شياڭگاڭ تاراتقۇلىرىنىڭ خەۋەر قىلىشىچە، 58 ياشلىق چېڭ لوڭ يېقىندا ‹12 مۆچەل› ناملىق فىلىمنىڭ تەشۋىقات پائالىيىتىگە قاتنىشىش داۋامىدا مەخسۇس ژۇرنال زىيارىتىنى قوبۇل قىلىپ، دۆلەتنىڭ چوڭ ئىشلىرى ۋە جۇڭگو تىلىدىكى گۇمپا فىلىملىرىنىڭ كەلگۈسى تەرەققىياتى ئۈستىدە توختىلىپ ئۆزىنىڭ بۇ ھەقتىكى بىر قىسىم قاراشلىرىنى ئوتتۇرىغا قويغان.

ئۇ يەنە ئۆزىنىڭ ياش ۋاقىتلىرىدىكى بىر قىسىم تەرتىپسىز تۇرمۇشلىرىنى بايان قىلىپ، يېنىسا ھەر كۈنى 50-60 مىڭ يۈەن نەق پۇل ئېلىپ يۈرۈشنى ياقتۇرىدىغانلىقى ھەمدە كۆزىگە نېمە چىرايلىق كۆرۈنسە شۇنى ئالىدىغانلىقىنى، ھەتتا بىر كۈندە يەتتە دانە ساپ ئالماستىن ياسالغان ئېسىل سائەتلەرنى ئېلىپ رېكورت ياراتقانلىقىنى ئاشكارىلىغان.