ئاقيول تورىنىڭ خەۋىرى:             ساختا ساليوت سېتىۋىلىپ بىر ئەر جىنىدىن ئايرىلىپتۇ  
   مۇخبىرنىڭ تۈنۈگۈن شەھەرلىك ساليوت باشقۇرۇش ئىشخانىسدىن ئىگەللىشچە تۈنۈگۈن ئەتىگەنگىچە بۇ شەھەردە ساليوت ئېتىش ئومۇمىي ئەھۋالى تۇراقلىق بولۇپ ھىچقانداق زور ۋەقە يۈز بەرمىگەن، بىراق چاغاننىڭ 1-كۈنى بىر ئاھالە قانۇنسىز ساليوت قويۇپ بېرىش سەۋەبىدىن يارلىنىپ ئاخىرى داۋالاش ئۈنۈم بەرمەي ئۆلۈپتۇ .
    1-ئاينىڭ 22-كۈنى سائەت 23:30 ئۆتكەندە مىيۈن ناھىيسىدىكى جى**(ئەر ،41ياش)ساليوت قويۇپ بېرىش سەۋەبىدىن يارلىنىپ دوختۇرخانىغا ئېلىپ بېرىلغان،يارلىنىش ئەھۋالى ئېغىر بولغانلىقتىن ئىككىنچى كۈنى ئەتىگەندە ئۆلۈپ كەتكەن .تەكشۈرۈشكە ئاساسلانغاندا جى**چاغاندىن ئىلگىرى ئۆيىنىڭ ئەتراپىدىن 150يۈەن خەجلەپ 6تال 4سۇڭ چوڭلۇقتىكى ساليوت سېتىۋالغان بولۇپ بىرىنچى تالنى قويۇپ بەرگەن ۋاقتىدا پارتىلاپ يارلانغان .1-ئاينىڭ 23-كۈنى سائەت 15:00بولغاندا مىيۈن ناھىيلىك ساقچى ئىدارىسى قانۇنسىز ساليوت ساتقان گۇمانلىق ئۇنسۇر چۇ**نى تۇتقان ، تۈنۈگۈن چۈشتىن كېيىن يەنە بىر جىنايەت گوماندارى شەندۇڭدىن بېيجىڭغا قايتىپ ئۆزىنى مەلۇم قىلغان . ھازىر بۇ ئىككى جىنايەتچى قانۇن بويىچە تۇتۇپ تۇرىلىۋاتىپتۇ.
   ئىگەللىنشچە ھارپا ئاخشىمى بۇ شەھەردە ساليوت ئېتىش سەۋەبىدىن چوڭ كىچىك 150قېتىم ۋەقە يۈز بېرىپ 35 ئادەم يارلىنىپتۇ . ساقچىلار ساليوت سېتىش ئورۇنلىرنى كۈندىلىك تەكشۈرۈش تۈزۈمىنى يولغا قويۇپ ھەر بىر رايوننىڭ ساليوت سېتىلىشىغا مەسئۇل ساقچى خادىملارنى ھەر كۈنى بىر قېتىمدىن تەكشۈرۈپ تۇرۇشنى تەلەپ قىپتۇ . 
   تۈنۈگۈن كەچتە مەركىزىي شەھەر رايۇنىنىڭ ئوت ئۆچۈرۈش ۋەزىپسنى ئۈستىگە ئالغان ئوت ئۆچۈرۈش تارماق ئەتىرىتى بىرىنچى دەرىجىلىك تەييارلىقتا تۇرۇش ھالىتىگە ئۆتۈپتۇ ، شۇنىڭ بىلەن بىر ۋاقىتتا 8 ئوت ئۆچۈرۈش ماشىنىسنى بەشىنچى ئايلانما بۆلىكىدە چارلاش ئېلىپ بېرىشكە ئورۇنلاشتۇرۇپ تۇيۇقسىز ۋەقەلەر يۈز بېرىشنىڭ ئالدىنى ئاپتۇ. 
   بۇنىڭدىن باشقا ساقچىلار يەنە كېچىدە تىك ئۇچار ئايرۇپىلان ئورۇنلاشتۇرۇپ شەھەر ئاسمىنىدىن نازارەت قىلىش ۋەزىپسنى ئۆتەپتۇ ھەمدە شەھەرلىك ساليوت باشقۇرۇش ئىشخانىسىمۇ ئاھالىلەرنى ساليوت ئېتىش ۋاقتى بۈگۈن سەھەر سائەت 00:00 دىن ئېشىپ كەتمەسلىكىنى ئاگاھلاندۇرۇپتۇ.