بېيجىڭدا ھەقىقى ئىسمى بىلەن تىغلىق ئەسۋاپ سېتىېۋىلىش تۈزۈمى يولغا قويىلىدۇ، سېتىۋالغۇچىلار چوقۇم كىملىكىنى كۆرسىتىشى ۋە ئىشلىتىش ئورنىنى چۈشەندۈرىشى كېرەك

تېڭشۈن خەۋەرلىرىگە قارىغاندا ، كىملىك بولمىسا قىڭراق قاتارلىق تىغلىق ئەسۋابلارنى سېتىۋالغىلى بولمايدىكەن. يېقىندا، بېيجىڭ شەھىرىدىكى چوڭ تاللا بازارلىرى ۋە ئۆي سايمانلىرى دۇكانلىرى كەينى-كەينىدىن ئۇقتۇرۇش چاپلاپ، تىغلىق ئەسۋاپ سېتىۋىلىشتا "ھەقىقى ئىسىم تۈزۈمى"يولغا قويۇلىدىغانلىقىنى، سېتىۋالغۇچىلار چوقۇم ئىسىم-فامىلىسىنى تىزىملىتىشى ۋە ئىشلىتىش ئورنىنى ئىزاھلىشى كېرەكلىكىنى ئۇقتۇرغان.

تۈنۈگۈن، داۋاڭ يولى ئەتراپىدا ئولتۇرۇشلۇق جاڭ خانىم كۈچۈش ئالدىدا تۇرغان يېڭى ئۆيىگە بىر يۈرۈش ئاشخانا پىچاق سايمانلىرى ئالماقچى بولۇپ، ماركىسىز ئېسىل بۇيۇملار (无印良品) چاۋياڭ خۇشاللىق شەھەرچىسى دۇكىنىدا ھىسابات قىلىدىغان ۋاقىتتا، دۇكان خىزمەتچىسى كىملىكىنى كۆرسىتىشنى، كىملىكى بولمىسا پىچاق سېتىۋالالمايدىغانلىقىنى ئيتقان.  

«پىچاق سېتىۋىلىشتىمۇ "ھەقىقى ئىسىم تۈزۈمى"بارلىقىنى نەدىن بىلەي.» جاڭ خانىم كىملىكىنى ئېلىۋالمىغاچقا پىچاق سېتىۋالالمىدى.

مۇخبىر تۈنۈگۈن چۈشتىن كېيىن ماركىسىز ئېسىل بۇيۇملار (无印良品) چاۋياڭ خۇشاللىق شەھەرچىسى دۇكىنىغا كىلىپ، دۇكان ئىچىدىكى تىغلىق ئەسۋابلارنى ساتىدىغان رايونغا ئۇقتۇرۇش چاپلانغان بولۇپ، شەھەر ئاھالىلىرىنى ج خ ئورگانلىرىنىڭ تەلىپىگە ئاساسەن بۇ دۇكاندىن تىغلىق ئەسۋاب سېتىۋالغۇچىلار چوقۇم كىملىكىنى چىقىرىپ تىزىملىتىشى كېرەكلىكى ئەسكەرتىلگەن.

ئۇقتۇرۇشتا ئېنىق قىلىپ: «يۈرۈش-تۇرۇشى نورمال بولمىغانلار، كەيپىياتى نورمالسىزلار ۋە قۇرامىغا يەتمىگەنلەرگە سېتىپ بېرىش قەتئى مەنئى قىلىنىدۇ. ئەگەر يۇقۇرىدا دىيىلگەنلەر كىشىلەر پىچاق سېتىۋالماقچى بولسا دەرھال تەۋەلىگىدىكى ساقچىخانىغا مەلۇم قىلىشى كېرەك. تېزگىنلىنىدىغان تىغلىق ئەسۋاپلارنى سېتىۋالماقچى بولغان ئورۇن ۋە شەخسلەر كىملىكتىكى ئىسىم-فامىلىس بۇيىچە تىزىملىتىشى كېرەك» دەپ يېزىلغان. ئەڭ ئاخىرىغا بۇ ئۇقتۇرۇشنى تىغلىق ئەسۋابلارنى ساتىدىغان مەخسۇس پوكەينىڭ كۆزگە چېلىقىپ تۇرىغان جايىغا چاپلىنىشى كېرەكلىكى ئىزاھلانغان.

