شىنخۇا ئاگېنتلىقى بېيجىڭ 1-ئاينىڭ 23-كۈنى تېلېگراممىسىغا ئاساسلانغاندا ،دۆلەتلىك سودا سانائەت مەمۇرىي باشقۇرۇش باش ئىدارىسى ،يېقىندا ھەرقايسى جايلاردىكى سودا سانائەت ئورگانلىرىنىڭ ، يېمەكلىك تىجارىتى بىلەن شۇغۇللانغۇچىلارنىڭ يېمەكلىكلەرنىڭ ئورالما قاپلىرىغا بولغان تەلىپىنى كۈچەيتىشى ،كۆرسەتمىسى ، ئىشلەپ چىقىرىلىش ۋاقتى ،ساقلىنىش مۇددىتى ۋە يېمەكلىكنى ساقلاشقا مۇناسىۋەتلىك شەرت تەلەپلەرگە قارىتا قاتتىق تەكشۈرۈپ ،ئۈنۈملۈك ئىستېمال ۋاقتى توشۇش ئالدىدا تۇرغان يېمەكلىكلەرگە قارىتا تىجارەت قىلىش ئورنىدا ئىستېمالچىلارنىڭ كۆزىگە چېلىقىدىغان ئورۇنغا يېزىپ قويۇشى كېرەكلىكى دېيىلگەن .
سودا-سانائەت باش ئىدارىسى ھەرقايسى ئورۇنلاردىكى سودا سانائەت ئورگانلىرىغا تەلەپ قويۇپ ،يېمەكلىك تىجارىتى قىلغۇچىلارنىڭ يېمەكلىك مەھسۇلاتلىرىنى كىرگۈزۈش ۋە تەكشۈرۈپ ئۆتكۈزۈۋېلىشىنى تەكشۈرۈپ نازارەت قىلىش ،مال تەمىنلىگۈچىنىڭ قانۇنلۇق بولىشىغا كاپالەتلىك قىلىش ،مەھسۇلات كىرگۈزۈلگەن ئورۇن ئىشەنچىلىك بولۇش ،سۈپەت تەكشۈرۈش دوكىلاتى ئەمەلىي ۋە ئۈنۈملۈك بولۇش ،مال كىرگۈزۈش ئۆتكىلىنى ھەقىقىي تۈردە چىڭ تۇتۇش  كېرەك ،تىجارەت قىلغۇچىلار بايقىغان بەلگىلەنگەن ئۆلچەمگە ماس كەلمەيدىغان يېمەكلىكلەرنى تەكشۈرۈپ بايقاشنى چىڭ تۇتۇش ،ئۈنۈملۈك ئىستېمال ۋاقتىدىن ئۆتۈپ كەتكەن يېمەكلىك مەھسۇلاتلىرىنى سېتىشنى دەرھال ۋاقتىدا توختىتىش ،مال جازىسىدىن چۈشۈرۈپ پېچەتلەش ،قانۇن بويىچە بىرتەرەپ قىلىش ياكى كۆيدۈرۈپ يوقىتىش ،مال كىرگۈزۈش ئۆتكىلىنى ئەڭ مۇھىم ھالقا دەپ بىلىش كېرەك .