ خانىمنىڭ دېيىشىچە،ئەنزە يۈز بەرگەن ۋاقىتتا ئۇ ئاچىسى بىلەن ھەق تۆلەشكە نۆۋەت ساقلاپ تۇرغان،بۇ ۋاقىتتا ئارقىدىن كەلگەن 50 نەچچە ياشلىق بىر ئايال ھەق ئېلىش كۆزنىكىگە قىسىلىپ بېرىپ ئاتچوت قىلىشنىڭ ئىشىنى سورىغان،خىزمەتچى تەكشۈرەلمىگەنلىكىنى ئېيتقان لېكىن ئۇ ئايال ھەق ئېلىش كۆزنىكىنىڭ ئالدىدا تۇرۋېلىپ كەتمىگەن،ۋۇ خانىم ئۇ ئايالنى بىر ئىككى ئېغىز بىر نېمە دەپ قويۇشىغا ئاچا-سىڭىل ئىككسى تاياق يەپ كەتكەن.

كۈزىتىش ئاپپاراتىنىڭ كۆرسىتىشىچە،لى**بىلەن ئاپىسى ئەنزە يۈز بەرگەن كۆزنەكنىڭ ئالدىدا بىر قېتىم ئەھۋال سوراپ بولغان.ۋۇ خانىم ئاچا-سىڭىل ئىككەيلەن ھەق تۆلەش نۆۋىتىنى ساقلاپ تۇرغاندا،لى**ئاپسى بىلەن يەنە بىر قېتىم ئاچا-سىڭىلنىڭ ئالدىدىكى رەتكە قىسىلىۋېلىپ ئەھۋال سورىغان.بۇ جەرياندا،ۋۇ خانىم بىلەن لى**نىڭ ئاپىسى گەپ تالىشىپ قالغان،لى**نىڭ ئاپىسى ئالدى بىلەن ۋۇ خانىمنى ئىتتىرگەن،لى**ئالدىغا بېرىپ نەسىھەت قىلغان بولسىمۇ،لى**نىڭ ئاپىسى ۋۇ خانىم بىلەن ئىتتىرەشكەن.لى**ئاخىرىدا ئالدىغا ئۆتۈپ ۋۇ خانىمنى ئۇرۇپ تېپىپ كەتكەن،ھەم ۋۇ ئاچا-سىڭلىنى ئۇرۇپ يەرگە يېقىتۋەتكەن.

1-سوتقا قاراپ چىققۇچى سوت مەھكىمىسى لى**نى قەستەن ئادەم ئۇرۇپ زەخمىلەندۈرگەن دەپ مۇددەتلىك ئىككى يىللىق قاماق جازاسىغا ھۆكۈم قىلغان.لى**ئۆزىنىڭ گۇناھىنى بوينىغا ئالغانلىق ئىشىنى ئوتتۇرغا قويۇپ نارازىلىق ئەرزىنى سۇنغان.شەھەرلىك1-سوت مەھكىمىسى قايتا تەكشۈرۈپ چىقىش ئارقىلىق،ھۆكۈمنى كېچىكتۈرۈپ ئىجرا قىلىشقا ئۆزگەرتكەن.