مۇخبىر  （沃尔玛）Wolmart،（永旺）Aeon، كەررىفور قاتارلىق كۆپلىگەن چوڭ تاللا بازارلىرىنى زىيارەت قىلىپ، （永旺）Aeon خۇشاللىق شەھەرچىسى دۇكىنى ۋە خۇاتاڭ شىلىباۋ دۇكىنى قاتارلىق دۇكانلاردا نۆۋەتتە تىغلىق ئەسۋابلار سېتىلمايۋاتقانلىقىنى، Wolmart (沃尔玛) ، كەررىفورلاردىكى تىغلىق ئەسۋابلارنى ساتىدىغان ئورۇنلارغىمۇ "ھەقىقى ئىسىم تۈزۈمى" ئەسكەرتىپ قويۇلغانلىقىنى، خېرىدارلار پىچاق سېتىۋالغاندا ھەقىقى ئىسمىنى تىزىملىتىشى كېرەكلىكىنى بايقىدى.

تۈنۈگۈن چۈشتىن كېيىن، كەررىفور جىڭئەنجۇاڭ دۇكىنىدىكى پىچاق پوكىيى ئالدىدا بىرنەچچە خىرىدار پىچاق تاللاۋاتاتتى. بۇ بىرنەچچە كۈندە چاغانلىق سېتىشنى تىزلىتىش پائالىيىتى ئېلىپ بېرىلىۋاتقان بولۇپ، ئەسلىدە 700يۈەن ئەتراپىدا سېتىلىۋاتقان سەككىز دانە يۈرۈشلۈك پىچاق پەقەت 200نەچچە يۈەندىن سېتىلىۋاتقان بولۇپ، بىر قىسىم خېرىدارلارنى سېتىۋىلىشقا جەلىپ قىلغان.

مۇخبىرنىڭ بايقىشىچە، بۇ پىچاق پوكىيى باشقا مال جازىلىرى بىلەن پەرقلىق بولۇپ، ئەينەك ئېشىكلىك قىلىپ ئېتىۋىتىلگەن، خېرىدارلار پەقەت ئەينەكنىڭ سىرتىدا تۇرۇپ تاللىيالايدىكەن، تاللاپ بولغاندىن كېيىن مال ساتقۇچى ئەينەك ئېشىكنى ئېچىپ بېرىدىكەن.ئەينەك ئېشىكنىڭ بۇرجىكىگە پىچاق سېتىۋېلىشتا كىملىكىنى تىزىملىتىش كېرەكلىكى ئەسكەرتىلگەن.

«كىملىكىڭىز يېنىڭىزدا بارمۇ، تىزىملىتىشىڭىز كېرەك.»خېرىدار پىچاقنى تاللاشتىن بۇرۇنلا مۇلازىمەتچى خېرىدارلاردىن سورايدۇ. كىملىكىنىڭ بارلىقىنى جەزىملەشتۈرگەندىن كېيىن، ئاندىن خېرىدارلارغا مەھسۇلاتنى داۋاملىق تونۇشتۇرىدۇ.

Wolmart (沃尔玛) ، كەررىفوردىكى خىزمەتچى خادىملار پىچاق سېتىۋىلىشتا "ھەقىقى ئىسىم تۈزۈمى" يولغا قويۇلغىلى خېلى بىرمەزگىل بولغانلىقىنى، سېتىلىش مىقدارىدا روشەن ئۆزگىرىش بولمىغانلىقىنى ئېيتتى.

مۇخبىرنىڭ بايقىشىچە، خېلى كۆپ كىچىك تىپتىكى بەش خىل مىتال دۇكانلىرىدىمۇ تېغلىق ئەسۋابلار سېتىلىدىكەن، چوڭ تاللا بازارلىرى ۋە ئولتۇراق رايونلاردىكى دۇكانلاردىكى ھەقىقى ئىسمى بىلەن پىچاق سېتىۋىلىشقا سېلىشتۇرغاندا، بەش خىل مېتال دۇكىنىنىڭ خۇجايىنىنىڭ ئىنكاسىچە خېرىدارلارنىڭ ئۇچۇرلىرىنى تىزىملاش ھاجەتسىز بولۇپ، سېتىۋالغۇچىلارغىمۇ ئاسان، قولايلىق بولىدىكەن.